ەۋروپانى شارلاعان ەلوردالىق

قۋات بولاتوۆتىڭ ەۋروپا جەرىن ۆەلوسيپەدپەن شارلاپ جۇرگەنىنە ءبىر ايدان استى. ول وسى ۋاقىتتا نيدەرلاند, گەرمانيا, ليحتەنشتەين, شۆەيتساريا, فرانتسيا, ليۋكسەمبۋرگ جانە بەلگيانىڭ ءىرى شاھارلارىندا بولىپ ۇلگەرىپتى. ءوزىنىڭ 3 مىڭنان اسا وقىرمانى بار Instagram پاراقشاسىندا ق.بولاتوۆ كۇندەلىكتى ساياحاتىنان قىزىقتى دەرەكتەر كەلتىرىپ وتىرادى. جاس­تايىنان الەم كەزۋدى ارمانداعان ول دۇنيەنى كەزۋگە ۆەلوسيپەدتىڭ ىڭعايلى كولىك ەكەنىن ايتتى. – ەگەر كولىكپەن نەمەسە موتوتسيكل­مەن ساياحاتتاساڭىز, بار كوڭى­لىڭىز تەك تاستاق جولعا اۋىپ, مىنا دۇنيەنىڭ تابيعي سۇلۋلىعى مەن ءتۇرلى مادەنيەت وكىلدەرىنىڭ تى­نىس-تىرشىلىگىنەن حابارسىز قالار ەدىڭىز. تاۋلىگىنە مىڭداعان شاقىرىم جۇرسەڭىز, ميلليونداعان قىزىقتان قاعىلاسىز. ال ۆەلوسيپەدپەن ءجۇرۋ ىڭعايلى ءارى سەنىمدى. سەن ادامدارعا اشىقسىڭ, بارلىق كورىنىسپەن بىتە قايناسىپ, تابيعي سۇلۋلىقتى جاقىننان سەزىنەسىڭ. ونىڭ ۇستىنە, بۇل كولىكپەن ءجۇرۋ – دەن­ساۋلىققا اسا پايدالى, – دەدى ق.بولاتوۆ. بۇعان دەيىن تۇركيا, اقش, وڭ­تۇستىك كورەيا, رەسەي, ۋكراينا, قىر­عىزستان جانە وزبەكستاندا بولعان ساياحاتشىنىڭ كيگەن كيىمىندە قازاق­ستاننىڭ مەملەكەتتىك رامىزدەرى بەدەرلەنگەن. ساياحاتتاۋىنا الەم­دىك عالامتوردىڭ كوپ كومەگى تيەتىنىن ايتقان ول ەۋروپا جۇرت­شىلىعىنىڭ ءبىزدىڭ مەملەكەتتىك تۋىمىزعا قىزىعا قارايتىنىن, قازاق دەگەن ۇلتتىڭ جايدارى, سالاماتتى ومىرگە قۇشتار حالىق ەكەنىن بىلەتىن بولامىز دەپ, ۇنەمى قوناققا شاقىراتىنىن دا جاسىرمادى. يران, قىتاي, وڭتۇستىك-شىعىس ازيا جانە وڭتۇستىك امەريكا ەلدە­رىندە بولۋدى كوزدەپ جۇرگەن ساياحاتشى اۋەلى ەلگە كەلگەن سوڭ قازاقستان­نىڭ بارلىق ايماعىن تاعى ءبىر ارالاپ شىعاتىنىن, بۇيىرتسا, وسى جىلدىڭ تامىز ايىندا استانا مەن الماتىدا ءباسپاسوز ءماسليحاتىن وتكىزبەك ويى بارىن جەتكىزدى. قانات ەسكەندىر, «ەگەمەن قازاقستان» الماتى