تاعدىرىمىز ەلىمىزبەن تامىرلاس

قۇراندا «جاقسىلىق پەن جاماندىق ءبىر اللادان» دەگەن ايات بار. ونى قازاقتا «پەشەنە» دەيدى. و باستان اتا-بابالارىمىز «ماڭدايعا نە جازسا, سونى كورەسىڭ» دەپ وتكەن. ال قيامەتكە دەيىن ۇزىلمەيتىن جاقسىلىق پەن جاماندىق پەندەلەردىڭ نيەتى مەن امالدارىنا قاراي بەرىلەدى. سول ءتارىزدى ءبىزدىڭ قازاق حالقىنىڭ تاعدىرى ءوز وتانىمىزداعى احۋالمەن تىكەلەي بايلانىستى. دۇنيەنى ۇستاپ تۇرعان بەس سەبەپ بار. حالقىنىڭ ءادىل باسشىسى, عۇلامالار ءبىلىمى, قۋاتتىنىڭ جو­مارت­تىعى, كەدەيلەردىڭ دۇعا-تىلەگى. العاشقىسى – ءادىل باسشى. ول – اللانىڭ اماناتى مەن ادال­دىعىنا بەكەم دارا تۇلعا. ال ەندى وسى تورتەۋىنىڭ باسىن ءبىر جەرگە تۇيىستىرگەن «قازاعىما جاقسىلىق بەرە گور!» دەپ كوز جاسىمەن تىلەپ وتكەن بابالار باتالارىنىڭ شاراپاتى! ەلىنىڭ ەركىندىگى مەن حالقىنىڭ ىنتىماعىن كوكسەگەن اتالارىمىزدىڭ دۇعا شاراپاتى بۇگىنگى تاڭدا ات ۇستىندەگى ازاماتتاردى جەلەپ-جەبەي بەرسىن دەيىك. «ينشاللاسىز» ءىسىن باستاماعان قازاق, بۇل ءسوزدىڭ قۇرانعا جاناسارىن بىلگەندەي. پايعام­بارىمىز (س.ع.س.) الدىنا ساۋالمەن كەلگەن ادام­دارعا «ەرتەڭ جاۋاپ بەرەمىن» دەپ ايتقاندا, جەبىرەيىل پەرىشتە ون بەس كۇننەن كەيىن پايعامباردىڭ «ينشاللا» دەپ ايت­پا­عانى ءۇشىن وسىنشاما ۋا­قىتقا كەشىككەندىگى تۋرالى حابار بەرگەندىگى «كاحف» سۇرەسىندە باياندالادى. مۇحاممەد (س.ع.س.) پايعامبارىمىز ءۇش ادامعا, ياعني جولدا جانە قيىندىقتا قالۋشىعا, اتا-انا مەن ۇلكەن كىسىلەرگە جاقسىلىق جاساۋدى بۇيىرعان. ەكو­نو­مي­كامىز­دىڭ وركەنىمەن جىل سايىن قارتتار­دىڭ زەي­نەت­اقىسى جوعارىلاپ, بيىلعى جىلى 30 پايىزعا كو­تەرىلدى. بۇل – ۇلكەندەرىمىزگە ۇلكەن قۋانىش پەن قۇر­مەت. جۇمىسقا جارامسىز, سال مۇگەدەكتەردىڭ كۇنكورىس تولەماقىلارى جارتى جىل سايىن ۇستەمەلەنۋدە. جولدا بەينەتكە ءتۇسىپ, قارجى جانە ەم – دارىلىك كومەككە قاجەت بولعاندارعا اەروموبيلدى تىكۇشاقتارمەن كو­مەك ەتۋ جاعدايى بەلگىلەنگەن. قازاقتىڭ سانىن كوبەي­تۋدە ءار تۋعان بالالارىنا قاراي وتباسىنداعى جاس انالارعا ىنتالاندىرۋ تولەماقىلارى تاعى بار. اتا-بابا داستۇرىمەن الەمدىك جانە ءداستۇرلى دىندەر جەتەكشىلەرى ەلىمىزدىڭ تورىنە دوڭگەلەنە جي­نا­لىپ, ءدىن­دەر­ارالىق جانە ۇلتارالىق قاتىناسقا سىي­لاستىق پەن تۇسىنىستىكتى قۇراق ەتۋگە شاقى­رىلىپ ءجۇر. كەزىندە مۇ­حام­مەد (س.ع.س.) پايعام­با­رىمىز حۇدايبيا جەرىندە كاپىر­لەرمەن ون جىلعا سوعىسپاۋ تۋرالى كەلىسىمگە كەلگەن. ودان سول كە­زەڭدە مۇ­سىل­مان جاماعاتى كوپ جەڭىسكە جەتتى. ول جىلدار مۇ­سىلمانداردىڭ العا باسۋ كەزەڭى بولدى. جۋىردا عانا ەلىمىزدە ەۋروپاداعى قاۋىپسىزدىك جانە ىن­تى­ماق­تاستىق ۇيىمىنا (ەقىۇ) مۇشە مەملەكەت­تەردىڭ باسشىلارى ات تىزگىندەتە باس قوسقان استانا ءسامميتى ءدۇ­نيە­لىك تاريحقا التىن ارىپپەن ماڭگىلىككە قا­شا­لىپ جا­زىلدى. «ءبىر ەل مەن جەرگە الىستان نە جا­قىننان قوناق كەلسە, وزىمەن بىرگە قىرىق نەسىبەسىن الا كەلەدى. قى­رىق­تىڭ ءبىر بولىگىن ءوزى جەپ, قالعانىن سول مەكەنگە قال­دى­رادى», – دەگەن حاديس بار. نە بولماسا كۇنى كەشە ازيا وي­ىندارىندا سالاماتتى ءومىر سالتىنىڭ تۋىن سالتاناتپەن تىگۋى ۇلكەن ءدا­رەجە. وسىنىڭ بارىنە قازاقستان ءبىر­لىگىنىڭ, تۇتاس­تى­عىنىڭ, ءبىر تۋدىڭ استىنا جينالۋى­نىڭ ارقا­سىن­دا قول جەتكىزدى. ءتۇرلى باعىتتاعى تابىس­تا­رىمىز جىلما-جىل ارتا بەرسىن. اللا تاعالا سوعان ءناسىپ ەتسىن. نۇرلان اسانوۆ, قازاقستان مۇسىلماندارى ءدىني باسقارماسىنىڭ  جەزقازعان ايماقتىق وكىل يمامى. جەزقازعان.