كۇن ءتارتىبى ناقتىلاندى

پارلامەنت سەناتىنىڭ توراعاسى قاسىم-جومارت توقاەۆ سەنات بيۋروسىنىڭ وتىرىسىن وتكىزدى, وندا ماجىلىستەن تۇسكەن زاڭ جوبالارى ءبولىنىپ بەرىلدى, دەپ حابارلادى سەناتتىڭ ءباسپاسوز قىزمەتى. حالىقارالىق قاتىناستار, قورعانىس جانە قاۋىپسىزدىك كومي­تەتى قازاقستان مەن اۋعانستان ارا­سىن­داعى ازاماتتىق قورعانىس, توتەن­شە جاعدايلاردىڭ الدىن الۋ جانە ولاردى جويۋ سالاسىن­داعى ىنتىماقتاستىق تۋرالى ۇكىمەت­ارالىق كەلىسىمدى راتيفيكاتسيالاۋ تۋرالى زاڭ جوباسىن پىسىقتاۋعا جانە قورىتىندى ازىرلەۋگە جاۋاپتى بولىپ بەلگىلەندى. قارجى جانە بيۋدجەت كوميتەتى «تولەمدەر جانە تولەم جۇيەلەرى تۋرالى» جانە وعان ىلەسپە «قا­زاق­­ستان رەسپۋبليكاسىنىڭ كەي­بىر زاڭنامالىق اكتىلەرىنە تولەم­­دەر جانە تولەم جۇيەلەرى ماسە­لە­لەرى بويىنشا وزگەرىستەر مەن تولىق­­تىرۋلار ەنگىزۋ تۋرالى» زاڭ جوبا­لار­ىنا باس كوميتەت بولىپ بەلگىلەندى. بيۋرودا پالاتانىڭ 2016 جىل­عى 29 ماۋسىمدا بولاتىن كەزەكتى وتىرىسىنىڭ كۇن تارتىبىنە ۇسى­نىس­تار دا ەنگىزىلدى. وتىرىسقا, اتاپ ايتقاندا, قازاقستان مەن رەسەي اراسىنداعى جەر قويناۋىن پايدا­لانۋعا ارنالعان ەگەمەندىك قۇقىق­تاردى جۇزەگە اسىرۋ ماقساتىندا كاسپي تەڭىزى سولتۇستىك بولىگىنىڭ ءتۇبىن مەجەلەۋ تۋرالى كەلىسىمگە حاتتاماعا وزگەرىس ەنگىزۋ تۋرالى حاتتامانىڭ راتيفيكاتسياسى ەنگىزىلدى. سەنات ودان باسقا تولەمدەر مەن تولەم جۇيەلەرى تۋرالى جانە زاڭناماعا تولەمدەر مەن تولەم جۇيەلەرى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى ء(بىرىنشى وقىلىم) زاڭ جوبالارىن قارايتىن بولدى.