دەربەستىكتى كەڭەيتۋ ماسەلەسى تالقىلاندى

ەلىمىزدىڭ 28 جوعارى وقۋ ورنىندا اكادەميالىق جانە باسقارۋشىلىق دەربەستىگىن كەڭەيتۋ جولدارى ەنگىزىلەدى. بۇل تۋرالى كەشە ورتالىق كوممۋنيكاتسيالار قىزمەتىندە ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى دارحان جۇماقان ۇلى ايتتى. مەملەكەت باسشىسىنىڭ «100 ناقتى قادام» ۇلت جوسپارىنىڭ 78-قادامىندا جوو-لاردىڭ اكادەميالىق جانە باسقارۋشىلىق دەربەستىگىن كەزەڭ-كەزەڭمەن كەڭەيتۋ قاراستىرىلعان. ۋنيۆەر­سيتەتتەردىڭ ۇيىمداستىرۋشىلىق-قۇقىقتىق فورماسىنىڭ كوم­مەرتسيالىق ەمەس اكتسيونەرلىك قوعامعا جانە فورمالارعا اينالۋى ەڭ الدىمەن الەمدىك تاجىريبەگە جاقىنداتادى. ولاردىڭ باس­قارۋشىلىق دەربەستىگىن كەڭەيتۋگە, كىرىستىلىكتى ارتتىرۋعا جانە قارجىلىق مودەل قالىپتاستىرۋعا باعىتتالعان. سونداي-اق بۇل, جۇمىسقا تارتۋ ماسەلەسىن دەربەس شەشۋدىڭ, ماماندىقتار مەن ءبىلىم بەرۋ باعدارلامالارى كەسكىنىندە ستۋدەنتتەردىڭ كون­تينگەنتىن قالىپتاستىرۋعا مۇمكىندىك بەرەدى. اكادەميالىق دەر­بەستىك ستۋدەنتتەردى قابىلداۋ ماسەلەسىندە, پروفەسسورلىق-وقىتۋ­شىلار قۇرامى مەن ءبىلىم الۋشىلار اراسىنداعى قاتىناستى ورناتۋدا, ءبىلىم بەرۋ باعدارلامالارىنىڭ, وقۋ جوسپارلارى جانە وقۋ باعدارلامالارىنىڭ قۇرىلىمى مەن مازمۇنىن انىقتاۋداعى قۇزىرەتتەردى ۇيلەستىرۋدى توپشىلايدى, دەدى دارحان جۇماقان ۇلى. ونىڭ ايتۋىنشا, بيىلدان باستاپ, اكادەميالىق جانە باس­قارۋشىلىق دەربەستىگىن كەڭەيتۋ جولدارى ەلىمىزدىڭ 28 جوعارى وقۋ ورنىندا ەنگىزىلەدى. اتالعان قادامدى ىسكە اسىرۋدا ناقتى شارالار مەن جوو-لاردىڭ اكادەميالىق جانە باسقارۋشىلىق دەربەستىگىن كەڭەيتۋ جولدارى قاراستىرىلعان. بيىلدان باستاپ, 28 جوو-دا رەكتورلاردى تاڭداۋ جانە باقىلاۋ كەڭەستەرى ەنگىزىلۋدە. ال 2017 جىلدان قاجەت كاسىپورىندارعا كادرلار دايارلاۋدى جۇزەگە اسىراتىن بازالىق جوو-لارعا دامۋ باعدارلاماسى نەگىزىندە دەربەستىك بەرۋ جوسپارلانۋدا. اتالعان تاجىريبە 2021 جىلدان باستاپ وزگە دە ءبىلىم وردالارىندا جۇزەگە اسادى دەدى ول. راۋان قايدار, «ەگەمەن قازاقستان»