كەدەنشىلەر اقتاۋ دەكلاراتسياسىن قابىلدادى

2016 جىلعى 23 قاراشادا اقتاۋ قالاسىندا جىبەك جولى ەلدەرىنىڭ اراسىنداعى ساۋداعا جاردەمدەسۋ جانە جەڭىلدەتۋدىڭ كەدەندىك اكىمشىلىكتەردىڭ 7-ءشى حالىقارالىق فورۋمى ءوز جۇمىسىن اياقتادى. فورۋمنىڭ جۇمىسىنا قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ ورىنباسارى گوسمان امرين, تۇرىك رەسپۋبليكاسىنىڭ كەدەن جانە ساۋدا مينيسترلىگىنىڭ ۆيتسە-ءمينيسترى رەمزي اكچىن, تۇركىتىلدەس مەملەكەتتەردىڭ ىنتىماقتاستىعى كەڭەسىنىڭ باس حاتشىسىنىڭ ورىنباسارى ابزال ساپاربەك ۇلى,  ازىربايجان, قىرعىزستان, قىتاي, گرۋزيانىڭ كەدەندىك قىزمەت باسشىلارىنىڭ ءبىرىنشى ورىنباسارلارى, سونداي-اق «اقتاۋ» جانە «باكۋ» تەڭىز پورتتارىنىڭ باسشىلارى قاتىستى. جيىننىڭ قورتىندىسىندا قاتىسۋشىلار اقتاۋ دەكلاراتسياسىن قابىلدادى. وندا تاسىمالداۋلاردى تەزدەتۋ مەن ولاردىڭ تارتىمدىلىعىن ارتتىرۋ ماقساتىندا كولىكتىك دالىزدەردىڭ جۇمىس ىرعاعىن كوتەرۋ; «كەرۋەن-ساراي جليۋاسى», «ءبىر بەلبەۋ ءبىر جول» جانە باسقا دا ماڭىزدى باعدارلامالاردى كەلىسۋ مەن جۇزەگە اسىرۋ ارقىلى جىبەك جولى ەلدەرىنىڭ اراسىنداعى ىنتىماقتاستىقتى جانداندىرۋ; ساۋداداعى پروتسەدۋرالاردىوڭتايلاندىرۋدىڭ ءتۇرلى مەحانيزمدەرىن قولدانۋ; شەكارانى اسۋ پروتسەدۋرالارىن ودان ءارى جاڭعىرتۋ, بار ينفروقۇرىلىمدى جەتىلدىرۋ, سونداي-اق كەدەندىك تەكسەرىستەردىڭ جوعارى تەحنولوگيالارىن ەنگىزۋ بەلگىلەنگەن. وتىرىستى اياقتاي وتىرا, گوسمان امرين كەدەندىك اكىمشىلەندىرۋدى وڭتايلاندىرۋداعى جاعىمدى تەندەنتسيانى اتاپ ءوتتى جانە قاتىسۋشىلارعا بۇل باعىتتاعى تىعىز ىنتىماقتاستىق ءۇشىن العىسىن ءبىلدىردى.