قازاقستان رەسپۋبليكاسى ۇكىمەتىنىڭ قاۋلىسى №33

2011 جىلعى 26 قاڭتار                            استانا, ۇكىمەت ءۇيى مەملەكەتتىك مادەنيەت ۇيىمدارىنا, جەكەلەگەن كاسىبي كوركەم جانە شىعارماشىلىق ۇجىمدارعا «اكادەميالىق» مارتەبەسىن بەرۋ قاعيداسى مەن شارتتارىن بەكىتۋ تۋرالى «مادەنيەت تۋرالى» قازاقستان رەسپۋبليكاسىنىڭ 2006 جىلعى 15 جەلتوقسانداعى زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان مەملەكەتتىك مادەنيەت ۇيىمدارىنا, جەكەلەگەن كاسىبي كوركەم جانە شىعارماشىلىق ۇجىمدارعا «اكادەميالىق» مارتەبەسىن بەرۋ قاعيداسى مەن شارتتارى بەكىتىلسىن. 2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 26 قاڭتارداعى № 33 قاۋلىسىمەن بەكىتىلگەن مەملەكەتتىك مادەنيەت ۇيىمدارىنا, جەكەلەگەن كاسىبي كوركەم جانە شىعارماشىلىق ۇجىمدارعا «اكادەميالىق» مارتەبەسىن بەرۋ قاعيداسى مەن شارتتارى 1. جالپى ەرەجەلەر 1. وسى مەملەكەتتىك مادەنيەت ۇيىمدارىنا, جەكەلەگەن كاسىبي كوركەم جانە شىعارماشىلىق ۇجىمدارعا «اكادەميالىق» مارتەبەسىن بەرۋ قاعيداسى مەن شارتتارى (بۇدان ءارى – قاعيدا) «مادەنيەت تۋرالى» قازاقستان رەسپۋبلي­كا­سىنىڭ 2006 جىلعى 15 جەلتوقسانداعى زا­ڭىنا سايكەس ازىرلەنگەن جانە مەملەكەتتىك مادەنيەت ۇيىمدارىنا, جەكەلەگەن كاسىبي كوركەم جانە شىعارماشىلىق ۇجىمدارعا «اكادەميالىق» مارتەبەسىن بەرۋ ءتارتىبى مەن شارتتارىن ايقىندايدى. 2. مەملەكەتتىك مادەنيەت ۇيىمدارىنا, جەكەلەگەن كاسىبي كوركەم جانە شىعارماشىلىق ۇجىمدارعا «اكا­دەميالىق» مارتەبەسىن بەرۋ شارتتارى 2. «اكادەميالىق» مارتەبەسى ءوز سالاسىندا جەتەكشى بولىپ تابىلاتىن, قازاقستان رەسپۋب­ليكاسىنىڭ ۇلتتىق مادەنيەتى مەن ونەرىن قالىپتاستىرۋعا, دامىتۋعا جانە ناسيحاتتاۋعا ەلەۋلى ۇلەس قوسقان جانە مىناداي تالاپتارعا ساي كەلەتىن مەملەكەتتىك مادەنيەت ۇيىم­دا­رىنا, جەكەلەگەن كاسىبي كوركەم جانە شىعار­ماشىلىق ۇجىمدارعا بەرىلەدى: كەمىندە جيىرما بەس جىل تۇراقتى جانە ءتيىمدى قىزمەتتى جۇزەگە اسىرادى; ءوز قىزمەتىندە كاسىبيلىكتى, جۇمىستىڭ تيىمدىلىگى مەن ساپاسىن ارتتىرۋ ءۇشىن يننوۆاتسيالار ەنگىزەدى; تالانتتى جاس كادرلاردى انىقتاۋدى جانە تاربيەلەۋدى جۇزەگە اسىرادى; شىعارماشىل قىزمەتكەرلەرىنىڭ كەمىندە سەكسەن پايىزى مادەنيەت پەن ونەر سالاسىنداعى جوعارى ءبىلىمى بار مامانداردان قۇرالعان كاسىبي بىلىكتى قۇرامى بار; شىعارماشىل قىزمەتكەرلەرىنىڭ كەمىندە جي­ىر­ما بەس پايىزى كسرو-نىڭ جانە (نەمەسە) قا­زاقستان رەسپۋبليكاسىنىڭ مەملەكەتتىك ناگرا­دا­لارىمەن ماراپاتتالعان جانە شىعارماشىل قىزمەتكەرلەرىنىڭ ىشىندە جيىرما بەس پايىزى رەسپۋبليكالىق جانە حالىقارالىق كونكۋرستار مەن فەستيۆالداردىڭ لاۋرەاتتارى مەن ديپ­لومانتتارى بولىپ تابىلادى; جاڭا قويىلىمداردى قوسا العاندا, جىلىنا كەمىندە ەكى ءجۇز سپەكتاكلدى كورسەتۋدى جۇزەگە اسىرادى نەمەسە جىلىنا كەمىندە الپىس كونتسەرت وتكىزەدى. 