«مەملەكەتتىك اقپاراتتىق تاپسىرىس جايىندا ايتار بولساق... ايتالىق, «قازاقستان» تەلەراديوكورپوراتسياسىن الساق, 18 ميلليارد تەڭگە «سۇمدىق» قاراجات دەپ ويلايمىز. ءبىزدىڭ ساراپشىلار بەس جىلعا ەسەپتەيدى, ال كەيىن مەملەكەتتىك اقپاراتتىق تاپسىرىس 100-150 ميلليارد قاراجات الدى دەيدى. ءبىر قاراعاندا بۇل اقىلعا قونىمسىز سوما بولىپ كورىنەدى. ال شىن مانىندە ولاي ەمەس», - دەدى اباەۆ. ول «قازاقستان» تەلەراديكورپوراتسياسىنىڭ قۇرامىندا 23 بۇقارالىق اقپارات قۇرالى بار ەكەنىن, ونىڭ قاتارىندا 4 راديو جانە 14 وبلىستىق ارنانىڭ بار ەكەنىن ءتۇسىندىردى. «10 پايىز قامتىلىپ وتىر, قازتەلەراديو – تاراتىلىم ءاربىر اۋىلعا جەتەدى, تسيفرلىق تاراتىلىم دا بار. ساتىپ الاتىن كوپتەگەن ماتەريال دا بار, سەبەبى ءبىز فۋتبولدان قازاقستان قۇراماسى ويىنىنىڭ ترانسلياتسياسىن ساتىپ الۋىمىز كەرەك. وليمپيادادا دا سولاي. جاسىرىن تۇردە ايتايىن, وليمپيادانى كورسەتۋ بويىنشا كەلىسسوزدەردى مەن جۇرگىزگەن ەدىم, بۇل كەلىسسوزدەر ويىندارعا ءبىر اپتا قالعاندا عانا اياقتالدى. ياعني ءبىز وليمپيادانى كورسەتپەي دە قالۋىمىز مۇمكىن ەدى. بۇل وتە كۇردەلى كەلىسسوز بولدى. بۇعان دا قاراجات قاجەت, بۇل دا مەملەكەتتىك اقپاراتتىق تاپسىرىس», – دەدى مينيستر. ول مەملەكەتتىك اقپاراتتىق تاپسىرىسقا جۇمسالاتىن قاراجات سوماسى جايلى ايتقان كەزدە ناقتى كونتەنتكە جۇمسالاتىن اقشا جايلى عانا ءسوز قوزعاۋ كەرەك ەكەنىن اتاپ ءوتتى. «ەگەر بارلىق تەحنيكالىق ماسەلەلەردى, ەڭبەكاقى تولەمى قورىن الىپ تاستاسا, مەملەكەتتىك اقپاراتتىق تاپسىرىستىڭ سوماسى الدەقايدا از بولادى. قازىر ايتىلىپ جاتقان سومالار جايلى ءبىر اۋىز ءسوز دە بولمايدى دەپ سەنىممەن ايتا الامىن», – دەدى داۋرەن اباەۆ.
