جاڭا مادەني كەڭىستىك

ەلوردانىڭ مادەني-رۋحاني ءومىرى تالعامى بيىك بەينەلەۋ ونەرىنىڭ بىرەگەي الاڭىمەن تولىقتى. قازاقستان تاۋەلسىزدىگىنىڭ 25 جىلدىعىنا وراي Forte Bank  استانادا قازاقستاندىق سۋرەتشىلەردىڭ شەتەلدە ساتىپ الىپ, قازاق جەرىنە قايتارعان جۇمىستارىن ۇسىناتىن Kulanshi Art Space گالەرەياسىنىڭ تۇساۋكەسەرىن وتكىزدى. ونەردىڭ دامۋىنا قولداۋ كورسەتۋ, سونىمەن قاتار, ەل تۇرعىندارىنىڭ رۋحاني جانە مادەني دەڭگەيىن جوعارىلاتۋ ماقساتىندا Forte Bank «قۇلانشى» زاماناۋي ونەر ورتالىعىمەن بىرلەسە وتىرىپ, Forte Kulanshi Art Space جاڭا گالەرەياسىن اشتى. جاڭا ونەر ورداسى استانا قالاسىندا ورنالاسقان بانكتىڭ باس عيماراتىندا ورىن تەپتى. بىرەگەي جوبانىڭ جۇزەگە اسىرىلۋىنا مادەنيەت جانە سپورت مينيسترلىگى دە جان-جاقتى كومەك كورسەتتى. اشىلۋ سالتاناتىندا كورسەتىلگەن توپتا­مانىڭ نەگىزگى بولىگىن بانك شەتەلدە ساتىپ الىپ, ەلىمىزگە قايتارعان وتاندىق قىلقالام شە­بەر­لەرىنىڭ ەڭبەكتەرى قۇرايدى. جالپى, Forte Bank قازاقستانعا, ياعني بۇل اۆتورلاردىڭ تۋعان ەلىنە, تانىمال قازاقستاندىق سۋرەتشىلەردىڭ 24 تۋىن­دىسىن قايتاردى. ولاردىڭ اراسىندا ءا.قاس­تەەۆ, ك.مۋللاشەۆ, ا.ستەپانوۆ, س.ايتباەۆ, و.تاڭ­سىقباەۆ, ب.تابيەۆ جانە ت.ب. شە­بەرلەردىڭ شىعار­مالارى بار. ودان باسقا, «Forte Bank Kulanshi Art Space» گالەرەياسىندا نەگىزىنەن وتاندىق زاماناۋي بەينەلەۋ ونەرىنىڭ تۋىندىلارىنان تۇراتىن بانكتىڭ ءتول توپتاماسىنان الىنعان سۋرەتتەر قويىلاتىن بولادى. Forte Bank باسقارماسى توراعاسىنىڭ ورىنباسارى گۋرام اندرونيكاشۆيلي ايتىپ كەتكەندەي, جاڭا مادەني كەڭىستىكتىڭ اشىلۋ يدەياسىنىڭ رۋحاني باستاماشىسى بانكتىڭ نەگىزگى قۇرىلتايشىلارىنىڭ ءبىرى, مەتسەنات جانە قوعام قايراتكەرى بولات وتەمۇراتوۆ بولعان. بانك قازاقستان مادەني مۇراسىنىڭ دامۋى مەن ساق­تالۋىنا ينۆەستيتسيا جاساۋدى جالعاستىرا بەرمەك. سونىمەن قاتار, گالەرەيا استانا قالاسىنىڭ وقۋشىلارى مەن ستۋدەنتتەرىنىڭ بەينەلەۋ ونەرىنە قىزىعۋشىلىعىن ارتتىرۋ ماقساتىندا ەلوردامىزدىڭ ءبىلىم بەرۋ ۇيىمدارىمەن تىعىز ىنتىماقتاستىق ورناتۋدى جوسپارلاپ وتىر. «Forte Bank Kulanshi Art Space» گالەرەياسىنىڭ العاشقى جوباسى «ماڭگىلىك مۇرا» دەپ اتالاتىن قازاقستاندىق بەينەلەۋ ونەرى كلاسسيكتەرىنىڭ كورمەسى بولىپ تابىلادى. گالەرەيانىڭ سالتاناتتى اشىلۋ راسىمىنە   ءما­دەنيەت جانە سپورت ءمينيسترى ارىستانبەك مۇحا­مەدي ۇلى, استانا قالاسى اكىمىنىڭ ورىنباسارى ەرمەك امانشاەۆ, «قۇلانشى» كۋراتورلىق كەڭەسىنىڭ ءتورايىمى لەيلا ماحات, سونىمەن قاتار, شىعارماشىلىق زيالى قاۋىم, بيزنەس, باق وكىلدەرىنەن قۇرالعان كورمەنىڭ العاشقى كەلۋشىلەرى قاتىستى.   «ەگەمەن-اقپارات»