ححI عاسىر كىتاپحاناسى

ول قانداي بولۋ كەرەك؟ الماتى قالاسىنىڭ ورتالىق­تاندى­رىلعان كىتاپحانالار جۇيەسى – مادەني استاناداعى 23 رۋحانيات ورداسىنىڭ باسىن بىرىكتىرىپ وتىرعان مەكەمە. ميلليونعا جۋىق  ماڭىزدى كىتاپ قورى قالىپتاسقان جۇيەنىڭ 90 مىڭنان استام تۇراقتى وقىرمانى بار. ونىڭ ىشىندە ون بەس جاسقا دەيىنگى 45 346 جاس­وسپىرىم كەرەگىن تاۋىپ قايتاتىن قۇتتى شاڭىراققا اينالعان. قازىرگى كۇنى ورتالىقتاندىرىلعان جۇيە بويىنشا 154 كىتاپحاناشى كىتاپ­قۇمار­لارعا قىزمەت كورسەتۋدە. جىل سايىنعى وقۋ مەن ىزدەنۋگە بەرىلەتىن كى­تاپ­تار سانى 1 743 247 دانانى قۇراپ وتىر. ورتالىقتاندىرىلعان كىتاپحانالار جۇيەسىنىڭ وقىرمانعا قىزمەت كورسەتۋىن جەتىلدىرۋ ماقساتىندا ءتۇرلى باعىتتاعى ىزدە­نىس­تەرگە كەڭ جول اشىلعان. اسىرەسە, ەلى­مىز­دىڭ بارلىق ايماعىنداعى امبە­باپ, كوپ­شىلىك كىتاپحانالار مەن جاقىن شەت­ەلدەردەگى ارىپتەستەرمەن ءتاجى­ريبە الماسۋ جۇمىستارى ۇنەمى ءجۇر­گىزى­لەدى. كۇنى كەشە عانا الماتى قالا­سى اكىمدىگىنىڭ قولداۋىمەن «ءححى عاسىر كىتاپ­حاناسى قانداي بولۋ كەرەك؟ كىتاپپەن – بولاشاققا» اتتى ەكى كۇندىك كونفەرەنتسيا ۇيىم­داستىرىلدى. تاۋەلسىزدىكتىڭ 25 جىل­دىعى, مەگاپوليستىڭ 1000 جىلدىعى جانە س. بەگالين اتىنداعى بالالار كىتاپحاناسىنىڭ 65 جىلدىعىنا ورايلاستىرىلعان بۇل شاراعا وبلىستاردان ءبو­­لەك, تمد ەلدەرىنەن ارنايى قوناقتار كەلدى. – بولاشاقتاعى كىتاپحانا قان­داي بولۋى كەرەك؟ بۇل سۇراق تەك كىتاپ­حانا­شىلاردى عانا ەمەس, جالپى قوعامدى تولعاندىرىپ وتىر. وركەنيەت زامانىندا قاعاز ونىمدەرىنە سۇرانىس ازايعانىمەن وقىپ, بىلۋگە, اقپارات الۋعا دەگەن ىنتا-ىقىلاس ەش تولاستامايتىنى انىق. ءبىز دە ءوز جۇمىسىمىزدى جانداندىرىپ, يننوۆاتسيالىق باعىتتا دامىتۋ ۇستىندەمىز. وزىمىزدەگى ۇلگىلى جۇ­مىستاردى ارىپتەستەردىڭ تەزىنە سالىپ, ءوز­گەلەردىڭ ونەگەسىنەن ۇيرەنىپ وتىرۋىمىز شارت. قالالىق كىتاپحانا بولساق تا, حالىقارالىق اۋقىمداعى كونفەرەنتسيا­نى ىزگى ماقساتپەن وتكىزدىك, – دەيدى ءىس-شا­رانىڭ ماڭىزىنا توقتالعان الماتى قا­لاسى ورتالىقتاندىرىلعان كىتاپحانالار ءجۇ­يەسىنىڭ ديرەكتورى روزا قابيەۆا. قالماحانبەت مۇقامەتقالي, «ەگەمەن قازاقستان» الماتى