يرلانديادا 2000 جىل بۇرىن جاسالعان ماي تابىلدى

وسىعان دەيىن ارحەولوگتاردىڭ ءتۇرلى كەزەڭدەردە ءومىر سۇرگەن حالىقتىڭ باعالى بۇيىمدارىن, زاتتارىن تاپقانى تۋرالى ەستۋشى ەدىك. بىراق جاقىندا يرلانديا جەرىندە ەرەكشە وقيعا ورىن الدى. عالىمدار بۇل ماڭايدان باتپاققا كومىلگەن سارى مايدى تاپتى. مالىمەتتەر بويىنشا, 2000 جىل بۇرىن ءومىر سۇرگەن حالىق سارى ماي جاساۋدىڭ شەبەرى بولعان. ەڭ قىزىعى, سودان بەرى قانشا ۋاقىت وتسە دە, ميت گرافتىعىندا ءسۇت ءونىمىنىڭ 10 كيلوسى ساقتالىپ قالىپتى. تاريحي زات يرلانديا ۇلتتىق مۋزەيىندە ساقتالادى. سول كەزەڭدە ءومىر سۇرگەن حالىقتىڭ ءبىر داعدىسى, ازىق-ت ۇلىكتەرىن باتپاققا جاسىرىپ قويادى ەكەن. اسىرەسە, جاۋگەرشىلىك تۇستا, وسىنداي ىستەرىن ءجيى جاساپتى. ال عالىمدار تاپقان ءسۇت ءونىمى ەشنارسەگە ورالماعان كۇيى كومىلگەن. بولجام بويىنشا, كومگەن ادام ونى قايتا الۋدى ويلاماعان بولسا كەرەك. ماماندار 2000 جىل بۇرىن جاسالعان سارى مايدان ءسۇتتىڭ ءيىسى اڭقىپ تۇرعانىن ايتتى. ال ونىڭ ءدامى قانداي ەكەنى ازىرگە بەلگىسىز. سەبەبى, ونىڭ ءدامىن تاتىپ كورۋگە نيەت بىلدىرگەن جان ءالى تابىلا قويماپتى. ءبىر ايتاتىنى, وسىعان ۇقساس جاعداي ەكى جىل بۇرىن بولعان ەكەن. ۇلىبريتانيادا 4000 جىل بۇرىنعى ماي كەسەگى تابىلىپتى. العاش بولىپ ءدامىن تاتقان كەۆين تورنتون ەسىمدى اسپاز ونىڭ ءدامدى ەكەنىن ايتقان. ايان ءابدۋالي, «ەگەمەن قازاقستان»