«قازعارىش» مەكتەبىنىڭ قۋانىشى

مەكتەپ – ءبىلىم مەن تاربيەنىڭ كيەلى دە قاسيەتتى مەكەنى. ال ءبىلىم ۇياسىنىڭ تىرەگى – مۇعالىم ەكەنى بەلگىلى. بۇگىنگى كۇنى ءبىلىم بەرۋ جۇيەسىندە بولىپ جاتقان وزگەرىستەر وتە وزەكتى. ونىڭ باستىسى ءبىلىم ساپاسىن كوتەرۋدە بولىپ تۇر. بۇل ءىس ۇجىمنىڭ ءىس-تاجىريبەسىندەگى بەرەكە-بىرلىككە تاۋەلدى ەكەنى انىق. وسىنداي جۇمىستاردى اتقارۋدا ەلورداداعى رايىمبەك باتىر اتىنداعى №50 «قازعارىش» مەكتەپ-ليتسەيى وزىندىك جەتىستىكتەرىمەن كوزگە ءتۇسىپ, بيىك تالاپ دەڭگەيىنەن كورىنىپ كەلەدى. استانا قالاسىنىڭ اكىمى «ەڭ ۇزدىك مەكتەپ» بايگەسىن جاريالاعان ەدى. ول ەل تاۋەلسىزدىگىنىڭ 25 جىلدىعىنا ارنالعانىن ەسكە سالا كەتسەك دەيمىز. وندا ءار ءبىلىم ۇياسى ءوزىنىڭ جىل بويعى اتقارعان جۇمىستارىن سارالاي كەلىپ, ۇزدىك جوبالارىن ۇسىنۋعا ءتيىس بولاتىن. سونىڭ جاقىندا قورىتىندىسى شىعىپ, اتالمىش مەكتەپ «ەڭ ۇزدىك مەكتەپ» گرانتىن جەڭىپ الدى. – ءبىز ءبىلىم بەرۋمەن بىرگە, تاربيەنى دە سوعان ۇشتاس جۇرگىزىپ وتىرمىز. اتا-انا – بالا – ۇستاز – وسى ۇشتىكتى مىقتى قولعا العان جەردە وقۋ ساپاسى ارتىپ, تاربيە ءتالىمدى بولارى حاق. سودان دا بولۋ كەرەك, وتكەن وقۋ جىلىنداعى جەتىستىكتەرىمىز ۇزدىكتەر قاتارىنا قوستى. ال جاڭا وقۋ جىلىندا العا قويعان مىندەت-ماقسات تا جەتىپ ارتىلادى. مۇعالىمدەرىمىز وقۋشىلاردىڭ ءبىلىمىن شىڭداۋمەن قوسا, ەگەمەن ەلىنە, قاسيەتتى وتانىنا دەگەن ولاردىڭ پاتريوتتىق سەزىمىن وياتىپ, تاۋەلسىزدىكتىڭ قادىر-قاسيەتىن بويلارىنا ءسىڭىرىپ, ويلارىنا دارىتۋ ماقساتىندا قىرۋار جۇمىستار اتقارۋ ۇستىندە. ءبىزدىڭ ۇجىم مۇشەلەرى ەگەمەن ەلىمىزدىڭ شيرەك عاسىرلىق مەرەكەسىنە جوعارى ءبىلىم ساپاسىمەن ءوز ۇلەستەرىن قوسۋدى ماقسات ەتىپ وتىر. ونىڭ ۇستىنە, ەلورداداعى «ەڭ ۇزدىك مەكتەپ» گرانتىن جەڭىپ الۋ سەنىمىن ودان ءارى جالعاستىرىپ, وسى بيىكتى وسىرە بەرۋ نيەتىندەمىز, – دەيدى مەكتەپ ديرەكتورى روزا بولاتاەۆا. «ەگەمەن-اقپارات»