پرەزيدەنت «ارگو» جشس-ءنىڭ اۋىل شارۋاشىلىعى كەشەنىنە باردى

مەملەكەت باسشىسىنا كاسىپورىننىڭ وندىرىستىك قۋاتى, جۇمىسىنىڭ نەگىزگى باعىتتارى تۋرالى باياندالدى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان ەگەمەن-اقپارات حابارلادى. سونىمەن قاتار, ەلباسى وڭىردە وسىرىلەتىن اۋىل شارۋاشىلىعى ونىمدەرىنىڭ كورمەسىن ارالاپ, وبلىستىڭ اۋىل شارۋاشىلىعى تاۋارلارىن وندىرۋشىلەرمەن كەزدەستى. ولار وراق ناۋقانىنىڭ بارىسى مەن اگرارلىق سالانىڭ دامۋ قارقىنى جونىندە اڭگىمەلەدى. جينالعاندارعا ارناعان سوزىندە نۇرسۇلتان نازارباەۆ عىلىمي-زەرتتەۋ ينستيتۋتتارىنىڭ الەۋەتىن ءوڭىردىڭ اگروونەركاسىپ كەشەنىنىڭ ونىمدىلىگىن ارتتىرۋ ءۇشىن پايدالانۋ قاجەتتىگىن ايتتى. بۇدان بولەك, قازاقستان پرەزيدەنتى قىتايعا تاياۋداعى ساپارى بارىسىندا سول ەلگە ەكسپورتتالاتىن ءداندى جانە مايلى داقىلدار مولشەرىن ايتارلىقتاي ارتتىرۋعا مۇمكىندىك بەرەتىن كەلىسىمگە قول جەتكىزىلگەنىن ەرەكشە اتاپ ءوتتى. وبلىستاعى اۋىل شارۋاشىلىعى كاسىپورىندارىنىڭ وكىلدەرى مەملەكەت باسشىسىنا ەلدىڭ اۋىل شارۋاشىلىعى سالاسىنا قامقورلىعى مەن قولداۋى ءۇشىن العىس ءبىلدىردى. ەگەمەن-اقپارات