ەكولوگيانى ساۋىقتىرۋ – ۋاقىت تالابى

بيىلعى جىلى ەل تاۋەل­­­سىزدىگىنىڭ 20 جىل­دى­عى­مەن بىرگە,  سەمەي اتوم پولي­گو­نىنىڭ جابىلعانىنا دا جيىر­ما جىل تولماق. بۇل – ەگەمەن ەل ءومى­رىندەگى اسا ەلەۋلى وقيعالاردىڭ ءبىرى. بىراق, وكىنىشكە قاراي, وسى ماسەلە ءالى دە جەرىنە جەتكىزىپ جازىلماي دا, ناسيحاتتالماي دا كەلە جاتقان ءتارىزدى. ال ەكولوگيا ماسەلەسى قازىردە الەمدىك ماسەلەگە اينالىپ وتىر­عا­نىن كىم جوققا شىعارا الادى؟ سوندىقتان پوليگون جابىل­عا­ن­مەن, ونىڭ زارداپتارى ءالى دە تو­لىق­تاي جويىلىپ بولعان جوق. وعان ارال قاسىرەتىن قوسىڭىز. ونى ايتپاعان­دا, سوربۇلاقتىڭ ءوزى سورىمىزدى قايناتپاسىنا كىم كەپىل؟ مىنە, ءبۇ­گىندە پرەزيدەنتتىكتەن ۇمىتكەرلەردىڭ ءبىرى مەلس ەلەۋسىزوۆ سونداي ەكو­لوگيا ماسە­لە­لەرى­مەن تۇبە­گەيلى ءتۇر­دە اي­نا­ل­ىسىپ كەلە جات­قانداردىڭ ءبىرى عانا ەمەس, بىرەگەيى بولىپ تا­­­بىلادى. ول ءوت­­­كەن جولعى ساي­لاۋدا دا پرە­زي­دەنتتىككە ءوز كان­دي­دا­تۋ­را­سىن ۇسىنعان بو­لا­تىن. ءبى­رەۋلەردىڭ ونىڭ بۇل تىرلىگىن ءتۇسىن­بەي قالۋى دا مۇمكىن. ال ءوز باسىم مۇنى تۇسىنبەۋدىڭ ەش ءجونى جوق دەپ بىلەمىن. مۇمكىن, مەنىڭ زاماندا­سىم مەلس وسى ارەكەتى ارقىلى جۇرتشىلىقتىڭ كوڭىلىن جاھان­دىق ماسەلەگە اۋدارتقىسى كەلەتىن شىعار. ەندەشە, جەر-انانى ارداقتاي بىلەيىك دەگەن ونىڭ تالاپ, تالپىنىسىنىڭ نەسى سوكەت؟ سوندىقتان مەن ءوز قۇقىمدى پايدالانا وتىرىپ, قازاق­ستان­دىق­تار­دى الداعى سايلاۋدا مەلس ەلەۋ­سىزوۆتىڭ كانديداتۋراسىن جاق­تاپ داۋىس بەرۋگە شاقى­را­مىن. قالاي بولعاندا دا, ەكولو­گيا­لىق اپاتتان الدىن-الا ساق­تانباساق بولمايدى. ايدوس مايلىباەۆ, تابيعات جاناشىرى. سەمەي.