«ەۋرو-2016». گەرمانيا كەزەكتى رەت جەڭىسكە جەتتى (ۆيدەو)

[caption id="attachment_47723" align="aligncenter" width="700"] vk.com[/caption] فۋتبولدان ەۋروپا چەمپيوناتىنىڭ س توبىندا ونەر كورسەتەتىن سولتۇستىك يرلانديا مەن گەرمانيا قۇراما كوماندالارى پاريج قالاسىندا كەزدەستى. سولتۇستىك يرلانديا – گەرمانيا 0:1 ستاديون: «پارك دە پرەنس» تورەشىلەر: تيۋرپەن كلەمان, كانو فرەدەريك, دانو نيكوليا ء(بارى – فرانتسيا), ۆينچيچ سلاۆكو (سلوۆەنيا) سولتۇستىك يرلانديا: ماكگوۆەرن, حيۋز, ماكولي, كەتكارت, ەۆانس, نورۆۋد, ەۆانس (ماكگينن 84), دەۆيس, ۋورد (ماگەننيس 70), ۆاشينگتون (لاففەرتي 59), داللاس گەرمانيا: نويەر, كيمميح, بواتەنگ (حەۆەدەس 76), حۋممەلس, حەكتور, حەديرا (شۆاينشتايگەر 69), كرووس, ميۋللەر, وزيل, گيوتتسە (شيۋررلە 55), گومەس گول: گومەس 29 بۇل كەزدەسۋدە گەرمانيا قۇراماسى ايقىن باسىمدىققا يە بولدى. ءاربىر ۇيىمداستىرعان شابۋىلدارى گولعا پارا-پار. ءبىر عانا توماس ميۋللەردىڭ جاساعان ەكى سوققىسىنىڭ ءبىرى قاقپانىڭ ماڭدايشاسىنا, تاعى ءبىرى باعاناسىنا ءتيىپ كەتتى. ماريو گەتتسە قاقپاشى ماكگوۆەرنمەن ءۇش مارتە جەكە شىعىپ, ءوز ايلاسىن اسىرا المادى. دەگەنمەن, ماتچتىڭ 29-مينۋتىندا ميۋللەردىڭ پاسىنان كەيىن گومەس ءوز مۇمكىندىگىن ءمۇلت جىبەرمەي, كومانداسىن العا شىعاردى. ال سولتۇستىك يرلانديا كومانداسىنىڭ ويىنشىلارى ايتارلىقتاي شابۋىلدار جاساي المادى. «نەمىس ماشيناسىنىڭ» ساۋاتتى قورعانىسى مەن نويەر سياقتى قاقپاشىسى قارسىلاستارىنا ەش مۇمكىندىك بەرە قويمادى. وسىلايشا, گەرمانيا قۇراماسى ءۇشىنشى ويىندا قاتارىنان جەڭىسكە جەتتى ءارى ونىڭ ۇشەۋىندە ءوز قاقپاسىنا گول سوقتىرمادى. ايان ءابدۋالي.