پروباتسيا تۋرالى زاڭعا وزگەرىستەر تالقىلاندى

استانادا ىشكى ىستەر مينيسترلىگى ەۋروپالىق وداقتىڭ «قازاقستاندا قىلمىستىق سوت تورەلىگىن جەتىلدىرۋ» جوباسىنىڭ قولداۋىمەن «ۇكىمەتپەن اشىق ديالوگ – «پروباتسيا تۋرالى» جانە وسى ماسەلەنى قامتيتىن كەيبىر زاڭدارعا وزگەرىستەر ەنگىزۋ جوبالارىن تالقىلاۋ تاقىرىبىندا دوڭگەلەك ۇستەل وتكىزدى. زاڭگەرلەر, اسسامبلەيا مۇشەلەرى, مەم­لەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى جانە قو­عام بەلسەندىلەرىنىڭ, سونداي-اق, ءتيىس­تى ۆەدومستۆولاردىڭ وكىلدەرى قاتىس­­قان جيىن ماقساتى – ەلىمىز­دىڭ قىل­مىس­تىق اتقارۋ جۇيەسىن ودان ءارى ىزگى­لەندىرۋ بو­لىپ تابىلادى. وسىلاي­شا, بۇل قىز­مەتتى حالىقارالىق تالاپ­تارعا مەي­لىن­شە جاقىنداتۋ دا كوز­دەلەدى. وعان قوسا, ايىپتالۋشى­لار­دى قايتا الەۋمەتتەندىرۋ ۇدەرىسىن جوعا­رى­لاتۋ ار­قىلى سوتقا دەيىنگى جانە پەني­تەن­تسيار­­لىق پروباتسيانى ەنگىزۋ جۇيەسى دە وسى زاڭ اياسىندا شەشىمىن تاپپاق. ياع­ني, بۇل جەردە نەگىزگى باسىمدىق سوت­­تال­­عاندى ۇكىم شىققان كۇننەن باس­­تاپ قوعامعا بەيىمدەۋ ەكەندىگىن ەسكەرگەن ءجون. جالپى, پروباتسيا قىزمەتى ەلىمىزدە 2012 جىلى ەنگىزىلگەنىمەن, بۇل قىزمەت­كە بايلانىستى زاڭنىڭ جاڭا جوباسى وسى كۇندەرى وڭىرلەردە جان-جاقتى تال­قى­لانىپ, تۇسىندىرىلۋدە. ماماندار ونى قول­دانۋدىڭ قولايلىعىمەن وڭ ءناتي­جەسى وراسان زور بولىپ تۇرعانىن ايتادى. بۇعان دالەل سوڭعى جىلداردا ءبىر رەت قىلمىس جاساپ, ونىسىن قاي­تالاعانداردىڭ سانى كۇرت كەمىگەن. ايتا كەتەيىك, پروباتسيا قىزمەتى ار­قى­لى سوتتالعاندارعا الەۋمەتتىك-قۇقىق­تىق كومەك تە كورسەتىلەدى. سون­داي-اق, تۇزەۋ مەكەمەلەرىندە ءوزىن جاقسى كورسەتكەندەر مەن قوعام­دىق جۇمىس­تار­عا بەلسەندى ارالاس­قان­داردىڭ ۋاقى­تىنان بۇرىن بوستان­دىق­قا شىعۋ ءمۇم­كىندىگى دە باستى نازارعا الىنادى. نۇرلىبەك دوسىباي, «ەگەمەن قازاقستان»