كاسىپكەر سپورت كەشەنىن سالۋعا 480 ملن. تەڭگە جۇمسادى

[caption id="attachment_48309" align="aligncenter" width="700"] فوتو: حايرەدەن راۋشانوۆ[/caption] اقتوبە قالاسىنداعى «باتىس-2» شاعىن اۋدانىندا قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا «Hammer» جەكە سپورت كەشەنىنىڭ سالتاناتتى اشىلۋ ءراسىمى ءوتتى. «Hammer» سپورت كەشەنىنىڭ قۇرىلتايشىسى - جەكە كاسىپكەر   زامزاگۇل بايماعامبەتوۆا بۇل نىساندى سالۋعا 480 ميلليون تەڭگە جۇمساپتى. نىساننىڭ جالپى اۋماعى – 3800 شارشى مەتردى, سپورت كەشەنىنىڭ الاڭى -2800 شارشى مەتردى قۇرايدى. مۇندا 50-گە جۋىق جاڭا جۇمىس ورىنى اشىلدى. سۋ جاڭا سپورت كەشەنىنىڭ  بىرىنشى قاباتىندا «فيتو-بار», ەكى باسسەين, «سپا-سالون», «حامام-مونشاسى», فيتنەس-يوگا, تاەكۆوندو جانە باسقا دا جاتتىعۋ زالدارى ورنالسقان. ەكىنشى قاباتتا سپورتتىڭ ويىندىق تۇرلەرى - فۋتبول, ۆولەيبول, تەننيس زالى بار. سپورت كەشەنىنىڭ قۇرىلىسىن جۇرگىزگەن «ارتەلرەسۋرس»جشس ديرەكتورى باقىتقالي كوشەرباەۆتىڭ ايتۋىنشا, ەڭسەلى عيماراتتىڭ قۇرىلىس جۇمىستارىندا 100 اقتوبەلىك ەڭبەك ەتكەن. ساتىبالدى ءساۋىرباي اقتوبە وبلىسى.