2016 جىلى وڭىردە ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا 13 جوبا پايدالانۋعا بەرىلەدى دەپ كۇتىلۋدە. قازىرگى ۋاقىتتا وبلىستىڭ كاسىپكەرلىكتى قولداۋ كارتاسىنا سوماسى 812,3 ميلليارد تەڭگە بولاتىن جانە 13,2 مىڭ جاڭا جۇمىس ورنىن اشۋعا مۇمكىندىك بەرەتىن 94 جوبا ەنىپ وتىر. باعدارلاما جۇزەگە اسىرىلا باستاعالى سوماسى 562,2 ميلليارد تەڭگە بولاتىن 79 جوبا ىسكە قوسىلىپ, 7,3 مىڭ جاڭا جۇمىس ورنى اشىلدى.
قازىر كاسىپورىندار قۋاتتىلىعىن 100 پايىزعا جەتكىزۋ جولدارى قاراستىرىلۋدا. جالپى, 2010 جىلدان بەرى ۇدەمەلى يندۋستريالىق-يننوۆاتسيالىق دامۋ باعدارلاماسى جوبالارى بويىنشا 1,1 تريلليون تەڭگەنىڭ, ونىڭ ىشىندە بيىل 5 ايدا 68,5 ميلليارد تەڭگەنىڭ ءونىمى (ونەركاسىپتىك ءوندىرىس كولەمىنىڭ 15,7 پايىزى) ءوندىرىلدى.
2016-2019 جىلدار ارالىعىندا وڭىردە 15 جوبا پايدالانۋعا بەرىلىپ, 5,9 مىڭ جاڭا جۇمىس ورنى اشىلادى دەپ جوسپارلانىپ وتىر. جىل قورىتىندىسىنا سايكەس, 15,9 ميلليارد تەڭگەنىڭ 13 جوباسى پايدالانۋعا بەرىلەدى. العاشقى جارتىجىلدىقتا ءبىر جوبا, ياعني قۋاتتىلىعى جىلىنا 111,6 مىڭ توننا بولاتىن از تونناجدى مۇناي وڭدەۋ زاۋىتى پايدالانۋعا بەرىلدى.
ۇستىمىزدەگى جىلدىڭ سوڭىنا دەيىن ىسكە قوسىلاتىن ۇدەمەلى يندۋستريالىق-يننوۆاتسيالىق باعدارلاما جوبالارىنىڭ قاتارىندا جىلىنا 50 مىڭ شارشى مەتر تۇرعىن ءۇي سالاتىن ءۇي قۇرىلىسى كومبيناتى دا بار. بۇل ءوز كەزەگىندە بولاشاقتا يمپورتتىق ماتەريالداردى ىعىستىرۋ ەسەبىنەن تۇرعىن ءۇي باعاسىن تومەندەتۋگە مۇمكىندىك بەرەدى. يندۋستريالىق-يننوۆاتسيالىق دامۋ باعدارلاماسىن جۇزەگە اسىرۋدا اقتوبە قالاسى, مۇعالجار, العا جانە حرومتاۋ اۋداندارىنىڭ كاسىپكەرلەرى بەلسەندىلىك تانىتۋدا. ءوز كەزەگىندە ىرعىز, ويىل جانە قوبدا اۋداندارىندا بۇل جۇمىستار ويداعىداي ەمەس.
ءوڭىر باسشىسى مەملەكەتتىك يندۋستريالىق-يننوۆاتسيالىق دامۋ باعدارلاماسىنا ۇسىنىلاتىن جوبالاردى ىرىكتەۋ كەرەكتىگىن دە ۇدايى العا تارتىپ كەلەدى. ونىڭ ايتۋىنشا, قانشا جوبا بولسا دا ولار بولاشاقتا ءوڭىر ەكونوميكاسىنىڭ دامۋىنا سەرپىن بەرەتىن, وبلىس تۇرعىندارىن تۇراقتى تۇردە جۇمىسپەن قامتاماسىز ەتەتىن ءتيىمدى ينۆەستيتسيالىق جوبا بولۋلارى كەرەك. سوندىقتان بۇل باعىتتا ساننان گورى ساپاعا باسا نازار اۋدارۋ قاجەت.
ساتىبالدى ءساۋىرباي,
«ەگەمەن قازاقستان»
اقتوبە وبلىسى
2016 جىلى وڭىردە ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا 13 جوبا پايدالانۋعا بەرىلەدى دەپ كۇتىلۋدە. قازىرگى ۋاقىتتا وبلىستىڭ كاسىپكەرلىكتى قولداۋ كارتاسىنا سوماسى 812,3 ميلليارد تەڭگە بولاتىن جانە 13,2 مىڭ جاڭا جۇمىس ورنىن اشۋعا مۇمكىندىك بەرەتىن 94 جوبا ەنىپ وتىر. باعدارلاما جۇزەگە اسىرىلا باستاعالى سوماسى 562,2 ميلليارد تەڭگە بولاتىن 79 جوبا ىسكە قوسىلىپ, 7,3 مىڭ جاڭا جۇمىس ورنى اشىلدى.
