كوللەدج تۇلەكتەرىنە وندىرىسكە جولداما بەرىلدى

كوكشەتاۋ جوعارى كوللەدجى 2011 جىلدان باستاپ ەكسپەريمەنتتى ءتۇر­دە قازاقستاندا ءبىرىنشى بولىپ ءتورت ماماندىق بويىنشا ءبىلىم بەرىپ كەلەدى. ياعني, مۇنداعى وقۋشىلار قۇرىلىس سالاسى, جول قۇرىلىسى, اۆتوسەرۆيس جانە ماشينا جاساۋ تەحنولوگيالارى ماماندىقتارىنا ارنالعان قولدانبالى باكالاۆريات دارەجەسىن يەمدەنەدى. بۇل باعدارلامانىڭ باس­تى ەرەك­شەلىگى – وقۋشىلار ءبىرىن­شى كۋرستان باستاپ سەرىكتەس كا­سىپ­ورىنداردىڭ وندىرىستىك جۇ­مىستارىنا قاتىسىپ, ارنايى تاپسىرىس بويىنشا ءونىم دايىنداۋمەن اينالىسادى. ياع­ني, وقۋ مەن تاجىريبەنى ۇشتاستىر­عان ولار كول­لەدجدى بىتىرگەندە دايىن كاسىبي مامان بولىپ شى­عادى. وسىعان سايكەس, بۇلارعا سۇرانىس تا جوعارى. ماسەلەن, بيىل وقۋ ورنىنىڭ 67 تۇلەگى ءىرى كاسىپورىنداردىڭ شا­قىرۋىمەن ءوز ماماندىقتارىنا ساي بىردەن جۇمىسقا ورنالاساتىن بولادى. ال, قالاداعى №1 قۇرىلىس-تەحنيكالىق كوللەدجى ەكونوميكا سالاسىنىڭ ءۇش باعىتى بويىنشا ماماندار دايارلايدى. مۇندا دا «ديپلوممەن – اۋىلعا!» باع­دارلاماسىمەن 24 تۇلەك شالعاي اۋىلدارعا جولداما الىپ وتىر. – بۇگىنگى كۇنى اۋىلدىق جەرلەردە مامان جەتىسپەۋشىلىگى بار, – دەيدى بىزبەن اڭگىمەسىندە كوللەدج ءبىتىرۋشى ەرتاي كۇرەس. – مەن ەلباسى جولداۋىندا ەرەكشە ءمان بەرىلگەن باستامانى قولداپ, ەرەي­مەنتاۋ اۋدانىنداعى بوزتال اۋىلىنا جولداما الدىم. ءوز ەڭ­بەگىمدى اۋىلعا ارناپ, ونى دامى­تىپ, كور­كەيتۋگە ۇلەس قوسقىم كەلەدى. قوس كوللەدج تۇلەكتەرىنە ديپ­لومدار مەن جولدامالار تاپسىرۋ سال­تاناتىنا وبلىس اكىمىنىڭ ورىنباسارى نۇرلان نۇركەنوۆ قاتىسىپ, جاس ماماندارعا ساتتىلىك تىلەدى. باقبەرگەن امالبەك, «ەگەمەن قازاقستان» اقمولا وبلىسى