شەتەلدە ءبىلىم العاندار نوستريفيكاتسيالاۋدان ءوتۋى ءتيىس

جازىلعان جايدىڭ جاڭعىرىعى “ەگەمەن قازاقستان” گازەتىنىڭ 2011 جىلعى 7 قاڭتارداعى № 3-4 سانىندا فاريدا بىقايدىڭ “مال­دى زاڭگەر ەمدەي مە؟..” دەگەن ماقالاسىندا كو­­تەرىلگەن ءما­سە­لە­لەر بويىنشا مى­نانى حابار­لاي­مىز. ۆە­تە­ري­نار­لىق-سانيتارلىق قاۋىپسىزدىكتى قامتاماسىز ەتۋ ماق­ساتىندا اقسۋ قالاسى اكىمدىگىنىڭ 2010 جىلعى 15 اقپانداعى قاۋ­لىسىمەن “اقسۋ قالاسىنىڭ ۆەتەريناريا ءبولىمى” مەملەكەتتىك مەكەمەسى قۇرىلدى, ال بارلىق سە­لولىق وكرۋگتەر, ءۇش­تەرەك, اقجول مەن قالقامان اۋىل­دارى, اقسۋ كەن­تى اكىمدەرى اپ­پارات­تارىنا ۆەتەريناريا ءجو­نىن­دە­گى باس جانە جەتەكشى مامان لا­ۋا­زىمدارى ەنگى­زىل­دى. بۇگىنگى كۇنى بارلىق سە­لولىق وكرۋگتەر شتاتپەن تولىق قامتىلعان, سونىمەن قاتار, بار­لىق مامانداردىڭ ۆە­تە­رينارلىق ءبىلىمى بار. اقسۋ ءوڭىرى­نىڭ اۋ­ماعىندا ۆەتەرينارلىق قا­دا­عالاۋ­دى اۋىل شارۋاشىلىعى مي­نيسترلىگى اقسۋ قالالىق اۋماق­تىق ينسپەكتسياسىنىڭ ۆەتەري­نار­لىق-سانيتارلىق باقىلاۋ ءبولىمى جۇزە­گە اسىرادى. جولقۇدىق سە­لولىق وكرۋگىندە بىلتىرعى جازدا قارا­سان  ىندەتىنىڭ شىعۋ سەبەبى, سو­يىلعان مالدىڭ  يەسى ا.كەنجەباەۆ ۋاقىتىندا ەگۋ جۇرگىزبەگەن جانە ەتتى ۆەتەرينارلىق زەرتتەۋگە اكەلمەگەن. وسى فاكتى بويىنشا قىل­مىستىق ءىس قوزعالدى. اقسۋ قا­لالىق سوتىنىڭ ۇكىمىمەن ا.كەنجەباەۆ كىنالى دەپ تانىلدى جانە شارت­تى تۇردە ەكى جىلعا باس بوس­تاندىعىنان ايىرۋعا سوتتالدى. 2010 جىلى وڭىردە اۋىل شا­رۋا­شىلىعى مالدارى بىردەيلەندىرىلدى جانە پاسپورتتاۋ جۇرگى­زىل­دى, ەگۋ جوسپارى تولىق ورىندال­دى. قا­زىرگى ۋاقىتتا اقسۋ ءوڭىرىنىڭ اۋما­عىندا 15 مال سويۋ الاڭى جۇمىس ىستەپ تۇر. وڭىردە مالدىڭ قال­دىقتارىن زارارسىزداندىرىپ كو­مۋ ءۇشىن 32 مال قورىمى مەن بيوتەرميالىق شۇڭقىر بار. 2010 جىلعى 24 تامىزدا مەن, ەرجان ءيمانسلام ۇلى ءيمانسلام قا­­لا اكىمىنىڭ تۇرعىن ءۇي-كوم­مۋ­نالدىق شارۋاشىلىعى جانە اۋىل شارۋاشىلىعى جونىندەگى ورىن­با­سارى لاۋازىمىنا تاعايىن­دال­دىم. مەن “اۋىل شارۋاشىلىعىن مەحا­ني­كالاندىرۋ” ماماندىعى بو­­يىن­شا كراسنوارمەيكا اۋىل شارۋا­شىلىعى تەحنيكۋمىن جانە “زاڭ جانە قۇقىقتانۋ” مامان­دى­عى بو­يىنشا قازاق قۇقىقتانۋ جانە حا­لىقارالىق قاتىناستار ينس­تيتۋتىن ءبىتىردىم.  