«استانا» حالىقارالىق قارجى ورتالىعى مەن يسلام كورپوراتسياسى مەموراندۋمعا قول قويدى

«استانا» حالىقارالىق قارجى ورتالىعىنىڭ دەلەگاتسياسى ساۋد ارابياسى كورولدىگىنىڭ دجيددا قالاسىندا ورنالاسقان يسلام دامۋ بانكىنىڭ (يدب) شتاب-پاتەرىندە يدب پرەزيدەنتى باندار مۇحاممەد ءال-حادجارمەن جانە وسى ۇيىمعا ەنشىلەس كومپانيالاردىڭ باسشىلارىمەن كەزدەسۋلەر وتكىزدى. ناتيجەسىندە جەكە سەكتوردى دامىتۋ جونىندەگى يسلام كورپوراتسياسىمەن (ICD) ارادا ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويىلدى. «مەموراندۋمنىڭ ماقساتى – قارجىلىق تاۋارلار مەن قىزمەتتەردى كەڭەيتۋ, ونى جەكە سەكتورعا ۇسىنۋ, ICD-گە مۇشە ەلدەردىڭ يسلام قارجى قىزمەتتەرى يندۋسترياسىن دامىتۋعا ىقپال ەتۋ ارقىلى احقو-مەن اراداعى قاتىناستاردى نىعايتۋ», – دەپ اتاپ ءوتتى  ICD باسشىسى حالەد ءال-ابۋدي قول قويۋ راسىمىنەن كەيىن. مەموراندۋم اياسىندا يسلام قارجىلاندىرۋ قىزمەتتەرى,  بانك ءىسى, كاپيتال نارىعى, اكتيۆتەردى باسقارۋ, قارجى تەحنولوگيالارى جانە ادام كاپيتالىن دامىتۋ بويىنشا تاجىريبە جانە ءبىلىم الماسۋ,  ىنتىماقتاستىقتى دامىتۋ كوزدەلگەن. بۇل – بىرىككەن كاسىبي قارجى-اعارتۋ باعدارلامالارىن, زەرتتەۋلەر, سەمينارلار, بىلىكتىلىكتى ارتتىرۋ جانە قىزمەتكەرلەردى الماستىرۋ جونىندەگى وقۋ ءىس-ساپارلارىن ۇيىمداستىرۋ جۇمىستارىن قامتيدى.