نەسيەمەن كەلگەن نەسىبە

مەملەكەت باسشىسى ۇلتتىق قوردىڭ ەسەبىنەن ەلىمىزدەگى وڭدەۋشى ونەركاسىپ سالاسىن قولداۋعا ارنايى قارجى ءبولۋدى ۇكىمەتكە تاپسىرعانى بەلگىلى. بۇگىندە ەلىمىزدەگى 1 353 كاسىپكەرگە بۇل قاراجات «بيزنەستىڭ جول كارتاسى–2020» باعدارلاماسى شەڭبەرىندە قولجەتىمدى بولىپ كەلەدى. مەملەكەت تاراپىنان جەڭىلدەتىلگەن نەسيە الۋ ارقىلى ونىمدىلىگىن ارتتىرعان تاۋار وندىرۋشىلەر قاتارىندا 126 استانالىق كاسىپكەر بار. «دامۋ» قورىنىڭ كومەگىمەن تاسىن ورگە دومالاتقان كاسىپورىنداردىڭ قىزمەتىمەن جۋىردا استانا قالالىق فيليالىنىڭ ماماندارى جاقىنىراق تانىسىپ شىققان بولاتىن. سونىڭ ءبىرى – تەمىر جانە اعاش بۇيىمدار جاساۋ بويىنشا ءون­دىرىستىك تسەحتى ىسكە قوسقان «نۇر-سابا» جشس. 2008 جىلى قۇرىل­عان كومپانيا باستاپقىدا 15 ادام­مەن جۇمىسىن جۇرگىزگەن ەدى. كاسىپورىن ديرەكتورى قايرات ەسىمبەكوۆ ۋا­قىت وتە كەلە نارىقتاعى سۇرانىستى وتەۋ ماق­ساتىمەن ءوندىرىس ورنىن كە­­ڭەيتىپ, جۇمىسشىلار سانىن ارتتىرۋدى ويلادى. الايدا, مۇنداي جو­با قوماقتى قاراجاتتى قاجەت ەتە­تىندىكتەن, ونى بىردەن جۇزەگە اسىرۋ مۇمكىن ەمەس ەدى. «مەملەكەتتىڭ كومەك قارجى­سىن الۋ ءۇشىن قۇجات وتكىزىپ, جە­ڭىلدەتىلگەن نەسيەنى 5 جىل­دىق مەر­زىممەن الدىق. بۇل قارجىعا ءۇش قاباتتى شاعىنداۋ عيمارات الىپ, وندا رەسەيلىك ۇلگىدەگى جاڭا ستانوكتار ورناتتىق. سونىمەن قاتار, تاعى 25 ادامدى جۇمىسقا قا­بىلداپ, ولاردىڭ قاتارىن 40-قا جەتكىزدىك. نەگىزىنەن تەمىر مەن اعاشتان ءارتۇرلى بۇيىمدار جا­سايتىندىقتان, جەكەلەگەن تاپسىرىس­تاردان بولەك, مەملەكەتتىك ساتىپ الۋلارعا دا قا­تىسىپ كەلەمىز. ءبىزدىڭ شەبەرلەردىڭ قولىنان شىققان دۇنيەگە قى­زى­عۋشىلار كوپ. اسىرەسە, ءۇي نەمەسە جەكەلەگەن بيزنەس نىساندارىن سالۋشىلار تاپسىرىستى مولىنان بەرەدى», دەيدى كاسىپورىن باسشىسى ق.ەسىمبەكوۆ. ال بۇرىندارى ەكىنشى دەڭگەيلى بانكتەردەن جوعارى پايىزبەن الىنعان نەسيەلەردى سۋبسيديالاۋعا ارنالعان تاعى ءبىر مەملەكەتتىك باعدارلامانىڭ كومەگىن كورگەن «يۋني-دەنت» ءتىس ەمحاناسى جشس 2007 جىلى اشىلعان. العاش­قى كەز­­دەرى ستوماتولوگيا سالاسىندا جەڭىل-جەلپى قىزمەتتەر عانا كور­سەتكەن ەمحانا ماماندارى ونىڭ اياسىن كەڭەيتۋدىڭ جولىن ىزدەي باس­­تايدى. ارينە, ول ءۇشىن ەڭ الدىمەن قوسىمشا قۇرال-جابدىقتار قاجەت. وعان قوسا سەرىكتەستىك دي­­­­رەك­تورى