دەپۋتاتتار جاڭا جىلدا كورپوراتيۆتى كەشتەر وتكىزبەيدى

قر ءماجىلىسىنىڭ دەپۋتاتتارى مەن كەيبىر ۇلتتىق كومپانيالار جاڭا جىلدىق كورپوراتيۆتىك كەشتەردى وتكىزۋدەن باس تارتتى, - دەپ حابارلايدى Tengrinews.kz. "بىزدە ەشقانداي كورپوراتيۆتەر جوسپارلانباعان. ءبىز قاتاڭ جۇمىس كەستەسى بويىنشا ىستەيمىز جانە قازىر پارلامەنت سايتىنان كورۋگە بولادى. جاڭا جىلدا بىزدە دە ءتورت كۇندىك دەمالىس بولادى, ال 4 قاڭتاردا رەگلامەنت بويىنشا ءبىز ايماقتارعا ساپارلايمىز. ايماقتاردا, شالعاي اۋدانداردا جۇمىس ىستەيمىز, حالىقپەن كەزدەسۋ وتكىزەمىز. پارلامەنتتە قىدىرىپ كەتەتىن دەمالىستار دا بولمايدى, بۇل جاقسى ما, جامان با - وزدەرىڭىز شەشەرسىزدەر", -  دەدى قر ءماجىلىسىنىڭ دەپۋتاتى پاۆەل كازانتسەۆ. ءماجىلىس دەپۋتاتى يرينا ارونوۆا دا دەپۋتاتتاردىڭ جاڭا جىل قارساڭىندا ەشقانداي كورپاراتيۆتى كەشتەر ۇيىمداستىرمايتىنىن راستاپ, بۇل وتباسىلىق مەيرام جانە وشاق قاسىندا اتالىپ وتەتىنىن ايتتى. ء"بىز جاڭا جىلدىق كورپوراتيۆتەر وتكىزبەيمىز, بىراق كومپانيا جىل سايىن الماتىنىڭ تۇركىسىب اۋدانىنداعى كەمتار جانە جاڭدايى تومەن وتباسىنداعى بالالارعا سىيلىقتار بەرەدى", - دەيدى بۇل ماسەلە بويىنشا Air Astana اۋە كومپانياسىنىڭ وكىلدەرى. "سامرۇق-قازىنا" كومپانياسىندا دا, بيۋدجەت ەسەبىنەن كورپاراتيۆتى مەرەكەلىك كەشتەر ۇيىمداستىرىلمايتىنىن, دەگەنمەن, قىزمەتكەرلەردىڭ ءوز قالتاسىنان مەرەكەلىك شارالار ۇيىمداستىرۋى دا سوگىسكە جاتپايتىنىن ايتتى.