"تاۋەلسىز قازاقستان" پويىزى ەل ارالاپ, ءتۇرلى شارالار وتكىزەدى

استانا قالاسىنىڭ تەمىر جول ۆوكزالىندا ەرتەڭ, 1 قاراشا كۇنى قازاقستان حالقى اسسامبلەياسىنىڭ باستاماسىمەن ەل تəۋەلسىزدىگىنىڭ 25 جىلدىعىنا ارنالعان "تəۋەلسىز قازاقستان" پويىزى" رەسپۋبليكالىق اكتسياسىنىڭ باستالۋىنا وراي, سالتاناتتى شارا وتەدى. بۇگىن ورتالىق كوممۋنيكاتسيالار قىزمەتىندە اكتسيانىڭ جۇمىسى مەن باعىت-باعدارىنا ارنالعان بريفينگ ءوتتى. وعان "تəۋەلسىز قازاقستان" پويىزى" شتابى جەتەكشىسىنىڭ ورىنباسارى نۇربەك شاياحمەتوۆ پەن "قازاقستان تەمىر جولى" ۇك اق كادرلىق جəنە əلەۋمەتتىك جۇمىستار باسقارماسىنىڭ باسشىسى رۋسلان بارباسوۆ قاتىستى. "اكتسيانىڭ ماقساتى - تəۋەلسىزدىك جىلدارىنداعى جەتىستىكتەردى كورسەتۋ, حالىقتىڭ بىرلىگىن نىعايتۋ, ەل دامۋىنىڭ باسىمدىقتارى اينالاسىندا قوعامدى توپتاستىرۋ, "ماڭگىلىك ەل" پاتريوتتىق يدەياسىن اكتسياسىن ناسيحاتتاۋ", - دەدى نۇربەك شاياحمەتوۆ. "تəۋەلسىز قازاقستان" پويىزى" اكتسياسى اياسىندا ءتۇرلى مادەني جانە قوعامدىق ءىس-شارالار ۇيىمداستىرىلىپ, مەديتسينالىق, əلەۋمەتتىك, قۇقىقتىق كومەكتەر كورسەتىلەدى. اۋىل شارۋاشىلىعى, كاسىپكەرلىك, ءبىلىم-عىلىم سەكىلدى قوعامنىڭ ماڭىزدى سالالارى بويىنشا كونسۋلتاتسيالىق كەڭەستەر بەرىلەدى. 1 قاراشادا استانادان باستاۋ الاتىن شارا 14 جەلتوقساندا الماتىدا ءوز مəرەسىنە جەتپەك. اكتسيا كەزىندە پويىز ەلىمىز بويىنشا 35 ەلدى مەكەنگە توقتاپ, جەرگىلىكتى حالىققا, ونىڭ ىشىندە زەينەتكەرلەرگە, مۇگەدەكتەرگە, سوعىس ارداگەرلەرگە جəنە شالعايدا ورنالاسقان اۋىل تۇرعىندارىنا ءوز قىزمەتتەرىن ۇسىنادى. ءلايلا ەدىلقىزى, "ەگەمەن قازاقستان"