بۇل بالاباقشا بۇرىنعىدان وزگەرەك...

جەكە كاسىپكەر گۇلدارا نۇرىموۆا بۇلدىرشىندەر مەن اتا-انالاردى قۋانىشقا بولەدى. ول جامبىل اۋدانىنىڭ قاراوي اۋىلىنان ءوز قارجىسىنا «ءنۇرالىم» ساۋىقتىرۋ بالاباقشاسىن سالىپ بەردى. جاڭا عيمارات 280 بۇلدىرشىنگە ارنالعان.   – ەل تاۋەلسىزدىگىنىڭ 25 جىل­­­دى­عىنا وراي وڭىرىمىزدە 71 مەكتەپ, 21 بالاباقشا جانە 600 ورىن­­دىق كوللەدج سالىنىپتى. جامبىل اۋ­دانىندا 18 بالاباقشا جانە 17 شا­عىن ورتالىق بار ەكەن. قاراوي اۋىلىندا 5700 حا­لىق تۇ­رادى. مىنە, كاسىپكەر زا­مانعا ساي بالاباقشا سىيلاپ وتىر. وسى بۇلدىرشىندەر ءوسىپ-ءون­ىپ ءۇل­كەن دارەجەگە جەتسىن. وسى شاڭىراق بالالاردىڭ شات­­تىعىنا تولا بەر­سىن, – دەيدى جام­بىل وبلىسى­نىڭ اكىمى كارىم كو­كى­رەك­باەۆ. عيماراتتىڭ جالپى كولەمى 3 280,0 شارشى مەتردى قۇرايدى. ال, جو­بانىڭ جالپى قۇنى – 437 ملن. تەڭگە. جاڭا بالاباقشا بارلىق زا­­­ماناۋي تالاپقا ساي قۇرال-جابدىقتارمەن جابدىقتال­عان. مەكتەپكە دەيىنگى ءبىلىم بە­رۋ مە­­كەمەسىندە مۋزىكا زالى, سپورت زالى, ويىن ءبول­مەلەرى بار. بالا­­­باقشانىڭ اۋماعى تو­لىعىمەن اباتتاندىرىلعان, ءبو­بەك­تەردىڭ دەنساۋلىعىنا پايدالى ساياباق, سپورت جانە ويىن الاڭدارى بار. مەكتەپكە دەيىنگى ءبىلىم بەرۋ نىسانىندا 40-تان اسا جاڭا جۇمىس ورنى اشىلعان. – بالاباقشا سالۋ تۋرالى ۇزاق ويلانىپ ءجۇردىم, – دەيدى بۇل جونىندە كاسىپكەر گۇلدارا نۇ­رىموۆا. – وسىندا كەلگەن, سايىن اتا-انالاردىڭ ءوز بالالارىن قالاعا بالاباقشاعا تاسىپ جۇرگەنىن كورەتىنمىن. ويلانا كەلە بوبەكجاي سالۋدى ءجون كور­دىم. بىرىنشىدەن, وكرۋگتەگى بالالار كوپپەن بىرگە جاقسى تاربيە الادى, ەكىنشىدەن, تۇرعىندار جۇ­مىسپەن قامتىلادى. ءبىلىم مەكەمەسى بالالار­عا مەكتەپكە دەيىنگى ءبىلىم بەرۋ جانە دايىنداۋعا ارنالعان. سا­ۋىقتىرۋ شارالارى دا ءجۇر­گىزىلەدى. ءبىر ايتا كەتەرلىگى, كۇندىز-ءتۇنى جۇمىس ءىس­تەيدى. اتا-انالار بالالارىن ون­لاين رەجىمىندە باقىلاي الادى. ورالحان ءداۋىت, «ەگەمەن قازاقستان» جامبىل وبلىسى