سۋعا دا, قارعا دا قونا بەرەدى

بۇگىندە ەلىمىزدىڭ بىرقاتار قالالا­رىندا كانادالىق كومپانيا «Twin Otter Series 400» اۋە لاينەرىنىڭ تانىس­تىرىلىمىن وتكىزگەنى بەل­گىلى بولىپ وتىر. ورال اۋە­­جايىندا وسىنداي ءراسىم­گە قاتىسۋىمىزدىڭ ءساتى ءتۇستى. بۇدان ۇققان-ءتۇي­گە­نىمىز – شاعىن اۋە ۇشاعى قازاق­ستاننىڭ كلي­مات­تىق ەرەكشەلىگىنە وتە قو­لاي­لى ەكەندىگى. بۇل 19 ادامعا لايىقتالعان. جولاۋشى­لاردى تاسىمالداپ قانا قوي­ماي, قۇتقارۋ وپەراتسيالارىن جۇرگىزۋگە جانە ساناۆياتسياعا اسا ىڭعايلى. تاعى ءبىر ەرەك­شەلىگى ۇشۋ-قونۋ جولاعىن قاجەتسىنبەيتىن كورىنەدى. كانادالىق «Viking Air» كوم­پانياcى ماركەتينگ ءبو­لىمىنىڭ ديرەكتورى دەۆيد ءحيزدىڭ ايتۋىنشا, اتالعان ۇشاق ءتۇرىنىڭ اسفالت ءتو­سەلمەگەن قارا جەرگە, ءتىپتى, قار مەن سۋ ۇستىنە دە قونا بەرۋ مۇمكىندىگى بار ەكەن. بۇل ءۇشىن ارنايى قۇرىلعىلار ورناتىلىپتى. ونىڭ جوعارى جانە تومەن تەمپەراتۋرالارعا شىدامدىلىعى دا ءوز الدىنا ءبىر بولەك اڭگىمە دەرلىكتەي. بۇگىندە كانادالىق كومپانيا شىعارعان 900-گە تارتا ۇشاق تۇرلەرى الەمنىڭ 57 ەلىندە قولدانىسقا ەنگىزىلىپتى. ءوزىنىڭ كولەمى جاعىنان الەمدەگى مەملەكەتتەر اراسىندا العاشقى وندىققا كىرەتىن قازاقستاننىڭ ۇلان-بايتاق اۋماعى جاعدايىندا, ءتىپتى, ءبىر وبلىستىڭ ىشىندەگى اۋداندار ءبىر-بىرىنەن 500-600 شاقىرىم قاشىقتىقتا ەكەنىن ەسكەرسەك, بۇل وتە قولايلى اۋە كولىگى ەكەنى بىردەن بايقالادى. ونى پايدالانعان كەزدە ارنايى ۇشۋ-قونۋ جولاقتارىن سالۋ­دىڭ قاجەتتىلىگى جوق ەكەنى دە ءتيىمدى بولماق. ويتكەنى, جوعارىدا ايتىلعانداي, «Twin Otter Series 400» ەش­قانداي قوناتىن جەر تال­عامايدى. ەندەشە, مۇنى نەگە شالعاي اۋىلدارداعى تۇر­عىنداردىڭ يگىلىگىنە پايدا­لانباسقا؟ وسى ارادا «Twin Otter Series 400» ۇشاعىنىڭ باعاسى 7 ميلليون اقش دوللارىن قۇرايتىنىن دا ايتا كەتكەن ءجون. ارينە, مۇنداي جوعارى باعانى ەكىنىڭ ءبىرىنىڭ ءمۇم­كىندىگى كوتەرە بەرمەيتىنى تاعى دا ايان. تەمىر قۇسايىن, «ەگەمەن قازاقستان» ورال