قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكىزىلىپ جاتقان ۇكىمەت وتىرىسىندا قارجى ءمينيسترى باقىت سۇلتانوۆ وسى جىلدىڭ العاشقى 9 ايىندا مەملەكەتتىك بيۋدجەتتىڭ ورىندالۋىندا ايتارلىقتاي جەتىستىككە جەتكەنىن ايتىپ ءوتتى, - دەپ حابارلايدى egemen.kz پرەمەر-ءمينيستردىڭ رەسمي سايتىنا سىلتەمە جاساپ.
مينيستر تۇسىمدەردىڭ اسىرا ورىندالعانىن, سونداي-اق سالىق وتكەن جىلدى تۇتاستاي العاندا تەڭ كولەمدە جينالعانىن اتاپ ءوتتى.
«شىعىندار قازىرگى كەزەڭ ءۇشىن شىڭدىق مەرزىمىنە جەتىپ يگەرىلدى. شىعىننىڭ جارتىسى الەۋمەتتىك بولىپ ەسەپتەلسە, تاعى تورتتەن ءبىر بولىگى ەكونوميكالىق ءوسۋ ءۇشىن باعىتتالدى», – دەدى ب. سۇلتانوۆ.سونىمەن قاتار, مينيسترلىك باسشىسى ەكونوميكالىق تۇراقتىلىق ءۇشىن وڭىرلىك ەكونوميكا جاڭا ترانسفەرتتەرمەن قولداۋ تاۋىپ وتىرعانىن جانە دە جالپى العاندا, جەرگىلىكتى بيۋدجەتتەر ناتيجەلى كورسەتكىشكە قول جەتكىزىپ وتىرعانىن مالىمدەدى. «ورىنداۋ قورىتىندىسى سالىقتىق بيۋدجەت ساياساتىنىڭ ەكونوميكالىق جاعدايعا اسەرىنىڭ وڭ ناتيجەسىن كورسەتەدى», – دەپ اتاپ ءوتتى مينيستر. ءمينيستردىڭ ايتۋىنشا, تۇسىمدەر شامامەن 1 ترلن تەڭگەگە (941 ملرد تەڭگە نەمەسە 26%-عا) ارتىق ورىندالدى. «بۇل ماكروەكونوميكالىق جاعدايدىڭ جاقسارعانىن كورسەتەدى. ماسەلەن, بەلسەندى تولەمشىلەردىڭ قاتارى 7,3%-عا ارتىپ, 85 مىڭ كاسىپورىنعا جەتتى», – دەدى مينيستر. تۇسىمدەردى اسىرا ورىنداۋ بيۋدجەتتى ناقتىلاۋدىڭ نەگىزى بولدى. جالپى, مەملەكەتتىك بيۋدجەتتىڭ تۇسىمدەرى (ترانسفەرتتەردى ەسەپتەمەگەندە) 126%-عا, ونىڭ ىشىندە رەسپۋبليكالىق بيۋدجەت 131%-عا, ال جەرگىلىكتى بيۋدجەتتەر 115%-عا ورىندالدى.
