جۇيەلى قادامدار جاساۋ قاجەت

ەلباسى ۇلتتىق كوميسسيانىڭ وتىرىسىندا «100 ناقتى قادام»  ۇلت جوسپارى بويىنشا ايتارلىقتاي جۇمىس اتقارىلعانىن اتاپ كورسەتتى مەملەكەت باسشىسى نۇرسۇلتان نازارباەۆتىڭ توراعا­لىعىمەن جاڭعىرتۋ جونىندەگى ۇلتتىق كوميسسيانىڭ وسى كەزەڭگە دەيىنگى جۇمىسىنىڭ قورىتىندىلارىنا ارنالعان كەڭەس ءوتتى, دەپ حابارلادى پرەزيدەنتتىڭ ءباسپاسوز قىزمەتى. كەڭەسكە پرەمەر-مينيستر ك.ءماسىموۆ, پرەزيدەنت اكىم­شىلى­گىنىڭ باسشىسى ن.نىعماتۋلين, پرەمەر-ءمينيستردىڭ ورىنباسارى د.نازارباەۆا, پرەزيدەنت اكىمشىلىگى باسشىسىنىڭ ورىنباسارى ب.مايلىباەۆ, پرەزيدەنت اكىمشىلىگى باسشىسىنىڭ ورىنباسارى م.بەكەتاەۆ, جوعارى سوت كەڭەسىنىڭ توراعاسى ا.سمولين, پرە­زيدەنتتىڭ كومەكشىسى ءا.سمايى­لوۆ, مەملەكەتتىك قىز­مەت ءىس­تەرى ءمينيسترى ت.دوناقوۆ, ين­ۆەس­تيتسيا جانە دامۋ ءمينيسترى ءا.يسەكەشەۆ, ۇلتتىق  ەكونوميكا ءمينيسترى ق.بيشىمباەۆ, ءبى­لىم جانە عىلىم ءمينيسترى ە.سا­عاديەۆ, استانا قالاسىنىڭ اكىمى ءا.جاقسىبەكوۆ قاتىستى. كەڭەس بارىسىندا كاسى­بي مەم­لەكەتتىك اپپارات قالىپتاستىرۋ, زاڭنىڭ ۇستەمدىگى مەن ەلدىڭ ەكو­نو­ميكالىق ءوسىمىن قامتاماسىز ەتۋ ماسەلەلەرى تالقىلاندى. مەملەكەت باسشىسى وتكەن كە­زەڭدە اتقارىلعان جۇمىستار رە­فور­مالاردى تىكەلەي جۇزەگە اسىرۋ ءۇشىن قولايلى احۋال قالىپ­تاس­تىرعانىن اتاپ ءوتتى. – ءبىز جاريالاعان بەس ينستي­تۋ­ت­تىق رەفورما – جاڭا ەكونوميكالىق جاعدايداعى كەشەندى دامۋ جوسپارى. ۇلت جوسپارىن ساپالى جۇزەگە اسىرۋ – ءبىزدىڭ ەڭ باستى مىندەتىمىز. وسى كەزەڭ ىشىندە اۋقىمدى جۇمىس ات­قارىلدى. ۇكىمەت قاجەتتى زاڭ­­دار, ءتيىستى نورماتيۆتىك-قۇ­قىق­­تىق اكتىلەر قابىلدادى, مەم­لە­كەتتىك قىزمەتتىڭ مەريتوكرا­تيا قاعي­داتتارىنا نەگىزدەلگەن  مان­­ساپ­تىق مودەلى ەنگىزىلدى, سوت تورە­لى­گىنىڭ ءۇشبۋىندى جۇيە­سىنە كوشۋ ىسكە اسىرىلدى, جو­عارعى سوت جانىنداعى حالىق­ارالىق كەڭەس جۇمىسىنا كىرىستى, سۋديالارعا قويىلاتىن بىلىكتىلىك تالاپتارى كۇشەيتىلدى. بۇدان بولەك, سالىق جانە كەدەن ساياساتىن جەتىلدىرۋ جونىندەگى