قازاقستان رەسپۋبليكاسى پرەزيدەنتى ءىس باسقارماسىنىڭ بۇيرىعى  №13/139

  2016 جىلعى 8 قىركۇيەك, استانا قالاسى قازاقستان رەسپۋبليكاسى پرەزيدەنتى ءىس باسقارماسىنىڭ قىزمەتتىك كۋالىگىن بەرۋ قاعيدالارىن جانە ونىڭ سيپاتتاماسىن بەكىتۋ تۋرالى «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنىڭ 30-بابىنىڭ 4-تارماعىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى پرەزيدەنتى ءىس باسقارماسىنىڭ قىزمەتتىك كۋالىگىن بەرۋ قاعيدالارى جانە ونىڭ سيپاتتاماسى بەكىتىلسىن. 2. قازاقستان رەسپۋبليكاسى پرەزيدەنتى ءىس باسقارماسىنىڭ ۇيىمداستىرۋ-باقىلاۋ جانە كادر جۇمىسى ءبولىمى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىق قازاقستان رەسپۋبليكاسى ادىلەت مينيسترلىگىنەن مەملەكەتتىك تىركەۋ كۇنىنەن باستاپ ون كۇنتىزبەلىك كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرىلۋىن; 4) وسى بۇيرىق رەسمي جاريالانعاننان كەيىن قازاقستان رەسپۋبليكاسى پرەزيدەنتى ءىس باسقارماسىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتى ءىس باسقارماسىنىڭ اپپارات باسشىسىنا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى پرەزيدەنتىنىڭ ءىس باسقارۋشىسى ا. بيسەمباەۆ قازاقستان رەسپۋبليكاسى پرەزيدەنتى ءىس باسقارۋشىسىنىڭ 2016 جىلعى 8 قىركۇيەكتەگى № 13/139 بۇيرىعىمەن بەكىتىلگەن قازاقستان رەسپۋبليكاسى پرەزيدەنتى ءىس باسقارماسىنىڭ قىزمەتتىك كۋالىگىن بەرۋ قاعيدالارى جانە ونىڭ سيپاتتاماسى 1-تاراۋ. جالپى ەرەجەلەر 1. وسى قازاقستان رەسپۋبليكاسى پرەزيدەنتى ءىس باسقارماسىنىڭ قىزمەتتىك كۋالىگىن بەرۋ قاعيدالارى جانە ونىڭ سيپاتتاماسى (بۇدان ءارى - قاعيدالار) «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنىڭ 30-بابىنىڭ 4-تارماعىنا سايكەس ازىرلەنگەن جانە قازاقستان رەسپۋبليكاسى پرەزيدەنتى ءىس باسقارماسىنىڭ (بۇدان ءارى – ءىس باسقارماسى) قىزمەتتىك كۋالىگىن بەرۋ ءتارتىبىن جانە ونىڭ سيپاتتاماسىن انىقتايدى. مەملەكەتتىك قىزمەتشىنىڭ قىزمەتتىك كۋالىگى (بۇدان ءارى – كۋالىك) قىزمەتكەردىڭ مەملەكەتتىك لاۋازىمى مەن لاۋازىمدىق وكىلەتتىكتەرىن راستايتىن قۇجات بولىپ تابىلادى. 2-تاراۋ. كۋالىكتى بەرۋ ءتارتىبى 2. كۋالىككە: 1) قازاقستان رەسپۋبليكاسى پرەزيدەنتى ءىس باسقارۋشىسىنىڭ قولى قويىلىپ, ءىس باسقارماسى مەديتسينالىق ورتالىعىنىڭ باسشىسى مەن ونىڭ ورىنباسارلارىنا, ءىس باسقارماسى «ا» كورپۋسى مەملەكەتتىك اكىمشىلىك قىزمەتشىلەرىنە, قازاقستان رەسپۋبليكاسى پارلامەنتى شارۋاشىلىق باسقارماسىنىڭ باسشىسى مەن ونىڭ ورىنباسارلارىنا بەرىلەدى; 2) ءىس باسقارماسىنىڭ اپپارات باسشىسىنىڭ قولى قويىلىپ, ءىس باسقارماسى «ب» كورپۋسى مەملەكەتتىك اكىمشىلىك قىزمەتشىلەرىنە بەرىلەدى; 3) ءىس باسقارماسىنىڭ ۆەدومستۆو باسشىسىنىڭ قولى قويىلىپ, ءىس باسقارماسى ۆەدومستۆوسىنىڭ «ب» كورپۋسى مەملەكەتتىك اكىمشىلىك قىزمەتشىلەرىنە بەرىلەدى. 