ورال اۋەجايىندا كانادالىق ۇشاققا تانىستىرىلىم جاسالدى

[caption id="attachment_54609" align="aligncenter" width="700"] wordpress.com[/caption] ورال اۋەجايىندا كانادانىڭ Viking Air كومپانياسى «Twin Otter Series 400» اۋە لاينەرىنىڭ تانىستىرىلىمىن وتكىزدى. اۋە كەمەسى قازاقستاننىڭ كليماتتىق ەرەكشىلىگىنە وتە قولايلى. ون توعىز ادامعا لايىقتالعان بۇل ۇشاق جولاۋشىلاردى تاسىمالداپ قانا قويماي, قۇتقارۋ وپەراتسيالارىن جۇرگىزۋگە جانە ساناۆياتسياعا دا اسا ىڭعايلى. ونىڭ تاعى ءبىر ەرەكشەلىگى, ۇشۋ-قونۋ جولاعىن قاجەت ەتپەيدى. Viking Air كومپانياسى ماركەتينگ ءبولىمىنىڭ ديرەكتورى دەۆيد ءحيزدىڭ ايتۋىنشا, اتالعان ۇشاقتىڭ اسفالت توسەلمەگەن قارا جەرگە, ءتىپتى, قار مەن سۋ ۇستىنە دە قونا بەرۋ مۇمكىندىگى بار ەكەن. بۇل ءۇشىن ارنايى قۇرىلعىلار ورناتىلىپتى. ونىڭ جوعارى جانە تومەنگى تەمپەراتۋرالارعا شىدامدىلىعى دا ءوز الدىنا ءبىر بولەك اڭگىمە. بۇگىندە كومپانيا شىعارعان 900-گە تارتا ۇشاق ءتۇرى الەمنىڭ 57 ەلىندە قولدانىسقا ەنگىزىلىپتى. «ارينە, مۇنداي ۇلگىدەگى ۇشاقتار ءبىز ءۇشىن قاجەت ەكەندىگى انىق. دەگەنمەن, قازىر ناقتى ەسەپتەر مەن تالداۋلاردىڭ, قاراجاتتى ۇنەمدەۋ ءۇردىسىنىڭ زامانى ەكەنىن ەسكەرگەنىمىز ءجون. ياعني, شەتەلدىك ۇشاق بىزگە ەكونوميكالىق جانە قارجىلىق تۇرعىدان ءتيىمدى بولا الا ما؟ ماسەلەنىڭ وسى جاعىنا باسا نازار اۋدارساق, ەش ۇتىلماسىمىز انىق. كەلەشەكتە مۇنداي تالداۋلار جاسالادى دەگەن ويدامىن. بۇل ءۇشىن بيزنەستىڭ الەۋمەتتىك جاۋاپكەرشىلىگى ارقىلى ينۆەستورلار تارتۋ مۇمكىندىگىن قاراستىرىپ كورۋگە بولادى. قايتكەندە دە, بۇل – كەلەشەگى كەمەل جوبا», – دەدى تانىستىرىلۋ راسىمىنە قاتىسقان باتىس قازاقستان وبلىسىنىڭ اكىمى التاي كولگىنوۆ. ايتا كەتەيىك, «Twin Otter Series 400» ۇشاعىنىڭ باعاسى 7 ميلليون اقش دوللارىن قۇرايدى. تەمىر قۇسايىن