قازىر كاسىپورىندار قۋاتتىلىعىن 100 پايىزعا جەتكىزۋ جولدارى قاراستىرىلۋدا. جالپى, 2010 جىلدان بەرى ۇدەمەلى يندۋستريالىق-يننوۆاتسيالىق دامۋ باعدارلاماسى جوبالارى بويىنشا 1,1 تريلليون تەڭگەنىڭ, ونىڭ ىشىندە بيىل 5 ايدا 68,5 ميلليارد تەڭگەنىڭ ءونىمى (ونەركاسىپتىك ءوندىرىس كولەمىنىڭ 15,7 پايىزى) ءوندىرىلدى.
2016-2019 جىلدار ارالىعىندا وڭىردە 15 جوبا پايدالانۋعا بەرىلىپ, 5,9 مىڭ جاڭا جۇمىس ورنى اشىلادى دەپ جوسپارلانىپ وتىر. جىل قورىتىندىسىنا سايكەس, 15,9 ميلليارد تەڭگەنىڭ 13 جوباسى پايدالانۋعا بەرىلەدى. العاشقى جارتىجىلدىقتا ءبىر جوبا, ياعني قۋاتتىلىعى جىلىنا 111,6 مىڭ توننا بولاتىن از تونناجدى مۇناي وڭدەۋ زاۋىتى پايدالانۋعا بەرىلدى.
ۇستىمىزدەگى جىلدىڭ سوڭىنا دەيىن ىسكە قوسىلاتىن ۇدەمەلى يندۋستريالىق-يننوۆاتسيالىق باعدارلاما جوبالارىنىڭ قاتارىندا جىلىنا 50 مىڭ شارشى مەتر تۇرعىن ءۇي سالاتىن ءۇي قۇرىلىسى كومبيناتى دا بار. بۇل ءوز كەزەگىندە بولاشاقتا يمپورتتىق ماتەريالداردى ىعىستىرۋ ەسەبىنەن تۇرعىن ءۇي باعاسىن تومەندەتۋگە مۇمكىندىك بەرەدى. يندۋستريالىق-يننوۆاتسيالىق دامۋ باعدارلاماسىن جۇزەگە اسىرۋدا اقتوبە قالاسى, مۇعالجار, العا جانە حرومتاۋ اۋداندارىنىڭ كاسىپكەرلەرى بەلسەندىلىك تانىتۋدا. ءوز كەزەگىندە ىرعىز, ويىل جانە قوبدا اۋداندارىندا بۇل جۇمىستار ويداعىداي ەمەس.
ءوڭىر باسشىسى مەملەكەتتىك يندۋستريالىق-يننوۆاتسيالىق دامۋ باعدارلاماسىنا ۇسىنىلاتىن جوبالاردى ىرىكتەۋ كەرەكتىگىن دە ۇدايى العا تارتىپ كەلەدى. ونىڭ ايتۋىنشا, قانشا جوبا بولسا دا ولار بولاشاقتا ءوڭىر ەكونوميكاسىنىڭ دامۋىنا سەرپىن بەرەتىن, وبلىس تۇرعىندارىن تۇراقتى تۇردە جۇمىسپەن قامتاماسىز ەتەتىن ءتيىمدى ينۆەستيتسيالىق جوبا بولۋلارى كەرەك. سوندىقتان بۇل باعىتتا ساننان گورى ساپاعا باسا نازار اۋدارۋ قاجەت.
ساتىبالدى ءساۋىرباي,
«ەگەمەن قازاقستان»
اقتوبە وبلىسى
سوڭعى جاڭالىقتار
كۇشتى ۇيلەستىرۋ – وزىق تاجىريبە
ايماقتار • كەشە
ۇلاندىقتار بالانى اجالدان امان الىپ قالدى
قوعام • كەشە
بەكزات الماحاننىڭ UFC-دەگى قارسىلاسى انىقتالدى
سپورت • كەشە
«ادىلەت» پارتياسىن قۇرۋعا رەسمي قادام جاسالدى
ساياسات • كەشە
ءبيبىسارا اساۋباەۆا كوش باسىنا شىقتى
شاحمات • كەشە
45 قالادا كارىز جۇيەسىن سالۋ جانە جاڭارتۋ جۇمىستارى جۇرگىزىلەدى
ايماقتار • كەشە
الاياقتىقتىڭ الدىن الۋ: ۇستازدار اراسىندا ارنايى اكتسيا ۇيىمداستىرىلدى
زاڭ مەن ءتارتىپ • كەشە
