الاكولگە بەكىرە بالىعى جىبەرىلدى

بالىقتار الاكولدەن وزگە مايقانكولگە جانە كولبايدىڭ جانىنداعى كولگە دە جىبەرىلدى. جالپى اتىراۋدان الاكولگە بەكىرەنىڭ 70 داناسى جەتكىزىلگەن. جانە شاباقتارى دا بار. قازىر «ولجا» شارۋا قوجالىعىنىڭ جەتەكشىسى تىلەۋبەك التىباەۆ كول سۋىنا شاباقتاردى  الدىمەن بەيىمدەۋ جۇمىستارىن جۇرگىزىلىپ جاتىر. ءبىراز وسكەن سوڭ, كەلەسى جىلدىڭ كۇزىنە قاراي  الاكول كولىنە جىبەرىلمەك. وسىلايشا, بەكىرە بالىعىن تابيعي جولمەن كوبەيتۋ كوزدەلگەن. ازىرگە بۇل باعالى بالىق ءتۇرىن ءوسىرۋ ءىسى  تاجىريبە جۇزىندە قولعا الىنىپ وتىر. ايتا كەتەيىك, شاباقتاردى اتىراۋدان الاكولگە بەلگىلى مەتسەنات باۋىرجان وسپانوۆ ارنايى الدىرتىپتى.  جالپى, الاكول اۋدانىنداعى قامىسقالا اۋىلى تۇرعىندارىنىڭ نەگىزگى كاسىبى - بالىق شارۋاشىلىعى. ولاردىڭ كاسىپتەرى  اسىرەسە, شومىلۋ ماۋسىمىندا جاندانا تۇسەدى. دەمالۋشىلارعا بالىقتاردىڭ ءتۇر-ءتۇرىن ۇسىناتىن دا وسى جەرگىلىكتى حالىق. ال بالىقشى  تىلەۋبەك التىباەۆ الاكولدە باعالى بەكىرە تۇقىمىمەن بىرگە, تۇقى, سازان جانە ءدوڭماڭداي سەكىلدى بالىقتاردى دا كوبەيتپەك نيەتتە. ويتكەنى, سوڭعى جىلدارى عالىمداردىڭ پىكىرىنشە, كولدەگى بالىق سانى ءبىرشاما ازايىپ كەتكەن. بۇعان بروكونەرلىك قانا ەمەس, تابيعي جاعدايلار دا سەبەپ. ەگەر جەر بەرىلسە, كولشىكتەر قازىپ, سوندا باعالى سۋ مارجاندارىن كوبەيتپەكشى. بۇل رەتتە, شارۋانىڭ ينكۋباتسيالىق تسەحى دا جۇمىس ىستەپ تۇر.