زايسانداعى «سالەم» ساۋدا ورتالىعى

50 ادامدى جۇمىسپەن قامتاماسىز ەتتى زايسان قالاسىندا ءزاۋلىم, ءىشى-سىرتى كوز تارتاتىن, 4 قاباتتى «سالەم» ساۋدا ورتا­لىعى ەسىگىن ايقارا اشتى. ونىڭ سالتاناتتى اشىلۋىنا اۋدان اكىمى تەمىربەك قاسىمجانوۆ, قۇرىلىستى سالىپ بەرگەن, «زايسان-قۇرىلىس» كومپانياسىنىڭ باسشىسى, وبلىستىق ءماسليحاتتىڭ دەپۋتاتى بولات نۇراسىل, اۋداننىڭ قۇرمەتتى ازاماتتارى, ارداگەرلەر, قالا جۇرتشىلىعى قاتىستى. – ەلباسىنىڭ قازاقستان حالقىنا جول­داۋىندا شاعىن جانە ورتا كاسىپكەرلىكتى دامىتۋ, جۇمىس ورىندارىن اشۋ جونىندە ناقتى تاپسىرما بەرىلگەنى بەلگىلى. بۇل رەتتە زايسان اۋدانىندا دا ەلەۋلى جۇمىستار اتقارىلۋدا. ماسەلەن, اۋداندا 140 ساۋدا دۇكەنى بولسا, زايسان قالاسىنىڭ وزىندە عانا 88 ساۋدا ورىندارى مەن دۇكەندەر بار. ولاردا 500-گە تارتا ادام جۇمىس ىستەيدى. ال بۇگىنگى «سالەم» ساۋدا ورتالىعى – ەڭ ۇلكەن عيمارات. مۇندا ءبىرىنشى قاباتتا بالالار وينايتىن الاڭ, ءدامحانا, شاشتاراز, حالىققا قىزمەت كورسەتەتىن ورىندار, بانكتەر ورنالاسقان. دەمەك, ساۋدا ورتالىعىنا كەلگەن ادام وزىنە قاجەتتى زاتتاردى ساتىپ الۋمەن بىرگە بانكتەن نەسيە الا الادى, باسقا دا شارۋالارىن بىتىرەدى. ساۋدا ورنىن ساپالى ەتىپ سالىپ بەرگەن قۇرىلىس كومپانياسىنىڭ باسشىسى بولات يەكپ ۇلىنا, بۇگىنگى عاجاپ عي­ماراتتىڭ سالىنۋىنا 250 ميلليون تەڭگە قارجى سالعان, 50 ادامعا جۇمىس تاۋىپ بەرگەن داۋلەت مىقيانوۆقا اۋدان تۇرعىندارى اتىنان العىس ايتامىن, – دەدى جيىندى اشقان اۋدان اكىمى ت.قاسىمجانوۆ. بۇدان كەيىن ءسوز العان بولات نۇراسىل وزىمەن اينابۇلاق اۋىلىندا ءبىر مەكتەپتە وقىعان دوسى داۋلەت مىقيانوۆتىڭ نارىقتىڭ قيىن-قىستاۋ كەزىندە بوران-شاشىنعا قارا­ماستان كولىكپەن قاجەتتى ازىق-ت ۇلىكتى تاسى­عانىن, اۆتوبۋس قاتىناسىن ىسكە قوسقانىن, ىسكەر ازاماتتىڭ بۇگىنگى تابىس­قا ەڭبەكقورلىعى مەن ىزدەنىسى ارقاسىندا جەتكەنىن ايتتى. بۇدان كەيىن سيمۆولدىق كىلتتى «جاسۇلان» شارۋا قوجالىعىنىڭ ءتور­اعاسى, مال وسىرۋمەن بىرگە ساۋدا دۇكەندەرىن پايدالانۋعا بەرگەن د.مىقيانوۆقا تابىس ەتتى. اۋداندىق ارداگەرلەر كەڭەسىنىڭ توراعاسى تۇقان مىرزاحانوۆ ىسكەر ازاماتقا باتاسىن بەردى, زامانبەك بۇرىمبەتوۆ پەن داۋلەتتىڭ اپايى لەنتانى قيعان سوڭ جينالعاندار ءزاۋلىم ساۋدا ءۇيىن ارالاپ, زاتتاردى ساتىپ الا باستادى. سوڭىندا ءان مەن كۇيگە كەزەك بەرىلدى. اۋدان اكىمى تەمىربەك جۇماقۇل ۇلى بىزبەن اڭگىمەسىندە «وسكەمەن-زايسان» اۋە رەيسىنىڭ قايتادان ىسكە قوسىلعانىن, اۋە­جايدى جوندەۋگە بولات نۇراسىلدىڭ قولعابىس جاساعانىن, 2 شىلدەدە اۋدانعا وڭتۇستىك كورەيادان 20-عا تارتا بىلىكتى ءدارى­گەرلەردىڭ كەلىپ, حالىققا تەگىن قىزمەت كور­سەتە باستاعانىن, سول كۇنى كاسىپ­كەر بولات نۇراسىلدىڭ قارجىسىنا سالعان ەم­حانانىڭ پايدالانۋعا بەرىلگەنىنەن حاباردار ەتتى. ءيا, زايساندا جاڭالىق كوپ. وڭداسىن ەلۋباي, جۋرناليست شىعىس قازاقستان وبلىسى, زايسان اۋدانى