ۆياچەسلاۆ ورلوۆ ءتىس پرو­تەزىن ءوزى جاساپ شىعارۋدى ماق­سات تۇتادى. سول ءۇشىن ول بانك­تەن نە­سيە الادى. كەيىننەن بارىپ نەسيەنىڭ پايىزدىق ۇستەمە­سىن سۋب­سيديالايتىن ۇكىمەتتىڭ جاڭا باعدارلاماسىنان حاباردار بولعان سوڭ, «دامۋ» قورىنىڭ استانا قالالىق فيليالىندا وسى ويىن جۇزەگە اسىرادى. «ارينە, ەكىنشى دەڭگەيلى بانك­تەن العان نەسيەنىڭ پايىزى جوعارى بولدى. بىراق, مەنىڭ نەسيەلىك تاريحىم وتە جاقسى بولعاندىقتان, قور قىزمەتكەرلەرى قاجەتتى كومەكتى بەرۋدەن ايانىپ قالمادى. ناتيجەسىن­دە, العان نەسيەم 7 پايىزعا دەيىن ءتو­مەندەپ, اي سايىنعى تولەيتىن قاراجاتىمنىڭ كولەمى ازايدى. ال ازايعان قارجىنىڭ ەسەبىنەن گەر­مانيادان 100 مىڭ ەۋرو تۇراتىن قىمبات قۇرىلعى ساتىپ الۋ ارقىلى پروتەز دايىندايتىن لابوراتوريا­نى ىسكە قوستىق. سونىمەن قاتار, اۋ­ماعى 150 شارشى مەتردى قۇرايتىن جاڭا مەكەن-جايعا ورنالاستىق. بۇگىندە ءتىس پروتەزىن دايىنداۋدىڭ ساپاسى ارتىپ, باعاسى دا تومەندەدى. بۇل بىزگە نارىقتا باسەكەگە توتەپ بەرۋىمىزگە زور مۇمكىندىكتەر بە­رەدى», دەدى ۆ.ورلوۆ. ەلوردالىق كاسىپ­كەر­لەرگە قار­جىلاي قولداۋ كورسە­تىپ, ولاردىڭ دامۋىنا دەم بەرىپ وتىر­عان «دامۋ» قورى استانا قالا­لىق فيليالىنىڭ باس مەنەدجەرى ءزامزا­­گۇل حامزينا داعدارىستىڭ سال­قىنى كاسىپكەرلىك سالاعا دا تيگەنى بايقالاتىندى­عىن ايتادى. سوندىقتان دا ۇكى­مەت وڭدەۋشى ونەركاسىپ سالاسىنا مەي­لىنشە قولداۋ ءبىلدىرىپ, ءونىم كولەمى مەن جۇمىس ورىندارىن بارىنشا ساقتاپ قالۋعا ۇمتىلىپ جاتقاندىعىن العا تارتادى. «اسىرەسە, مەملەكەتتىڭ مەجەلەنگەن تاپسىرماسى رەتىندە ءبىزدىڭ قور جاڭادان قۇرىلىپ, اياق­تان تۇرا الماي جاتقان شاعىن كا­سىپكەرلەرگە ەرەكشە كوڭىل ءبولىپ كەلەدى. جالپى, قازاقستان بويىنشا وڭدەۋشى ونەركاسىپ سالاسىن قولداۋعا ارنالعان باعدارلامامەن بۇگىنگە دەيىن 1 353 كاسىپكەر نەسيە ال­عان بولسا, ونىڭ 126-ى استانالىق بيزنەسمەندەر بولىپ تابىلادى. ولارعا قور ارقىلى مەملەكەتتىڭ 30 834 ملن. تەڭگەسى بەرىلگەن. ال «بيز­­نەستىڭ جول كارتاسى-2020» باع­دارلاماسى اياسىندا ەلوردالىق 34 كاسىپكەرمەن 2 ملرد. 551 ملن. تەڭ­گەلىك سۋبسيديا كەلىسىمشارتىنا قول قويىلعان. ەندى ۇلتتىق قور­دان بولىنگەن بۇل قاراجات كاسىپ­ورىنداردىڭ كەڭەيۋىنە جاقسى كومەك بولۋدا», – دەدى ز.حامزينا. نۇرلىبەك دوسىباي, «ەگەمەن قازاقستان» استانا