قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى  №400

  2016 جىلعى 13 ءساۋىر, استانا قالاسى ىشكى ىستەر ورگاندارىنىڭ ساناتوري-ىرىكتەۋ كوميسسيالارى تۋرالى ەرەجەنى بەكىتۋ تۋرالى قازاقستان رەسپۋبليكاسى ۇكىمەتىنىڭ 2016 جىلعى 18 اقپانداعى № 78 قاۋلىسىمەن بەكىتىلگەن قۇقىق قورعاۋ ورگاندارىنىڭ قىزمەتكەرلەرىنە جانە ولارمەن بىرگە تۇراتىن وتباسى مۇشەلەرىنە, زەينەتكەرلەرىنە, سونداي-اق قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەردىڭ بالالارىنا ولار كامەلەتتىك جاسقا تولعانعا دەيىن ءتيىستى مەملەكەتتىك دەنساۋلىق ساقتاۋ ۇيىمدارىندا مەديتسينالىق جانە ساناتوري-كۋرورتتىق قىزمەت كورسەتۋ قاعيدالارىنىڭ 13- تارماعىنا سايكەس بۇيىرامىن: 1. قوسا بەرىلىپ وتىرعان ىشكى ىستەر ورگاندارىنىڭ ساناتوري-ىرىكتەۋ كوميسسيالارى تۋرالى ەرەجە بەكىتىلسىن. 2. استانا, الماتى قالالارىنىڭ جانە وبلىستاردىڭ ىشكى ىستەر دەپارتامەنتتەرىنىڭ باستىقتارى استانا, الماتى قالالارىنىڭ جانە وبلىستاردىڭ ىشكى ىستەر دەپارتامەنتتەرى ەمحانالارى بار گوسپيتالدارىندا جانە ەمحانالارىندا ساناتوري-ىرىكتەۋ كوميسسيالارىن وسى بۇيرىققا سايكەس قۇرۋدى قامتاماسىز ەتسىن. 3. قازاقستان رەسپۋبليكاسى ىشكى ىستەر مينيسترلىگىنىڭ تىل دەپارتامەنتى (س.ۆ. كاۆەرنيكوۆ) زاڭنامامەن بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتىڭ كوشىرمەسىن باسپا جانە ەلەكتروندىق تۇردە ونى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جولداۋدى; 3) وسى تىركەلگەن بۇيرىقتى العان كۇنىنەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى; 5) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن كەيىن ون جۇمىس كۇنى ىشىندە وسى تارماقتىڭ 2), 3) جانە 4)-تارماقشالارىندا كوزدەلگەن ءىس-شارالاردىڭ ورىندالعانى تۋرالى مالىمەتتەردى قازاقستان رەسپۋبليكاسى ىشكى ىستەر مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا گەنەرال-مايورى ب.ب. بيسەنقۇلوۆقا جانە قازاقستان رەسپۋبليكاسى ىشكى ىستەر مينيسترلىگىنىڭ تىل دەپارتامەنتىنە (س.ۆ. كاۆەرنيكوۆ) جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر پوليتسيا گەنەرال-پولكوۆنيگى ق.قاسىموۆ «كەلىسىلدى» قازاقستان رەسپۋبليكاسىنىڭ باس پروكۋرورى _________ ج. اسانوۆ 5 مامىر 2016 جىل قازاقستان رەسپۋبليكاسىنىڭ قارجى ءمينيسترى _________ ب. سۇلتانوۆ 20 ءساۋىر 2016 جىل  قازاقستان رەسپۋبليكاسىنىڭ مەملەكەتتىك قىزمەت ىستەرى ءمينيسترى _________ ت. دوناقوۆ 3 مامىر 2016 جىل قازاقستان رەسپۋبليكاسى ىشكى ىستەر ءمينيسترىنىڭ 2016 جىلعى 13 ساۋىردەگى №400 بۇيرىعىمەن بەكىتىلگەن ىشكى ىستەر ورگاندارىنىڭ ساناتوري-ىرىكتەۋ كوميسسيالارى تۋرالى ەرەجە 1-تاراۋ. جالپى ەرەجەلەر 1. وسى ىشكى ىستەر ورگاندارىنىڭ ساناتوري-ىرىكتەۋ كوميسسيالارى تۋرالى ەرەجە (بۇدان ءارى - ەرەجە) 2016 جىلعى 18 اقپانداعى قازاقستان رەسپۋبليكاسى ۇكىمەتىنىڭ № 78 قاۋلىسىمەن بەكىتىلگەن قۇقىق قورعاۋ ورگاندارىنىڭ قىزمەتكەرلەرىنە جانە ولارمەن بىرگە تۇراتىن وتباسى مۇشەلەرىنە, زەينەتكەرلەرىنە, سونداي-اق قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەردىڭ بالالارىنا ولار كامەلەتتىك جاسقا تولعانعا دەيىن ءتيىستى مەملەكەتتىك دەنساۋلىق ساقتاۋ ۇيىمدارىندا مەديتسينالىق جانە ساناتوري-كۋرورتتىق قىزمەت كورسەتۋ قاعيدالارىنىڭ 13-تارماعىنا سايكەس ازىرلەندى جانە قازاقستان رەسپۋبليكاسى ىشكى ىستەر مينيسترلىگىنىڭ ەمحاناسى بار ورتالىق گوسپيتالىنىڭ, استانا, الماتى قالالارىنىڭ جانە وبلىستاردىڭ ىشكى ىستەر دەپارتامەنتتەرىنىڭ ەمحانالارى بار گوسپيتالدارىنىڭ جانە ەمحانالارىنىڭ (بۇدان ءارى – ىشكى ىستەر ورگاندارىنىڭ مەديتسينالىق ۇيىمدارى) ساناتوري-ىرىكتەۋ كوميسسيالارى قىزمەتتەرى ءتارتىبىن ايقىندايدى. 2. وسى ەرەجەدە پايدالانىلاتىن نەگىزگى ۇعىمدار: 1) مەرتىگۋ (جارالانۋ, جاراقاتتانۋ, كونتۋزيا الۋ) جاعدايلارى تۋرالى اكت - قىزمەتتىك مىندەتتەرىن ورىنداۋ كەزىندە قىزمەتكەردىڭ مەرتىگۋ (جارالانۋ, جاراقاتتانۋ, كونتۋزيا الۋ) فاكتىسىن جانە جاعدايلاردى راستايتىن قۇجات; 2) ساناتوريالىق-كۋرورتتىق ەمدەۋ – ساناتوريالىق-كۋروتتىق ۇيىمدا ادامداردىڭ ۋاقىتشا بولۋ جاعدايلارىندا جۇرگىزىلەتىن قالپىنا كەلتىرۋ ەمىنىڭ جانە (نەمەسە) مەديتسينالىق وڭالتۋدىڭ ءتۇرى; 3) ىشكى ىستەر ورگاندارىنىڭ ساناتوري-ىرىكتەۋ كوميسسياسى (بۇدان ءارى -ساناتوري-ىرىكتەۋ كوميسسياسى) – ىشكى ىستەر ورگاندارىنىڭ مەديتسينالىق ۇيىمدارىندا قۇرىلاتىن جانە قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارىنىڭ قىزمەتكەرلەرىنە ەمدەلگەننەن كەيىن بيۋدجەت قاراجاتى ەسەبىنەن ساناتوري-كۋرورتتىق ەمدەلۋى ءۇشىن مەديتسينالىق ايعاقتاردىڭ (قارسى ايعاقتاردىڭ) بار بولۋىن انىقتايتىن كوميسسيا. 3. ساناتوري-ىرىكتەۋ كوميسسياسى ءوزىنىڭ قىزمەتىندە قازاقستان رەسپۋبليكاسىنىڭ كونتيتۋتسياسىن, زاڭدارىن, قازاقستان رەپۋبليكاسى پرەزيدەنتىنىڭ جارلىقتارىن, قازاقستان رەسپۋبليكاسى ۇكىمەتىنىڭ قاۋلىلارىن, قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن, سونداي-اق وسى ەرەجەنى باسشىلىققا الادى. 2-تاراۋ. ساناتوري-ىرىكتەۋ كوميسسياسىنىڭ مىندەتتەرى مەن فۋنكتسيالارى 1. ساناتوري-ىرىكتەۋ كوميسسياسىنىڭ مىندەتتەرى: 1) قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارىنىڭ قىزمەتكەرلەرىنىڭ اراسىنان ەمدەلگەننەن كەيىن بيۋدجەت قاراجاتى ەسەبىنەن ساناتوري-كۋرورتتىق ەمدەلۋى ءۇشىن ىرىكتەۋ جۇرگىزۋ; 2) قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارىنىڭ قىزمەتكەرلەرىنە ەمدەلگەننەن كەيىن بيۋدجەت قاراجاتى ەسەبىنەن ساناتوري-كۋرورتتىق ەمدەلۋى ءۇشىن مەديتسينالىق ايعاقتاردىڭ (قارسى ايعاقتاردىڭ) بار بولۋىن انىقتاۋ بولىپ تابىلادى. 2. ساناتوري-ىرىكتەۋ كوميسسياسىنىڭ فۋنكتسياسى قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارىنىڭ قىزمەتكەرلەرىنە بيۋدجەت قاراجاتى ەسەبىنەن ساناتوري-كۋرورتتىق ەمدەلۋىنە ايعاقتىڭ (قارسى ايعاقتاردىڭ) بار بولۋى تۋرالى ساناتوري-ىرىكتەۋ كوميسسياسىنىڭ قورىتىندىسىن وسى ەرەجەنىڭ قوسىمشاسىنا سايكەس نىسان بويىنشا شىعارۋ بولىپ تابىلادى. 