كوت-د`يۆۋارداعى جاعداي جاقسارماي تۇر

ءبىر تاۋلىك ىشىندە كوت-د`يۆۋاردىڭ ەڭ ءىرى قالاسى ابيدجاندا مەملەكەتتىڭ قا­زىر­گى باسشىسى لوران گباگبونىڭ جاق­تاۋ­شىلارى مەن تاياۋداعى پرەزيدەنتتىك سايلاۋدا جەڭىسكە جەتكەن الاسسان ۋاتتارۋدى قولداۋشىلار اراسىندا بولعان قاق­تى­عىستا 20-دان استام ادام قازا تاپتى, دەپ حابارلايدى اسسوشەيتەد پرەسس اگەنتتىگى. ارميا مينومەتتەر مەن گراناتومەتتەردى قولدانا باستاعان وتكەن اپتاداعى وقيعادان كەيىن قارسىلاستار اراسىنداعى احۋال شيەلەنىستى سيپاتقا يە بولعان. ساراپشىلار ەتەك الىپ بارا جاتقان زورلىق-زومبىلىق ارەكەتتەردى توقتاتۋدىڭ ءساتى تۇسپەسە, ەلدە ازامات سوعىسى باستالىپ كەتۋى مۇمكىن دەگەن قاۋىپ ايتۋدا. يراننىڭ اسكەري كەمەلەرى سۋەتس كانالىنا ەندى يراننىڭ اسكەري-تەڭىز كۇشتەرىنىڭ ەكى كەمەسى سۋەتس كانالىنا ەكىنشى مارتە ەنىپ, قىزىل تە­ڭىز­گە قاراي باعىت الىپ بارادى, دەپ حابار­لادى رەيتەر اگەنتتىگى. وتكەن ايدىڭ سوڭىندا دا يران كەمەلەرى سيرياداعى اسكەري مانەۆرگە قاتىسۋ ءۇشىن سۋەتس كانالى ارقىلى جەرورتا تەڭىزىنە شىققان بولاتىن. بىراق ول جولى ەگيپەت وكىمەتىنىڭ تالابىنا سايكەس ۋا­قىتشا كەيىن قايتۋعا تۋرا كەلگەن. يران وكىلدەرىنىڭ ايتۋلارىنشا, كەمەلەردىڭ ءوتۋى حالىقارالىق قۇقىق نورمالارىنا سايكەس كەلەدى. ۋگو چاۆەستىڭ ۇسىنىسى قابىلدانبادى اقش پەن فرانتسيا ۆەنەسۋەلا پرەزيدەنتى ۋگو چاۆەستىڭ ليۆياداعى احۋالدى رەتتەۋ ءۇشىن حالىقارالىق كوميسسيا قۇرۋ جونىندەگى ۇسىنىسىن قابىلداماي تاستادى. ونىڭ ەسەسىنە اق ءۇيدىڭ ءباسپاسوز حات­شىسى فيليپپ كروۋلي دجاماحيريا كوسەمى مۋاممار كاددافيدىڭ ءوز قىزمەتىنەن كەتۋى جونىندەگى ۇسىنىسىن تاعى دا قايتالاعان. فرانتسيا بولسا, م.كاددافيدىڭ ءوز ماقساتىنا قول جەتكىزۋىنە جاعداي جاسايتىن كەز كەلگەن كەلىسسوزدى قولدامايتىنىن ءبىلدىرىپ وتىر. سوعان قاراعاندا, ورىن العان احۋالعا ءادىل باعا بەرۋدى ويلاپ باس قاتىرىپ جاتقان ەشكىم جوق سياقتى. بىرقاتار ەلدەر باتىس تۇيمەدەيدى تۇيەدەي ەتىپ كورسەتۋدە دەگەندى دە ايتۋدا. اقش اقپاراتتىق سوعىستا جەڭىلىس تابۋدا اقش-تىڭ مەملەكەتتىك حاتشىسى حيللاري كلينتون ۆا­شينگ­توننىڭ اقپاراتتىق سوعىستا وزگە مەملەكەتتەردەن جە­ڭىلىپ جاتۋىنا بايلانىستى ەلدىڭ ىشكى ساياسات ۆەدوم­ستۆو­سىنىڭ بيۋدجەتىن قىسقارتۋعا جول بەرىلمەۋى كەرەكتىگىن مالىمدەگەن. ونىڭ ايتۋىنشا, «قىرعي-قاباق سوعىس» اياقتالعاننان كەيىن باق پەن ناسيحاتقا بولىنەتىن شىعىنداردىڭ قىسقارتىلۋى اقش-تىڭ اقپاراتتىق ورىستە وزگە ويىنشىلارعا جول بەرۋىنە اكەلىپ سوقتىرعان. مىسال رەتىندە كلينتون كاتارلىق «ءال جازيرا», قىتايلىق CCTV جانە رەسەيلىك Russia Today تەلەارنالارىن كەلتىرگەن. سونداي-اق, گولليۆۋدتىق فيلمدەر مەن امەريكالىق ويىن-ساۋىق باعدارلامالاردىڭ الەمدە ۇستەمدىك قۇرۋى اقپاراتتار تاراتۋ بولىپ تابىلمايدى ءارى ەلدىڭ شىنايى بەينەسىن بۇرمالاپ كورسەتەدى, دەپ ەسەپتەيدى مەملەكەتتىك حاتشى. ەۋروپالىق وداق تۋىن ورتەدى ۇندەۋلەرى Facebook الەۋمەتتىك جەلىسى