استانا كوشەلەرىنىڭ اتاۋلارى قالاي وزگەرۋى مۇمكىن؟

استانادا بىرنەشە كوشەنىڭ اتاۋى وزگەرتىلۋى مۇمكىن,- دەپ حابارلايدى "ەگەمەن-اقپارات" tengrinews.kz سايتىنا  سىلتەمە جاساپ. استانا قالاسىنىڭ الماتى اۋدانىندا ورنالاسقان № 23-17 كوشەگە بۇحار جىراۋ ەسىمىن بەرۋ ۇسىنىلدى. بۇل ۇسىنىس قاراعاندى وبلىسىنىڭ تۇرعىنىنان كەلگەن. بولاشاقتا "ەسىل" دەپ اتالاتىن اۋداندا 14 كوشەگە اتاۋ بەرىلۋى مۇمكىن, ولاردىڭ ىشىندە: № 210 - نياز بي كوشەسى, № 211 - نۇرپەيىس بايعانين كوشەسى, № 212 - كەنەن ازىرباەۆ كوشەسى,  № 250 - قايىم مۇحامەدحانوۆ كوشەسى, № 350 - بەلگراد كوشەسى, № 486 - ورىنبور كوشەسى (ورىنبور داڭعىلىن ماڭگىلىك ەل دەپ اتاۋ ۇسىنىلعان بولاتىن),  № 488 - حۋسەين بەن تالال كوشەسى, № 573 - سۇلتانبەك قوجان ۇلى كوشەسى, № 574 - جانايدار باتىر كوشەسى, № 584 - ساكەن ءجۇنىسوۆ كوشەسى, № 604 - ساتتار ەرۋباەۆ كوشەسى. ال № 581 كوشەنى تالدىكول دەپ اتاۋ تۋرالى ۇسىنىس استانا قالاسىنىڭ تۇرعىنىنان كەلگەن. قازاقستانداعى تاتارستان مەملەكەتىنىڭ وكىلدەرى  № 602 كوشەگە سۇيىمبەك اتاۋىن بەرۋدى ۇسىنىپ وتىر. № 652 كوشەنى سلوۆاكيا استاناسى - براتيسلاۆاعا وزگەرتۋى مۇمكىن. سونىمەن قاتار, "الماتى" اۋدانىنداعى مىنا كوشەلەردىڭ اتىن وزگەرتۋ ۇسىنىلدى: جامبىل جاباەۆ كوشەسىن (40-ستانتسيا) بايمۇحامەت قوسشىعۇلوۆقا; يۆان پانفيلوۆ كوشەسىن رابيعا ەسىمجانوۆا كوشەسىنە; بەيىمبەت مايلين مەن № 193 كوشەلەردى بىرىكتىرىپ, بەيىمبەت مايلين كوشەسىن بەرۋ. "ەسىل" اۋدانىنداعى مىنا كوشەلەردىڭ اتاۋىن وزگەرتۋ ۇسىنىلدى: ورىنبور داڭعىلىن ماڭگىلىك ەل كوشەسىنە; حۋسەين بەن تالال كوشەسىن  ۇلى دالا كوشەسىنە, 70 لەت وكتيابريا كوشەسىن تەمىربەك جۇرگەنوۆ كوشەسىنە, № 36 جانە ەڭبەكشىلەر كوشەسىن بىرىكتىرىپ, وعان ءاليحان بوكەيحانوۆتىڭ ەسىمىن بەرۋ. "سارىارقا" اۋدانىنداعى ەكى كوشەنىڭ اتاۋى وزگەرتىلۋى مۇمكىن - ءاليحان بوكەيحانوۆ كوشەسى ءازىربايجان مامبەتوۆكە جانە تاراس شەۆچەنكو كوشەسىنە ابدىعاپپار حاننىڭ ەسىمى. ەسكە سالايىق, كەشە استانا قالالىق ءماسليحاتتا "استانا قالاسىنىڭ كەيبىر كوشەلەرىنە اتاۋ بەرۋ جانە قايتا اتاۋ" تۋرالى وتىرىس وتكەن بولاتىن. وندا ورىنبور داڭعىلىعىن ماڭگىلىك ەل دەپ اۋىستىرۋ ۇسىنىلدى. ورىنبور داڭعىلىنىڭ اتاۋى وزگەرۋى مۇمكىن. سىزدەر ورىنبوردىڭ ءبىزدىڭ ءبىرىنشى استانامىز ەكەنىن بىلەسىزدەر. بىراق بۇل ورىنبور كوشەسى مۇلدە الىنىپ تاستالادى دەگەن ءسوز ەمەس, ول اتاۋ باسقا كوشەگە بەرىلەدى. ەلوردا تۇرعىندارى بۇل ۇسىنىستى قولداپ وتىر. (…). داڭعىلدىڭ اتاۋى ماڭگىلىك ەل دەپ وزگەرتىلۋى مۇمكىن", - دەدى استانا قالالىق تىلدەردى دامىتۋ باسقارماسىنىڭ باسشىسى.