3-تاراۋ. ساناتوري-ىرىكتەۋ كوميسسياسىنىڭ قىزمەتىن ۇيىمداستىرۋ 3. ىشكى ىستەر ورگاندارىنىڭ مەديتسينالىق ۇيىمدارىندا ساناتوري-ىرىكتەۋ كوميسسياسىنىڭ قۇرامى, جۇمىس ءتارتىبى مەن كەستەسى ىشكى ىستەر ورگاندارىنىڭ مەديتسينالىق ۇيىمى باسشىسىنىڭ بۇيرىعىمەن بەكىتىلەدى. ساناتوري-ىرىكتەۋ كوميسسياسىنا توراعا, كەمىندە ءۇش دارىگەردەن تۇراتىن كوميسسيا مۇشەلەرى جانە حاتشى كىرەدى. ساناتوري-ىرىكتەۋ كوميسسيانىڭ قۇرامى نەمەسە جۇمىس ءتارتىبى وزگەرگەن جاعدايدا وزگەرىستەر جانە (نەمەسە) تولىقتىرۋلار ءتيىستى بۇيرىققا ەنگىزىلەدى. 4. ساناتوري-ىرىكتەۋ كوميسسياسىنىڭ توراعاسى بولىپ ىشكى ىستەر ورگاندارى مەديتسينالىق ۇيىمىنىڭ باسشىسى نە بولماسا ىشكى ىستەر ورگاندارى مەديتسينالىق ۇيىم باسشىسى ورىنباسارلارىنىڭ ءبىرى تاعايىندالادى. توراعا كوميسسيانىڭ جۇمىسىن ۇيىمداستىرادى جانە ساناتوري-ىرىكتەۋ كوميسسياسىنا وسى ەرەجەدە جۇكتەلگەن مىندەتتەرى مەن فۋنكتسيالارىنىڭ ۋاقتىلى جانە ساپالى ورىندالۋىن قامتاماسىز ەتەدى. 5. ساناتوري-ىرىكتەۋ كوميسسياسىنىڭ مۇشەلەرى ىشكى ىستەر ورگاندارىنىڭ شتاتتىق اسكەري-دارىگەرلىك كوميسسياسىنىڭ ساراپشى-دارىگەرى, ىشكى ىستەر ورگاندارى مەديتسينالىق ۇيىمىنىڭ قۇرىلىمدىق بولىنىستەرىنىڭ مەڭگەرۋشىلەرى, مامان-دارىگەرلەرى (ونىڭ ىشىندە سالا بويىنشا) بولىپ تابىلادى. 6. ساناتوري-ىرىكتەۋ كوميسسياسىنىڭ حاتشىسى بولىپ ىشكى ىستەر ورگاندارى مەديتسينالىق ۇيىمىنىڭ مەديتسينا قىزمەتكەرى تاعايىندالادى. 7. حاتشى ساناتوري-ىرىكتەۋ كوميسسياسىنىڭ مۇشەلەرىنە كوميسسيا وتىرىسىنىڭ وتكىزىلۋ كۇنى مەن ۋاقىتى تۋرالى حابارلايدى, ساناتوري-ىرىكتەۋ كوميسسياسى وتىرىسىنىڭ حاتتاماسىن راسىمدەيدى جانە ساناتوري-ىرىكتەۋ كوميسسياسىنىڭ قورىتىندىسىن تىركەۋ جۋرنالىن جۇرگىزەدى. 8. ەمدەۋشى دارىگەر قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارىنىڭ قىزمەتكەرىن ەم اياقتالعاننان كەيىن ساناتوري-ىرىكتەۋ كوميسسياسىنا قاراۋ ءۇشىن مىنا قۇجاتتاردى: 1) اسكەري-دارىگەرلىك كوميسسياسى نەمەسە ىشكى ىستەر ورگاندارى مەديتسينالىق ۇيىمدارى بەرگەن دەنساۋلىققا زاقىم كەلتىرۋ دارەجەسى تۋرالى انىقتامانىڭ كوشىرمەسىن; 2) «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن) 027/ە نىسان بويىنشا امبۋلاتوريالىق, ستاتسيونارلىق ناۋقاستىڭ مەديتسينالىق كارتاسىنان كوشىرمەسىن; 3) قىزمەت وتكەرۋ ورنىنان قىزمەتكەردىڭ مەرتىگۋ (جارالانۋ, جاراقاتتانۋ, كونتۋزيا الۋ) جاعدايلارى تۋرالى اكتىنىڭ كوشىرمەسى نەمەسە قىزمەتتىك مىندەتتەرىن ورىنداۋ كەزىندە قۇقىق قورعاۋ ورگاندارى قىزمەتكەرىنىڭ مەرتىگۋ (جارالانۋ, جاراقاتتانۋ, كونتۋزيا الۋ) فاكتىسى بويىنشا قىزمەتتىك تەكسەرۋ قورىتىندىسىنىڭ كوشىرمەسىن ۇسىنادى. 12. ساناتوري-ىرىكتەۋ كوميسسياسى قۇجاتتاردىڭ تولىق پاكەتىن العان كۇننەن باستاپ ەكى جۇمىس كۇنى ىشىندە ۇسىنىلعان قۇجاتتاردى قارايدى جانە قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارىنىڭ قىزمەتكەرىن بيۋدجەت قاراجاتى ەسەبىنەن ساناتوري-كۋرورتتىق ەمدەۋگە جىبەرۋ ءۇشىن مەديتسينالىق ايعاقتاردىڭ (قارسى ايعاقتاردىڭ) بار بولۋى تۋرالى شەشىم قابىلدايدى. 