«اناعا اپارار جول»

ءفيلمىنىڭ تۇساۋكەسەرى ماسكەۋدە ءوتتى بەلگىلى رەجيسسەر, كينەماتوگراف اقان ساتاەۆتىڭ «اناعا اپارار جول» ءفيلمىنىڭ تۇساۋ­كەسەرى رەسەي استاناسىندا ءوتتى. جاڭا تۋىندى 1930 جىلدان باس­تاپ بۇگىنگە دەيىنگى ارا­لىقتى قامتيدى. حالىقتىڭ كور­گەن قي­ىنشىلىقتارى, سول كەزەڭ­دەگى اشتىق, قۋعىن-سۇرگىن, سوعىس جىلدارى, سوعىستان كەيىنگى ەلدىڭ ناشار تۇرمىسى – ءبارى-ءبارى فيلم ستسەناريىنە ارقاۋ بولعان. تاع­دىر­دىڭ جازۋىمەن ءبىر-بىرىنەن اجىراپ قالعان انا مەن بالانىڭ جىلدار بويعى ساعىنىشى, باستارىنا تۇسكەن قيىندىقتاردى ەڭسەرىپ, قايتا قاۋىشقان ساتتەرى كورەرمەندەردى ەرىكسىز جىلاتتى. دراماعا تولى ءفيلمنىڭ ءتۇسى­رىلىم جۇمىستارى قازاقستاندا, ازەربايجاندا, بەلارۋستە وتكەن. – التى اي ۋاقىتىمىزدى سارپ ەتتىك. كۇن دەمەي, ءتۇن دەمەي, قولى­مىزدان كەلگەننىڭ ءبارىن جاسا­دىق. اتالارىمىزدىڭ باستان كەش­كەن قيىندىقتارىن بارىنشا شىنايى جەتكىزۋگە تىرىستىق, – دەدى باستى ءرولدى سومداعان ءادىل احمەتوۆ. بۇل – العاشقى اشىق كورسە­تىلىم. تۇساۋكەسەرگە كەلگەندەردىڭ كوڭىلىنەن شىققانى ايدان انىق. «اسقان شەبەرلىكپەن تۇسىرىلگەن. سوعىس ءجۇرىپ جاتقان تۇستارى مەن كينونىڭ اۋقىمدىلىعى تاڭعال­دىردى», دەگەن جىلى لەبىز­دەرىن ءبىلدىرىپ جاتتى كينوسىنشىلار. – ماعان قاتتى ۇنادى. فيلم اياقتالار تۇستا كوزىمنەن جاس اعىپ كەتكەنىن بايقاماي قالدىم. اكتەرلەردىڭ, وپەراتورلاردىڭ جۇ­مىسى تىپتەن ەرەكشە, – دەدى اكتەر يۆان نيكولاەۆ. ايان ءابدۋالي, «ەگەمەن قازاقستان»