3. كۋالىكتەردى دايىنداۋدى, بەرىلۋى مەن الىنۋىن ەسەپكە الۋدى ۇيىمداستىرۋ ءتيىستى كادر قىزمەتىنە جۇكتەلەدى. 4. كۋالىك قىزمەتكەرگە لاۋازىمعا تاعايىندالعان, باسقا لاۋازىمعا اۋىسقان (قايتا تاعايىندالعان), ب ۇلىنگەن, جوعالعان, بۇدان بۇرىن بەرىلگەن كۋالىكتىڭ قولدانىلۋ مەرزىمى وتكەن كەزدە ءتورت جىلدىق مەرزىمگە بەرىلەدى. 5. قىزمەتكەرلەر قىزمەتتىك كۋالىكتى العانى ءۇشىن وسى قاعيدالارعا قوسىمشاعا سايكەس نىسانداعى ءىس باسقارماسىنىڭ قىزمەتتىك كۋالىكتەرىن ەسەپكە الۋ جۋرنالىنا قول قويادى, جۋرنال تىگىلەدى, نومىرلەنەدى, ءتيىستى كادر قىزمەتى باستىعىنىڭ قولىمەن جانە مورمەن بەكىتىلەدى. 6. قىزمەتكەر كۋالىكتىڭ قولدانىلۋ مەرزىمى اياقتالعانعا دەيىن كۇنتىزبەلىك ون كۇن بۇرىن ءتيىستى كادر قىزمەتىنە حابارلايدى. 7. قىزمەتكەر جۇمىستان بوساتىلعاندا كۋالىكتى ءتيىستى كادر قىزمەتىنە تاپسىرادى. 8. كۋالىگى بار قىزمەتكەر ونى ۇقىپتى ساقتاۋعا جانە تەك قانا لاۋازىمدىق وكىلەتتىكتەرىنە سايكەس قىزمەتتىك ماقساتتاردا پايدالانۋعا جەكە جاۋاپتى. كۋالىكتى باسقا تۇلعاعا بەرۋگە بولمايدى. 9. قىزمەتكەر كۋالىكتى جوعالتقان, بۇلدىرگەن جاعدايدا ەكى جۇمىس كۇنى ىشىندە كۋالىككە قولى قويىلعان تۇلعاعا نەمەسە ونىڭ مىندەتىن اتقارۋشىعا جازباشا (ەركىن) تۇردە حابارلايدى. 10. قىزمەتتىك كۋالىكتى جوعالتۋدىڭ, ءبۇلدىرۋدىڭ, سونداي-اق ونى باسقا ادامدارعا بەرۋدىڭ نەمەسە ماقساتىنا ساي پايدالانباۋدىڭ ءاربىر فاكتىسى بويىنشا ءتيىستى كادر قىزمەتى قىزمەتتىك تەكسەرۋ تۋرالى بۇيرىق شىققان كۇننەن باستاپ ون كۇنتىزبەلىك كۇن ىشىندە قىزمەتتىك تەكسەرۋ جۇرگىزەدى, ونىڭ ناتيجەلەرى بويىنشا ءتيىستى تارتىپتىك كوميسسيا كىنالىلەردى تارتىپتىك جاۋاپتىلىققا تارتۋ ماسەلەسىن قارايدى. 11. جوعالعان كۋالىك بۇقارالىق اقپارات قۇرالدارى ارقىلى جارامسىز دەپ جاريالانادى. ءتيىستى كادر قىزمەتى جوعالعاننىڭ ورنىنا جاڭا كۋالىكتى قىزمەتتىك تەكسەرۋ جۇرگىزىلگەننەن كەيىن بەرەدى. 12. قىزمەتكەرلەر جۇمىستان بوساتىلعاندا نەمەسە ب ۇلىنگەن كەزدە تاپسىرىلعان كۋالىكتەر ەركىن نىسانداعى ءتيىستى جويۋ تۋرالى اكت جاسالۋمەن جويىلۋى ءتيىس. 3-تاراۋ. كۋالىكتىڭ سيپاتتاماسى 13. قازاقستان رەسپۋبليكاسى پرەزيدەنتى ءىس باسقارۋشىسى جانە ءىس باسقارماسى اپپاراتى باسشىسىنىڭ قولى قويىلىپ بەرىلەتىن كۋالىكتىڭ سيپاتتاماسى: 1) كۋالىكتىڭ مۇقاباسى قارا كوك ءتۇستى بىلعارىدان جاسالادى. كۋالىك تولىق اشىلعاندا ونىڭ مۇقاباسىنىڭ كولەمى 65ح190 مم بولادى. كۋالىكتىڭ سىرت جاعىنىڭ ورتاسىندا جوعارعى جيەگىنەن 7 مم تومەن جەردە التىن ءتۇستى فولگامەن بەدەرلەۋ ادىسىمەن ورىندالعان قازاقستان رەسپۋبليكاسى مەملەكەتتىك ەلتاڭباسىنىڭ (بۇدان ءارى – ەلتاڭبا) بەينەسى ورنالاسقان. ەلتاڭبا كولەمى - 25ح27 مم. ودان 5 مم تومەن جەردە التىن ءتۇستى فولگامەن بەدەرلەۋ ادىسىمەن ورىندالعان, قارپى Arial, قارىپ ولشەمى 12 «قازاقستان رەسپۋبليكاسى پرەزيدەنتىنىڭ ءىس باسقارماسى» دەگەن مەملەكەتتىك تىلدەگى جازۋ ورنالاسقان. 