وڭتۇستىك قازاقستان حالقى 25 جىلدا 1 ميلليونعا ءوستى

وڭتۇستىك قازاقستان وبلىسىنىڭ xالقى تاۋەلسىزدىك جىلدارى 1 ميلليون ادامعا ءوستى. بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن ءباسپاسوز ءماسليxاتىندا وڭتۇستىك قازاقستان وبلىسى اكىمىنىڭ ورىنباسارى ۇلاسبەك ساتىبەكوۆ ءمالىم ەتتى. «ەگەر تاۋەلسىزدىكتىڭ باستاپقى جىلدارىندا 1,8 ميلليون xالىق بولسا, بۇگىنگى تاڭدا 2,8 ميلليونعا جەتتى. ياعني وسى تاۋەلسىزدىك جىلدارىندا xالىقتىڭ سانى 1 ميلليونعا ءوسىپ وتىر», - دەپ اتاپ ءوتتى ول. سونىمەن قاتار ونىڭ ايتۋىنشا, الەۋمەتتىك سالادا قىرۋار جۇمىستار اتقارىلدى. اتاپ ايتقاندا, وسى جىلدار ىشىندە 1 491 بالاباقشا,  444 جاڭا مەكتەپ, 347 دەنساۋلىق ساقتاۋ نىساندارى سالىندى. «ناتيجەسىندە بىزدە 17 ءبىلىم وشاعىنىڭ ماسەلەسى شەشىلدى. تاۋەلسىزدىكتىڭ 25 جىلدىق مەرەيتويى اياسىندا وڭتۇستىك قازاقستان وبلىسى 25 ءبىلىم وشاعىن بيىل 1 قىركۇيەك كۇنى تارتۋ ەتتى. سونداي-اق شيرەك عاسىردا وبلىستا 8,9 ميلليون شارشى مەتر تۇرعىن ءۇي پايدالانۋعا بەرىلىپ, 100 مىڭنان استام ادام باسپانالى بولدى», - دەيدى اكىم ورىنباسارى. تاۋەلسىزدىك جىلدارى وقو-دا جۇمىسسىزدىق دەڭگەيى 14,3 پايىزدان 5,2 پايىزعا دەيىن تومەندەپ, جۇمىسپەن قامتىلعان xالىقتىڭ سانى 60 پايىزدان اسقان. «جالپى, وسى تاۋەلسىزدىك جىلدارىندا, وزدەرىڭىز بىلەسىزدەر, العاشقى جىلداردا قيىن بولدى, مەكتەپ سالماق تۇگىلى سولاردى اعىمداعى جوندەۋدەن وتكىزۋ ماسەلەسى قيىنداعان جاعداي بولاتىن. ال بۇگىنگى كۇنى, جاڭا اتاپ وتكەنىمدەي, وڭتۇستىك قازاقستان وبلىسىندا 444 جاڭادان مەكتەپ سالىنعان, بۇعان مەملەكەت باسشىسىنىڭ «100 مەكتەپ, 100 اۋرۋxانا» باعدارلاماسى دا ۇلكەن قولداۋ بولدى», - دەپ ءتۇيدى ويىن ۇ. ساتىباەۆ.