حالىق بالىقتى نەلىكتەن از تۇتىنادى؟

بالىق ونىمدەرىن تۇتىنۋدىڭ الەمدىك ورتاشا كورسەتكىشى جان باسىنا شاققاندا 20 كەلىنى قۇراپ تۇرعان كەزدە قازاقستاندا بۇل كورسەتكىش ءالى كۇنگە دەيىن 5 پايىزعا جەتپەپتى. بۇل ماسەلە 28-29 شىلدە كۇندەرى الماتىدا وتكەن ءىى قازاقستان رەسپۋبليكاسىنىڭ بالىق وسىرۋشىلەر فورۋمىندا جان-جاقتى تالقىلاندى. بالىق ونىمدەرىن تۇتىنۋدىڭ الەمدىك ورتاشا كورسەتكىشى جان باسىنا شاققاندا 20 كەلىنى قۇراپ تۇرعان كەزدە قازاقستاندا بۇل كورسەتكىش ءالى كۇنگە دەيىن 5 پايىزعا جەتپەپتى. بۇل ماسەلە 28-29 شىلدە كۇندەرى الماتىدا وتكەن ءىى قازاقستان رەسپۋبليكاسىنىڭ بالىق وسىرۋشىلەر فورۋمىندا جان-جاقتى تالقىلاندى. «ستاتيستيكا بويىنشا بالىق ونىمدەرىن تۇتىنۋ كولەمى قازاق­ستان­نىڭ ءاربىر تۇرعىنىنا شاققاندا 4,5 كەلى شاماسىندا عانا. ال ەلىمىز­دەگى تاعامتانۋشىلاردىڭ ونى تۇتى­نۋ كولەمىنە ۇسىنىلعان نورماسى 14,2 پايىزدى قۇرايدى. وكى­نىش­­كە وراي, ءوز ەلىمىزدە اۋلاناتىن بالىق ساپاسى وتە جوعارى بول­عا­نىنا قاراماستان باسىم بولىگى ەكسپورتقا كەتىپ جاتىر. قازاق­ستان­عا سىرتتان اكەلىنەتىنى  تۇگەل­دەي دەرلىك بىزدە وندىرىلمەيتىن مۇحيت بالىقتارى», دەيدى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ بالىق شارۋاشىلىعى جونىندەگى باسقارما باسشىسى ايان باحيانوۆ. بالىق شارۋاشىلىعى عىلىمي-زەرتتەۋ ينستيتۋتىنىڭ باس ديرەكتورى قۋانىش يسابەكوۆتىڭ سوزىنە قاراعاندا, بالىق اۋلاۋ كولەمىنىڭ ەڭ جوعارى كورسەتكىشى ەلىمىزدە 1975 جىلى تىركەلگەن. وندا 100 مىڭ توننا بالىق اۋلانعان. وكىنىشكە وراي, ودان كەيىن ونىڭ كولەمى جىل وتكەن سايىن كەمىپ,  1980 جىلى 85,7 مىڭ, 1990 جىلى 68,6 مىڭ, 2000 جىلى 36,7 مىڭ, 2010 جىلى 51,7 مىڭ, ال 2015 جىلى 45,1 مىڭ توننا كولەمىندە عانا بولعان. ماماندار بالىق شارۋاشى­لى­عىنىڭ مۇنشالىقتى كەرى كەتۋىنىڭ ماتەريالدىق بازانىڭ ەسكىرۋى, دايىندالىپ جاتقان جاڭا مامانداردىڭ زامان تالابىنا ىلەسە الماۋى جانە مەملەكەتتىك قولداۋدىڭ ماقساتتى تۇردە جۇيەلى جۇرگىزىلمەۋى سياقتى باستى سەبەپتەرىن  اتاپ كورسەتتى. ال قۇزىرلى مەكەمەنىڭ جاۋاپتى ۋاكىلى ايان باحيانوۆتىڭ ايتۋىنشا, بالىق شارۋاشىلىعىن دامىتۋعا مەملەكەتتىك قولداۋدىڭ ازدىعىنا ەڭ الدىمەن بۇل سالانىڭ جالپى ىشكى ونىمىندەگى ۇلەسىنىڭ 0,01 پايىزدى عانا قۇراۋى تۇرتكى بولىپ وتىر. بۇۇ-نىڭ ازىق-ت ۇلىك جانە اۋىل شارۋا­شىلىعى ۇيىمىنىڭ (FAO) با­لىق ونىمدەرىن تۇتىنۋدا كىرىس دەڭ­گەيى تومەن ەلدەرىنە ۇسىن­عان ءمول­شەرىنىڭ ءوزى 14,6 كەلىنى قۇراي­تىن كورىنەدى. سوندىقتان قازاق­ستان­نىڭ الەمدىك ورتاشا كورسەت­كىشتى ايتپاعاندا,  وتان­دىق تاعام­تانۋ­شىلار ۇسىنىپ وتىر­عان 14,2 كەلىگە جەتۋى ازىرگە ال­دا­عى بىرەر جىل­دا قول جەتكىزەر مەجە بولماي تۇر­عانىن اڭعارۋعا بولادى. ەرلىك ەرجان ۇلى, جۋرناليست الماتى