2) كۋالىك جاپسىرماسى وفسەتتىك باسپا ادىسىمەن قالىڭدىعى 200گر/م² جىلتىر قاعازدان جاسالادى. جاپسىرمانىڭ سول جانە وڭ جاق ەكى بولىگى بار. جاپسىرماداعى ءاربىر جاقتىڭ كولەمى – 63ح88 مم. كۋالىك جاپسىرماسى كوگىلدىر, سۇرعىلت جاسىل جانە قىزعىلت تۇستە جاسالادى. ءىس باسقارماسىنىڭ «ا» كورپۋسى مەملەكەتتىك اكىمشىلىك قىزمەتشىنىڭ, قازاقستان رەسپۋبليكاسى پارلامەنتى شارۋاشىلىق باسقارماسىنىڭ باسشىسى مەن ونىڭ ورىنباسارلارى كۋالىكتەرىنىڭ جاپسىرماسى كوگىلدىر تۇستە جاسالادى. ءىس باسقارماسى مەديتسينالىق ورتالىعى باسشىسى مەن ونىڭ ورىنباسارلارى كۋالىكتەرىنىڭ جاپسىرماسى سۇرعىلت جاسىل تۇستە جاسالادى. ءىس باسقارماسىنىڭ «ب» كورپۋسى مەملەكەتتىك اكىمشىلىك قىزمەتشىلەرى كۋالىكتەرىنىڭ جاپسىرماسى قىزعىلت تۇستە جاسالادى. جاپسىرمانىڭ سول جانە وڭ جاقتارىندا تانگيرلى تور جانە التىن ءتۇستى ءىس باسقارماسىنىڭ لوگوتيپى ورنالاسقان. لوگوتيپ كولەمى – 32,5ح32,5 مم. جاپسىرمانىڭ سول جاق جوعارعى بولىگىندە «قازاقستان رەسپۋبليكاسى پرەزيدەنتىنىڭ ءىس باسقارماسى» دەگەن مەملەكەتتىك تىلدەگى جانە وڭ جاق جوعارعى بولىگىندە «ۋپراۆلەنيە دەلامي پرەزيدەنتا رەسپۋبليكي كازاحستان» دەگەن ورىس تىلىندەگى جازۋ ورنالاسقان. جازۋ قىزىل تۇستە ورىندالعان, قارپى Times New Roman, قارىپ ولشەمى 19, جارتىلاي قالىڭ. جازۋ استىندا قىزىل ءتۇستى, قارپى Arial, قارىپ ولشەمى 1,5 «قازاقستان رەسپۋبليكاسى» دەگەن ميكروماتىن ورنالاسقان, تومەنگە قاراي مەملەكەتتىك جانە ورىس تىلدەرىندە كۋالىك ءنومىرى, تەگى, اتى, اكەسىنىڭ اتى (بار بولسا), اتقاراتىن لاۋازىمى, قۇرىلىمدىق بولىمشە اتاۋى كورسەتىلەدى. جاپسىرمانىڭ سول جاعىنداعى ميكروماتىننەن تومەن جەردە كولەمى 30x40 مم قىزمەتكەردىڭ فوتوسۋرەتى ءۇشىن جيەكتەمە, تيىسىنشە قازاقستان رەسپۋبليكاسى پرەزيدەنتى ءىس باسقارۋشىسىنىڭ, اپپارات باسشىسىنىڭ قولىمەن جانە ەلتاڭبالىق مورمەن بەكىتىلگەن قازاق تىلىندەگى ءماتىن ورنالاسقان. جاپسىرمانىڭ وڭ جاعىنداعى سول جاق بولىگىندە ميكروماتىننەن تومەن جەردە تانگيرلى تورى بار جيەكتەمە بەينەلەنگەن. جيەكتەمە ورتاسىندا ەلتاڭبا بەينەلەنگەن. ەلتاڭبا كولەمى – 25ح25 مم. ودان 7 مم تومەن جەردە التىن ءتۇستى مەتالداندىرىلعان بوياۋمەن جاسالعان ورنەك ورنالاسقان. ورنەك كولەمى – 3ح25 مم. وڭ جاق تومەنگى بولىگىندە كۋالىكتىڭ قولدانىلۋ مەرزىمى كورسەتىلەدى. 