3. «اكادەميالىق» مارتەبەسىن بەرۋ ءتارتىبى 3. رەسپۋبليكالىق مەملەكەتتىك مادەنيەت ۇيىمدارىنىڭ, سونداي-اق وبلىستاردىڭ, رەس­پۋب­ليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ باسشى­لارى مادەنيەت سالاسىنداعى ورتالىق ۋاكىلەتتى ورگانعا (بۇدان ءارى – ۋاكىلەتتى ورگان) «اكا­دەميالىق» مارتەبەسىن بەرۋ تۋرالى قولداۋحات ۇسىنادى. قولداۋحاتقا مىناداي قۇجاتتار قوسا بەرىلەدى: 1) «اكادەميالىق» مارتەبەسىن بەرۋگە ۇسىنۋ تۋرالى مەملەكەتتىك مادەنيەت ۇيىمى, جەكەلەگەن كاسىبي كوركەم جانە شىعارماشىلىق ۇجىم قىزمەتكەرلەرىنىڭ جالپى جينالىسىنىڭ حات­تاماسىنان ءۇزىندى كوشىرمە; 2) ديپلومدارىنىڭ كوشىرمەلەرى قوسا بەرىلگەن مادەنيەت پەن ونەر سالاسىنداعى جوعارى ءبىلىمى بار شىعارماشىل قىزمەتكەرلەر تۋرالى مالىمەتتەر; 3) كسرو-نىڭ جانە (نەمەسە) قازاقستان رەسپۋبليكاسىنىڭ مەملەكەتتىك ناگرادالا­رى­مەن ماراپاتتالعان شىعارماشىل قىزمەتكەرلەر تۋرالى مالىمەتتەر; 4) قازاقستاننىڭ مادەنيەتى مەن ونەرىنىڭ دامۋىنا قوسقان ۇلەسىن كورسەتەتىن مەملەكەتتىك مادەنيەت ۇيىمىنىڭ, جەكەلەگەن كاسىبي كوركەم جانە شىعارماشىلىق ۇجىمنىڭ قىزمەتى تۋرالى انىقتاما; 5) قىزمەتى تۋرالى رەسپۋبليكالىق دەڭ­گەي­دەگى بۇقارالىق اقپارات قۇرالدارىندا جانە شەتەلدىك بۇقارالىق اقپارات قۇرالدارىندا جاريالانعان ماتەريالداردىڭ كوشىرمەلەرى (كەمىندە ون جاريالانىم); 6) مادەنيەت سالاسىنداعى ءىس-شارالارعا (رەسپۋبليكالىق جانە حالىقارالىق ماڭىزى بار كونكۋرستارعا, فەستيۆالدارعا) قاتىسقانىن جانە (نەمەسە) جۇلدەلى ورىندار العانىن كۋالاندىراتىن قۇجاتتاردىڭ كوشىرمەسى. 4. قولداۋحاتتار اعىمداعى جىلدىڭ 1 قىر­كۇيەگىنە دەيىنگى مەرزىمدە ۋاكىلەتتى ورگاننىڭ مەكەن-جايىنا جىبەرىلەدى. كورسەتىلگەن مەرزىمنەن كەشىكتىرىپ جىبەرىلگەن قولداۋحاتتار كەلەسى جىلى قارالادى. 5. قولداۋحاتتاردى قاراۋ ءۇشىن ۋاكىلەتتى ورگان ارنايى كوميسسيا (بۇدان ءارى – كوميسسيا) قۇرادى. 6. كوميسسيا كورنەكتى مادەنيەت پەن ونەر قايراتكەرلەرىنەن قالىپتاسادى. كوميسسيانىڭ قۇرامى مەن ەرەجەسىن ۋاكىلەتتى ورگاننىڭ باسشىسى بەكىتەدى. 7. كوميسسيانىڭ وتىرىستارى قاجەتتىلىگىنە قاراي وتكىزىلەدى جانە ەگەر وعان كوميسسيا مۇشەلەرىنىڭ جالپى سانىنىڭ كەمىندە ۇشتەن ەكىسى قاتىسسا زاڭدى بولىپ سانالادى. 8. كوميسسيانىڭ شەشىمدەرى كوميسسيا مۇشە­لەرىنىڭ جالپى سانىنىڭ قاراپايىم كوپشىلىك داۋىسىمەن قابىلدانادى. كوميسسيا مۇشەلە­رىنىڭ داۋىستارى تەڭ بولعان كەزدە توراعانىڭ داۋىسى شەشۋشى بولىپ تابىلادى. 9. كوميسسيانىڭ شەشىمى ۇسىنىمدىق سيپاتتا بولادى. 10. ۋاكىلەتتى ورگان كوميسسيانىڭ ۇسىنىسى نەگىزىندە قازاقستان رەسپۋبليكاسىنىڭ ۇكىمە­تىنە 1 قاراشاعا دەيىن مەملەكەتتىك مادەنيەت ۇيىمدارى مەن جەكەلەگەن كاسىبي كوركەم, شىعارماشىلىق ۇجىمدارعا «اكادەميالىق» مارتەبەسىن بەرۋ تۋرالى ۇسىنىس ەنگىزەدى. 11. «اكادەميالىق» مارتەبەسى ۋاكىلەتتى ور­گاننىڭ ۇسىنىسى بويىنشا قازاقستان رەسپۋب­ليكاسى ۇكىمەتىنىڭ قاۋلىسىمەن بەرىلەدى.