ساڭىراۋدى ساناتقا قوسقان

الماتىدا ايگۇل مەدەۋلوۆا ەسىمدى دارىگەر ءتۋابىتتى ساڭىراۋ بالالارعا كۇردەلى وتا جاساۋ ارقىلى ەستۋ قابىلەتىن قالپىنا كەلتىرىپ ءجۇر. 1000-نان اسا وتا جاساعان ول: «ءار وپەراتسياعا العاش رەت جاسايتىنداي ۇلكەن جاۋاپكەرشىلىكپەن, تەرەڭ سەزىممەن كىرەمىن», دەيدى. مەديتسيناسى دامىعان ءبىر­قاتار ەلدەردە بىلىكتىلىگىن ارتتىرىپ كەلگەن ايگۇل راحمانقىزى – ءتۋابىتتى ساڭىراۋى بار بالا­لارعا كوحلەارلى يمپلانتانت قويۋ وپەراتسياسىن ەلىمىزدە ءبىرىن­شى بولىپ جۇزەگە اسىرعان مامان. كومەي پاپيللوماسىن الۋ وپەراتسياسى رەسپۋبليكا بويىنشا وسى ۋاقىتقا دەيىن قۇلاق-كومەي اۋرۋلارىنا 1000-نان اسا وپەراتسيا جاساعان ايگۇل مەدەۋلوۆانىڭ تىكەلەي ءوزى قاتى­سۋىمەن وتكىزىلەدى. جاس تا بولسا, وتاندىق مەديتسينادا 15 جىل جەمىستى ەڭبەك ەتكەن تالانتتى دارىگەردىڭ بىلىكتىلىگىن بايقاتسا كەرەك. – بالا كەزىمنەن ويلاعان ماقساتىمنىڭ ءبارى تەك قانا دارىگەر بولۋ عانا ەكەن. بۇگىندە سۇيىكتى جۇمىسىما ءومىرىمنىڭ 65 پايىز ۋاقىتىن ارنايمىن. بىراق مەن وعان وكىنبەيمىن. ءوزىمنىڭ جەكە ومىرىمنەن 10 پايىز بولسا دا جوعارى دەپ ايتاتىنىم, قۇدايعا شۇكىر, بالالارىم ەرەسەك, وتباسىم ءوزىمدى قولداپ وتىرادى. وسىنىڭ ارقاسىندا بولار, ءوزىم كوبىنە جۇمىسقا ىنتا-ىقىلاسىممەن بەرىلەمىن. الدىڭا ءالسىز ۇمىتپەن كەلگەن ناۋقاس بالانىڭ ءتىلىن تابۋ, ونىڭ اتا-اناسىمەن جىلى قارىم-قاتىناس ورناتۋ دارىگەردىڭ پارىزى عانا ەمەس, قابىلەت-دەڭگەيى دە بولسا كەرەك, ءوزىم الدىما كەلگەن سىرقاتقا بار پەيىلىمدى ارنايمىن, – دەيدى دارىگەر. ايگۇل مەدەۋلوۆا – مەديتسينا سالاسىنىڭ ۇزدىگى, «اقساي» رەسپۋبليكالىق كلينيكالىق اۋرۋ­حاناسى ديرەكتورىنىڭ ورىن­باسارى, مەيىربان انا, ونەر­لى ارىپتەس. ونىڭ ءتاڭىردىڭ ءوزى شيپا دارىتقان التىن قول­دارىمەن جىلىنا 100 بالاعا اسا ماڭىزدى وتا جاسالىپ, جىلىنا 100 ءسابي مىنا دۇنيەنىڭ سان الۋان ۇنىنە قانىعىپ جاتادى. قانات ەسكەندىر, «ەگەمەن قازاقستان» الماتى