14. ۆەدومستۆو باسشىسى قول قويعان كۋالىكتىڭ سيپاتتاماسى: 1) كۋالىكتىڭ مۇقاباسى قارا كوك ءتۇستى بىلعارىدان جاسالادى. كۋالىك تولىق اشىلعاندا ونىڭ مۇقاباسىنىڭ كولەمى 65ح190 مم بولادى. كۋالىكتىڭ سىرت جاعىنىڭ ورتاسىندا جوعارعى جيەگىنەن 7 مم تومەن جەردە التىن ءتۇستى فولگامەن بەدەرلەۋ ادىسىمەن ورىندالعان ەلتاڭبا بەينەسى ورنالاسقان. ەلتاڭبا كولەمى - 25ح27 مم. ودان 5 مم تومەن جەردە التىن ءتۇستى فولگامەن بەدەرلەۋ ادىسىمەن ورىندالعان, قارپى Arial, قارىپ ولشەمى 12 مەملەكەتتىك تىلدەگى ءىس باسقارماسى ۆەدومستۆوسىنىڭ اتاۋى ورنالاسقان. 2) كۋالىك جاپسىرماسى وفسەتتىك باسپا ادىسىمەن قالىڭدىعى 200گر/م² جىلتىر قاعازدان جاسالادى. جاپسىرمانىڭ سول جانە وڭ جاق ەكى بولىگى بار. جاپسىرماداعى ءاربىر جاقتىڭ كولەمى – 63ح88 مم. كۋالىك جاپسىرماسى اشىق جاسىل تۇستە جاسالادى. جاپسىرمانىڭ وڭ جانە سول جاقتارىندا شەڭبەر ىشىندەگى كۇن مەن سامعاعان قىران قۇسىنىڭ جاسىرىن نىسانىن پايدالانۋمەن, قورعانىس تانگيرى بەينەلەنگەن. شەڭبەر ديامەترى 32مم. وڭ جانە سول جاقتاردىڭ جوعارعى بولىگىندە قىزىل تۇستە ورىندالعان, قارپى Times New Roman, قارىپ ولشەمى 17, جارتىلاي قالىڭ مەملەكەتتىك جانە ورىس تىلدەرىندەگى ءىس باسقارماسى ۆەدومستۆوسىنىڭ اتاۋى ورنالاسقان. جازۋ استىندا قىزىل ءتۇستى, قارپى Arial, قارىپ ولشەمى 1,5 «قازاقستان رەسپۋبليكاسى» دەگەن ميكروماتىن ورنالاسقان, تومەنگە قاراي مەملەكەتتىك جانە ورىس تىلدەرىندە كۋالىك ءنومىرى, تەگى, اتى, اكەسىنىڭ اتى (بار بولسا), اتقاراتىن لاۋازىمى, قۇرىلىمدىق بولىمشەنىڭ اتاۋى كورسەتىلەدى. جاپسىرمانىڭ سول جاعىنداعى ميكروماتىننەن تومەن جەردە كولەمى 30x40 مم قىزمەتكەردىڭ فوتوسۋرەتى ءۇشىن جيەكتەمە, ءىس باسقارماسى ۆەدومستۆوسى باسشىسىنىڭ قولىمەن جانە ەلتاڭبالىق مورمەن بەكىتىلگەن قازاق تىلىندەگى ءماتىن ورنالاسقان. جاپسىرمانىڭ وڭ جاعىنداعى سول جاق بولىگىندە ميكروماتىننەن تومەن جەردە تانگيرلى تورى بار جيەكتەمە بەينەلەنگەن. جيەكتەمە ورتاسىندا ەلتاڭبا بەينەلەنگەن. ەلتاڭبا كولەمى – 25ح25 مم. ودان 7 مم تومەن جەردە التىن ءتۇستى مەتالداندىرىلعان بوياۋمەن جاسالعان ورنەك ورنالاسقان. ورنەك كولەمى – 3ح25 مم. وڭ جاق تومەنگى بولىگىندە كۋالىكتىڭ قولدانىلۋ مەرزىمى كورسەتىلەدى. قازاقستان رەسپۋبليكاسى پرەزيدەنتى ءىس باسقارماسىنىڭ قىزمەتتىك كۋالىگىن بەرۋ قاعيدالارى جانە ونىڭ سيپاتتاماسىنا قوسىمشا نىسان قازاقستان رەسپۋبليكاسى پرەزيدەنتى ءىس باسقارماسىنىڭ قىزمەتتىك كۋالىكتەرىن ەسەپكە الۋ جۋرنالى № قىزمەتتىك كۋالىگىنىڭ ءنومىرى تەگى, اتى, اكەسىنىڭ اتى (بار بولسا) لاۋازىمى قولدانىلۋ مەرزىمى العانى تۋرالى قولى تاپسىرعانى تۋرالى قولى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14286 بولىپ ەنگىزىلدى.