13. ساناتوري-ىرىكتەۋ كوميسسيانىڭ شەشىمى, ەگەر ونى مۇشەلەرىنىڭ باسىم كوپشىلىگى قولداعان جاعدايدا قابىلداندى دەپ سانالادى. داۋىستار تەڭ بولعان جاعدايدا كوميسسيا توراعاسىنىڭ داۋسى شەشۋشى بولىپ سانالادى. 14. ساناتوري-ىرىكتەۋ كوميسسياسىنىڭ قابىلدانعان شەشىمى ەكى جۇمىس كۇنى ىشىندە قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارى قىزمەتكەرىنىڭ قىزمەت وتكەرۋ ورنىنا جولدانادى. ساناتوري-ىرىكتەۋ كوميسسياسى قورىتىندىسىنىڭ قولدانىلۋ مەرزىمى 3 اي. ساناتوري-ىرىكتەۋ كوميسسياسى قورىتىندىسىنىڭ كوشىرمەسى امبۋلاتورلىق پاتسيەنتتىڭ مەديتسينالىق كارتاسىنا ەنگىزىلەدى. ىشكى ىستەر ورگاندارىنىڭ ساناتوري-ىرىكتەۋ كوميسسيالارى تۋرالى ەرەجەگە قوسىمشا نىسان ىشكى ىستەر ورگاندارىنىڭ ساناتوري-ىرىكتەۋ كوميسسياسىنىڭ قورىتىندىسى 20__جىلعى «___» _______№ ___ ساناتوري-ىرىكتەۋ كوميسسياسى ەمدەلگەننەن كەيىن قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارى قىزمەتكەرىنىڭ ____________________________________________________________________________________________ قىزمەتكەردىڭ تەگى, اتى, اكەسىنىڭ اتى (بار بولعان جاعدايدا), ارنايى اتاعى ____________________________________________________________________________________________ لاۋازىمى, جۇمىس ورنى قۇجاتتارىن قاراپ, قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قۇقىق قورعاۋ ورگاندارى قىزمەتكەرىنىڭ بيۋدجەت قاراجاتى ەسەبىنەن ساناتوري-كۋرورتتىق ەم الۋ ءۇشىن, مىنا سەبەپتەر بويىنشا: ____________________________________________________________________________________________ ____________________________________________________________________________________________ ____________________________________________________________________________________________ ____________________________________________________________________________________________ (مەديتسينالىق ايعاقتار, قارسى ايعاقتار) بار بولۋى تۋرالى قورىتىندى شىعارادى. ساناتوري-كۋرورتتىق ەمنىڭ مەرزىمى ____ كۇن. ساناتوري-ىرىكتەۋ كوميسسياسىنىڭ توراعاسى: ______________________ ساناتوري-ىرىكتەۋ كوميسسياسىنىڭ مۇشەلەرى: ______________________ _____________________________________________________________________________________________ _____________________________________________________________________________________________ _____________________________________________________________________________________________ ______________________________________________________________________________________________ (قولى) (تەگى, اتى, اكەسىنىڭ اتى (بار بولعان جاعدايدا)) ساناتوري-ىرىكتەۋ كوميسسياسىنىڭ قورىتىندىسى ەكى دانادا رەسىمدەلدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 3 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13771 بولىپ ەنگىزىلدى.