فۋنك­تسيو­نال­دىق مىندەتتەرگە سايكەس مەن تۇرعىن ءۇي-كوم­مۋنالدىق شارۋا­شى­لىعى, جولاۋ­شىلار كولىگى, اۆتوموبيل جول­دارى, جەر قاتىناس­تارى, اۋىل شا­رۋا­شىلىعى جانە ۆەتەريناريا ءما­سەلەلەرىن قاداعا­لايمىن. اقسۋ قالاسى, ۇشتەرەك اۋىلى­نىڭ تۇرعىنى كۇمىسجان بۇلبۇل اقسۋ قالاسى اكىمدىگىنە جۇمىسقا ورنالاستىرۋ ماسەلەسى بويىنشا ءوتىنىش بىلدىرگەن جوق. 2011 جىلعى 10 قاڭتاردا كۇمىسجان بۇلبۇل جۇ­بايىمەن بىرگە مەنىڭ جەكە قا­بىل­داۋىمدا بولدى. كۇمىسجان بۇلبۇل ۇلان-باتوردا موڭگو­ليا­نىڭ ورتا كاسىپتىك وقۋ ورنىن ۆە­تە­ريناريا ماماندىعى بويىنشا اياقتاعان. 2007 جىلى ول ۆەتە­ري­نارلىق قىزمەتپەن اينالاسۋعا ليتسەنزيا الدى. ءبىلىم جانە عىلىم مينيس­ترى­نىڭ 2008 جىلعى № 8 بۇيرىعىمەن ءبىلىم تۋرالى قۇجاتتاردى تانۋ ءجا­نە نوستريفيكاتسيالاۋ ەرەجەسى بەكىتىلدى. ەرەجەنىڭ 1-تارماعىنا سايكەس باسقا مەملەكەتتەردە, قا­زاق­ستان رەسپۋبليكاسىندا قۇرىل­عان حالىقارالىق جانە شەتەلدىك وقۋ ورىندارىندا (ولاردىڭ في­ليالدارىندا) ءبىلىم العان ادامدار شەتەلدىك ءبىلىم بەرۋ ۇيىم­دارى, سونداي-اق, قازاقستان رەس­پۋبليكاسىندا قۇرىلعان جانە جۇ­مىس ىستەپ جاتقان حالىقارالىق ءجا­نە شەتەلدىك وقۋ ورىندارى بەرگەن ءبىلىم تۋرالى قۇجاتتار بەرىلگەن ءبىلىمنىڭ دەڭگەيىنە جانە دايارلاۋ بەيىنىنە سايكەس قازاقستان رەس­پۋبليكاسىندا ءبىلىم بەرۋ جانە كاسىبي قىزمەتكە قول جەتكىزۋ ماق­ساتىندا نوستريفيكاتسيالاۋ ءرا­سىمىنە ءوتۋ ءتيىس. كۇمىسجان بۇلبۇلدىڭ ءبىلىمى تۋرالى ۇلان-باتوردا الىنعان قۇ­جاتىنا نوستريفيكاتسيالاۋ تۋرا­لى كۋالىگى جوق, سوندىقتان ول وسى ما­ماندىق بويىنشا قازاقستان رەس­پۋبليكاسىندا كاسىبي قىزمەت ات­قا­رۋعا كەدەرگى بولادى. جەكە قا­بىلداۋ بارىسىندا مەن استانا قا­لاسىنداعى “قازاقستان رەس­پۋب­لي­كاسىنىڭ ءبىلىم جانە عىلىم مينيسترلىگى ۇلتتىق اككرەديتاتسيا ورتالىعى“ رەسپۋب­لي­كالىق مەم­لە­كەتتىك قازىنالىق كاسىپ­ورنىنان نوستريفيكاتسيالاۋ كۋالىگىن الۋ كەرەك ەكەندىگىن ءتۇسىندىردىم, سو­نىمەن قاتار, ءبىلىم تۋرالى قۇ­جات­تار­دى تانۋ جانە نوستري­في­كا­تسيالاۋدىڭ مەملەكەتتىك تىلدەگى ەرە­جەسىن قولىنا بەردىم. سونداي-اق, مەملەكەتتىك ور­گانعا جۇمىسقا ورنالاسۋ ءتارتىبىن ايتىپ ءتۇسىن­دىردىم. ەرجان ءيمانسلام,  اقسۋ قالاسى اكىمىنىڭ ورىنباسارى.