جۇمىس جۇرگىزىلۋدە, اۋقىمدى جەكەشەلەندىرۋ ءىسى باستالدى, ەلدى يندۋستريالاندىرۋدىڭ ەكىنشى كەزەڭى ءجۇرىپ جاتىر, الەۋمەتتىك ساياسات جەتىلدىرىلۋدە, مەملەكەتتىڭ ەسەپتىلىگى ارتتىرىلۋدا. جالپى, بۇگىندە 100 قادامنىڭ 23-ءى تولىق ورىندالدى, – دەدى قازاقستان پرە­زيدەنتى. سونداي-اق, نۇرسۇلتان نازارباەۆ قازىرگى ساتتە جۇرتشى­لىقپەن ساۋاتتى جۇمىس جۇرگىزۋ ءىسىن جولعا قويۋعا ەرەكشە كوڭىل بولگەن ءجون ەكەنىن اتاپ كورسەتتى. – جاڭا زاڭنامالىق اكتىلەر قابىلداۋ ناتيجەسىندە  بىرقاتار كەمشىلىكتەر مەن ولقىلىقتار انىقتالىپ جاتىر. سونىڭ ايقىن مىسالى – جەر ماسەلەسىنە قاتىستى زاڭ. سوندىقتان, جۇيەلى تالداۋ جانە قابىلدانىپ جاتقان شارا­لاردى جان-جاقتى تالقىلاۋ نە­گىزىندە قاتەلىكتەرمەن ۇدايى جۇ­مىس جۇرگىزىپ وتىرۋ قاجەت. ءبىز ساياساتىمىزدى جەتىلدىرۋ جونىندە الدىن الا جۇيەلى قادامدار جاساۋعا ءتيىسپىز, – دەدى مەملەكەت باسشىسى. جيىن بارىسىندا جۇمىس توپ­تارىنىڭ مۇشەلەرى ۇلتتىق كوميس­سيانىڭ قازىرگى قىزمەتى تۋرالى بايانداما جاسادى. كەڭەس قورىتىندىسى بويىنشا قازاقستان پرەزيدەنتى ۇكىمەتكە ەكونوميكالىق ءوسىمدى ىنتالاندىرۋ ءۇشىن 2016 جىلدىڭ ەكىنشى جارتىسىندا قوسىمشا 240 ملرد. تەڭگە ءبولۋدى تاپسىردى. مەملەكەتتىك بيۋدجەتتەن قاراجاتتى ۇنەمدەۋ ەسەبىنەن بولىنەتىن رەسۋرستار شاعىن جانە ورتا بيزنەستى قول­داۋعا, جەكە تۇرعىن ءۇي قۇرىلىسى باعدارلاماسىن نەسيەلەۋ مەن جۇزەگە اسىرۋ ىسىنە جۇمسالادى.  بۇدان بولەك, قارجى بىرقاتار ينفراقۇرىلىمدىق جوبالاردى ىسكە اسىرۋعا, سونىڭ ىشىندە اۋىل­دىق ەلدى مەكەندەردەگى تۇرمىس ساپاسىن جاقسارتۋعا, قۇرىق پور­تىنداعى پاروم وتكەلىن اياقتاۋ مەن ەلوردا اۋەجايىن جاڭعىرتۋعا بولىنەدى. بۇل شارالار قۇرىلىس سالاسىندا 20 مىڭ جاڭا جۇمىس ورنىن اشۋعا مۇمكىندىك بەرىپ, ەكونوميكالىق ءوسىم قارقىنىن جەدەلدەتۋگە سەپتىگىن تيگىزەدى. قابىل­دانىپ جاتقان شارالاردىڭ تيىمدىلىگى 2016 جىلعا جوسپار­لانعان ەكونوميكالىق ءوسىم دەڭ­گەيىنە قوسىمشا 0,4 % بولادى دەپ بولجانۋدا. سۋرەتتى تۇسىرگەندەر س.بوندارەنكو, ب.وتارباەۆ