تۇرىك ەلشىسىمەن اڭگىمە

سەناتتىڭ حالىقارالىق قاتى­ناستار, قورعانىس جانە قاۋىپسىزدىك كوميتەتىنىڭ توراعاسى قۋانىش سۇل­تانوۆ تۇركيانىڭ قازاقستانداعى توتەنشە جانە وكىلەتتى ەلشىسى لالە ۇلكەرمەن كەزدەستى. كەزدەسۋ بارى­سىندا قازاقستان مەن تۇركيانىڭ ەكىجاقتى قاتىناستارى, ونىڭ ىشىندە پارلامەنتارالىق ۇنقاتىسۋدى ودان ءارى نىعايتۋ ماسەلەلەرى بوي­ىن­شا پىكىر الماسىلدى. قازاقستان مەن تۇركيا اراسىن­دا­عى قول جەتكەن ىنتىماقتاستىق دەڭگەيى ساياسي, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق سالاداعى ءوزارا ەكى­جاقتى ءىس-قيمىلدى تابىستى دامى­تۋعا مۇمكىندىك بەرەتىنى ايتىلدى. مەملەكەتارالىق قاتىناستاردى نىعايتۋداعى پارلامەنتارالىق قۇ­رام­نىڭ ماڭىزدى ءرولىن اتاپ وتە كەلىپ, ق.سۇلتانوۆ تۇركىتىلدەس مەملە­كەت­تەردىڭ پارلامەنتتىك اسسام­بلەيا­سى (تۇركىپا) دەڭگەيىندە ءوزارا ءىس-قيمىلدىڭ جوعارى الەۋەتىن اتاپ ءوتتى. ل.ۇلكەر سونداي-اق ەكىجاقتى بايلانىستاردى ودان ءارى تەرەڭدەتۋ جايىنا توقتالىپ, قازاقستان مەن تۇركيا اراسىنداعى ساياسي, ەكونو­مي­كالىق جانە مادەني-گۋماني­تار­لىق بايلانىستاردى قارقىندى دا­مى­تۋ ءۇشىن بارلىق جاعداي جاسال­عا­نىن ايتتى, دەپ حابارلادى پارلامەنت سەناتىنىڭ ءباسپاسوز قىزمەتى.