ەلىمىز ساياساتىنىڭ سالتاناتى

قازاقستان وتكەن جىلدى زور تابىسپەن اياقتاعانى بەل­گىلى. ەلىمىز ەۋروپاداعى قاۋىپ­سىزدىك جانە ىنتىماق­تاستىق ۇيىمىنا (ەقىۇ) توراعالىق ەتۋ ميسسياسىن جوعارى دەڭگەيدە اتقاردى. 55 ەلدىڭ باسشىلارىن جيناپ, وسى حالىقارالىق بەدەلدى ۇيىمنىڭ ءسامميتىن استانا تورىندە وتكىزدى. ەندى 2011 جىلدى دا قا­زاقستان زور مارتەبەمەن باستاپ وتىر. استانا مەن ال­ماتى قالالارىندا 7-ءشى قىس­قى ازيا ويىندارىن ءوت­كىزىپ, حالىقارالىق دەڭگەي­دەگى وسى ءبىر سپورتتىق ءىس-شا­رانى اسا جوعارى ۇيىم­داستىرۋشىلىقپەن اتقارا ءبىلدى. وسى ايتۋلى دودانىڭ وتكىزىلۋىنىڭ ءوزى عالامات وقيعا. 2007 جىلى VI ازيادا قىتايدا وتكەنى بەلگىلى. سوندا VII ازيادانى وتكىزۋ مىندەتى قازاقستانعا تاپسى­رىل­عان بولاتىن. الەمدىك قارجى داعدارىسى ءاربىر ەلدى تولعاندىرىپ وتىرعان تۇس­تا قىسقى ازيا ويىن­دارىنىڭ ءوتىپ-وتپەۋى ۇلكەن ماسەلەگە اينالدى. سول كەزدە وتانىمىز قانداي قيىن­دىق بولسا دا ازيانىڭ وليم­پياداسى سانالعان بۇل جارىستى قالايدا وتكىزە­تى­نىن مالىمدەدى جانە ۇكى­مەتكە, استانا مەن الماتى قالالارىنىڭ اكىمدەرىنە شۇعىل تاپسىرما بەرىلدى. وسىنداي بىراۋىزدىلىقتىڭ ارقاسىندا, بۇكىل ەل بولىپ قولداۋدىڭ ناتيجەسىندە جاڭا سپورت كەشەندەرى سالىندى, بۇرىنعى سپورتتىق بازالار كۇردەلى جوندەۋدەن وتكىزى­لىپ, جارىسقا 100 پايىز داي­ىن بولدى. سونىمەن قاتار, سپورت­شى­لارىمىز دا وسى باسەكەگە دايىن ەكەندىكتەرىن دالەلدەپ شىقتى. ازيانىڭ 27 ەلى قاتىسقان جارىستا قازاقستان سپورتشىلارى 32 التىن, 21 كۇمىس جانە 17 قولا مەدالعا يە بولدى. بارلىعىن قوس­قان­دا 70 مەدال الىپ, جالپى­كو­ماندالىق ەسەپتە ءبىرىنشى ورىنعا شىقتى. مىنە, ەلىمىزدە ازيا وي­ىندارى جوعارى دەڭگەيدە ءوتتى. 70 رەت كوك بايراعىمىز بيىك تۇعىرعا كوتەرىلىپ, 32 رەت مەملەكەتتىك ءانۇرا­نى­مىز شىرقالدى. ەلىمىزدىڭ ءاربىر ازاماتى ۇيىمشىلدىق تانىتىپ, قازاقستاننىڭ پات­ريوتى بولا ءبىلدى. ءوسىپ كەلە جاتقان ۇرپاق جارىستاردان ۇلكەن اسەر الدى, وزدەرى دە سپورتتا جەڭىسكە جەتۋ ەلدىڭ مەرەيىن كوتەرەتىن مارتەبەلى مىندەت ەكەنىن ۇعىندى. جاڭا ونجىلدىققا قادام باسقان تۇسىمىزدا وسىنداي يگى شارانىڭ وتكىزىلگەنى قا­زاق­ستاننىڭ حالىقارالىق بەدەلىن اسىرا ءتۇستى. بيىلعى جولداۋدا وسى جولى سالىنعان سپورت كەشەندەرىندە جاس جەت­كىنشەك­تەر­دىڭ دەنە تاربيەسىمەن اي­نالىسۋى ءتيىس ەكەنى ايتىل­عان بولاتىن. الداعى ۋاقىت­تا ۇكىمەت پەن اكىمدەر تارا­پى­نان بولاشاق سپورتشى­لارى­مىزدىڭ جەتىلۋىنە باسا كوڭىل بولىنسە ەكەن دەيمىن. ەلىمىزدىڭ وزگە قالالارىندا دا تابيعي ەرەكشەلىكتەردى ەسكەرە وتىرىپ, سپورت كەشەندەرىن سالۋ ءىسى جان-جاقتى قولعا الىنۋى كەرەك دەپ ويلايمىن. يراك ەلەكەەۆ, پارلامەنت  ءماجىلىسىنىڭ دەپۋتاتى, «نۇر وتان» پارتياسىنىڭ مۇشەسى.