ارقىلى تاراتىلعان ۇكىمەتكە قارسى ەرەۋىلدەر بارعان سايىن قارقىن الا تۇسۋدە. وتكەن سارسەنبىدە زاگرەبتە بىرنەشە مىڭ­دا­عان ادام قاتىسقان شەرۋدە حالىق ەۋرو­وداق­تىڭ تۋىن ورتەپ جىبەرگەن. سول سياقتى ۇكىمەتتى باسقارىپ وتىرعان يادران­كي كوسور جەتەكشىسى بولىپ تابىلاتىن «حورۆات دەموكرا­تيا­لىق دوستاستىعى» فراكتسياسىنىڭ تۋىن دا تۇتە-تۇتە قىلىپ جىرتقان. قارسىلىق شەرۋلەرى ەلدىڭ ريەكە, سپليتە جانە دجياكوۆە سياقتى قا­لالارىندا دا وتۋدە. نارازى توپ بيلىككە كوررۋپتسيا, جۇمىسسىزدىق جانە تۇرمىس تاۋقىمەتىنىڭ قىمباتتىعى ءۇشىن ايىپتار تاعىپ وتىر. ناتو ليۆيا ىسىنە ارالاسپايدى بۇۇ قاۋىپسىزدىك كەڭەسىنىڭ ليۆياعا قا­تىس­تى قابىلداعان قارارىندا اسكەري كۇش كورسەتۋ تۋرالى ايتىلماعاندىقتان ناتو ليۆياداعى احۋالعا اسكەري تۇرعىدا ارا­لاسۋدى جوسپارلاپ وتىرعان جوق, دەپ ءما­لىمدەدى وسى ۇيىمنىڭ باس حاتشىسى اندەرس فوگ راسمۋسسەن. بۇۇ قاۋىپسىزدىك كەڭەسى 28 اقپاندا ليۆياعا قارسى وسى ەلگە قارۋ-جاراق ساتۋعا ەمبارگو ەنگىزۋدى, سول سياقتى ەسەپ-شوتتاردى قي­مىلسىزداندىرىپ, كاددافيدىڭ, ونىڭ وتباسى مەن بىرقاتار جاقىن­دارىنىڭ شەت ەلگە شىعۋىنا تىيىم سالۋدى قاراستىراتىن سانكتسيالار ەنگىزۋ تۋرالى قارار قابىلداعان بولاتىن. كوپتەگەن ەلدەر, سونىڭ ىشىندە رەسەي دە كوتەرىلىس ءجۇرىپ جاتقان ليۆيادان ءوز ازاماتتارىن الىپ شىعۋدا, دەپ حابارلايدى ينتەرفاكس اگەنتتىگى. قۇپيا ماتەريالدار جاريا ەتىلدى ۇلىبريتانيانىڭ ۇلتتىق مۇراعاتى بريتان ساياساتكەرلە­رى­نىڭ ۇشاتىن بەيما­لىم نىسانعا (ۇبن), «بوگدەپلانە­تا­لىق­تار­دىڭ باسىپ كىرۋىنە», سول سياقتى بەي­مالىم قۇبىلىستاردى كور­گەندەردىڭ ايت­قان­دارى مەن اسكەريلەردىڭ جانە پولي­تسەي­لەردىڭ زەرتتەۋلەرىنە قاتىس­تى قۇپيا قۇجاتتاردى جاريا ەتتى, دەپ حابارلايدى بري­تاندىق Sky News تەلەارناسى. ۇلىبريتانيانىڭ ۇلتتىق مۇراعاتى ەلدىڭ قورعانىس مينيس­تر­لىگىنىڭ مۇراعاتىنداعى ۇشاتىن بەيمالىم نىساندارعا قاتىستى ما­تە­ريالداردى جىل سايىن جاريا ەتىپ تۇرادى. «UFO Files» رەتىندە تا­نىمال ول قۇجاتتار قوعام مەن جۋرناليستەردىڭ نازارىن اركەز وزىنە اۋدارىپ كەلەدى. بۇل جولعى قۇجاتتا ۇبن فەنومەنىنە بريتان ۇكىمەتى دەڭگەيىندە جۇرگىزىلگەن زەرتتەۋلەردىڭ ناتيجەلەرى بار كورىنەدى. حوسني مۇباراكتىڭ ۇلى ءوزىن ءوزى ولتىرمەك بولدى بەيرەسمي مالىمەتتەرگە قاراعاندا, ەگيپەتتىڭ ەكس-پرەزي­دەن­تى حوسني مۇباراكتىڭ بالاسى جامال مۇباراك ءوزىن ءوزى ولتىرمەك بولعان كورىنەدى. ءالجيردىڭ Echorouk گازەتىنىڭ حابارلاۋىنشا, ول ءوز نيەتىن ۋ ءىشىپ جۇزەگە اسىرماققا تىرىسقان. بۇل وقيعا ەگيپەتتىك اسكەريلەر الىنىپ قويىلعان ميلليونداعان دوللار قارجىنى بانكتەردىڭ ەسەپ-شوتىنا كەرى قايتارۋدى تالاپ ەتكەننەن كەيىن ورىن العان. جامال مۇباراكتى شارم-ەل-شەيحتاعى وتباسىلىق رەزيدەنتسيادا ەس-ءتۇسسىز جاتقان جەرىنەن تاۋىپ الىپتى. تەك ەمدەۋشى دارىگەردىڭ كۇش-جىگەر جۇمساۋىنىڭ ارقاسىندا عانا ول اجالدان امان قالعان. ينتەرنەت ماتەريالدارى نەگىزىندە ازىرلەندى.