2016 جىلعى تالاپكەرلەردى كەشەندى تەستىلەۋدى ۇيىمداستىرۋ تۋرالى

كەشەندى تەستىلەۋگە وتكەن جىلدارداعى جالپى ورتا ءبىلىم بەرۋ (ورتا جالپى) ۇيىمدارىنىڭ بىتىرۋشىلەرى, تەحنيكالىق جانە كاسىپتىك ءبىلىم بەرۋ ۇيىمدارىنىڭ بىتىرۋشىلەرى, حالىقارالىق وقۋشىلارمەن الماسۋ جەلىسى بويىنشا شەتەلدە وقىعان وقۋشىلار, وقىتۋ ءتىلى قازاق جانە ورىس تىلدەرىندە ەمەس جالپى ءبىلىم بەرەتىن مەكتەپ بىتىرۋشىلەرى, رەسپۋبليكالىق مۋزىكا مەكتەپ-ينتەرناتتارىنىڭ بىتىرۋشىلەرى, سونداي-اق وقۋ ورنىن شەتەلدە بىتىرگەن تۇلعالار قاتىسادى. كەشەندى تەستىلەۋگە قاتىسۋ ءۇشىن ءوتىنىش­تەر 20 ماۋسىم مەن 9 شىلدە ارالىعىندا جوعارى وقۋ ورىندارىنىڭ قابىلداۋ كوميسسيالارىمەن قابىلداۋ جۇرگىزىلەدى. تەستىلەۋگە قاتىسۋعا ءوتىنىش بەرۋ ءۇشىن جوعارى وقۋ ورىندارىنىڭ قابىلداۋ كوميسسياسىنا تومەندەگىدەي قۇجاتتاردى ۇسىنۋ قاجەت: * بەكىتىلگەن نىسانداعى بلانكتەگى ءوتىنىش; * جالپى ورتا (جالپى ورتا), تەحنيكالىق جانە كاسىپتىك (باستاۋىش جانە ورتا كاسىپتىك, ورتا بىلىمنەن كەيىنگى) نەمەسە جوعارى ءبىلىمى تۋرالى قۇجات (تۇپنۇسقا); * تەستىلەۋدى وتكىزۋ ءۇشىن تولەنگەنى تۋرالى تۇبىرتەك; * 3x4 كولەمىندەگى 2 فوتوسۋرەت; * 086-ۋ نىسانىنداعى مەديتسينالىق انىقتاما; *جەكە باسىن كۋالاندىراتىن قۇجاتتىڭ كوشىرمەسى. تالاپكەرلەردىڭ كەشەندى تەستىلەنۋىنە قاتىسۋ ءۇشىن تولەم 2242 تەڭگەنى (قوسىمشا قۇن سالىعىن قوسا ەسەپتەگەندە) قۇرايدى جانە تولەمدى تالاپكەرلەر قازپوشتا نەمەسە قازاقستان حالىق بانكىنىڭ بولىمشەلەرى ارقىلى تولەي الادى. ۇلتتىق تەستىلەۋ ورتالىعىنىڭ رەكۆيزيتتەرى: رگكپ «ناتسيونالنىي تسەنتر تەستيروۆانيا» مون رك 010011 گ. استانا, پر. پوبەدى,60 رنن 600300086081 بين 000140001853 يك KZ536010111000001515 بيك HSBKKZKX كبە 16 او «نارودنىي بانك كازاحستانا». كەشەندى تەستىلەۋ 17-23 شىلدە ارالىعىندا 43 تەستىلەۋ وتكىزۋ پۋنكتىنىڭ بازاسىندا (بازالىق جوعارى وقۋ ورىندارى), ونىڭ ىشىندە 3 ونەر ۇلتتىق جوو جانە 3 قازاقستان رەسپۋبليكاسى ىشكى ىستەر مينيسترلىگىنە قاراستى جوو-دا وتكىزىلەدى. كەشەندى تەستىلەۋ تۇسۋشىلەردىڭ قالاۋى بويىنشا قازاق نەمەسە ورىس تىلدەرىندە ورتا ءبىلىم بەرۋدىڭ وقۋ باعدارلامالارى كولەمىندە ءتورت ءپان: مەملەكەتتىك نەمەسە ورىس ءتىلى (وقىتۋ ءتىلى), قازاقستان تاريحى, ماتەماتيكا جانە تاڭداۋ ءپانى بويىنشا وتكىزىلەدى. ءاربىر ءپان بويىنشا تەست تاپسىر­مالارىنىڭ سانى – 25. ءاربىر تەست تاپسىر­ماسىنىڭ دۇرىس جاۋابى ءبىر بالمەن باعالانادى. كەشەندى تەستىلەۋگە 2 ساعات 30 مينۋت بولىنەدى. كەشەندى تەستىلەۋدىڭ ناتيجەلەرى تاپ­سىرىل­عان كۇنى كوپشىلىك نازارىنا اقپا­رات­تىق تاقتالاردا جانە ۇلتتىق تەستى­لەۋ ورتالىعىنىڭ www.testcenter.kz سايتىنا ىلىنەدى. قر بعم «ۇلتتىق تەستىلەۋ ورتالىعى» رمقك