اراب امىرلىكتەرى وڭتۇستىك قازاقستاننان قوي ساتىپ الىپ جاتىر

اراب امىرلىكتەرى وڭتۇستىك قازاقستان وبلىسىنان قوي ساتىپ الا باستادى. شىمكەنت كاسىپورىندارى جىلدىڭ سوڭىنا دەيىن بۇل ەلگە 60 مىڭ باس قوي جونەلتەتىن بولىپ وتىر. جەكسەنبى كۇنى شىمكەنت حالىقارالىق اەروپورتىنان قويلاردىڭ العاشقى پارتياسى فۋدجەيراعا جىبەرىلدى. «وسى اپتادا مىڭ قويدان ارتىق كولەمدى قۇرايتىن كەم دەگەندە تاعى ءبىر پارتيا جونەلتىلەدى. ءبىز 2016 جىلدىڭ جازى اياقتالعاننا امىرلىككە 60 مىڭ باس قوي جىبەرۋىمىز كەرەك», - دەدى «قايىپ اتا» جشس ديرەكتورى سىرىم ەرتاەۆ. ونىڭ ايتۋىنشا, بۇلەلمەن ۇزاق مەرزىمگە سوزىلاتىن تىعىز ىنتىماقتاستىق قارىم-قاتىناسىن قالىپتاستىرۋ نيەتى بار. سول ماقساتتا كومپانيا وكىلدەرى جاقىندا دۋبايعا بارىپ قايتادى. سونىڭ ىشىندە سيىر ەتىن جەتكىزىپ بەرۋ جونىندە دە كەلىسىم جاسالادى. كومپانيا بۇدان باسقا, ساۋد ارابياسى, يران, يراك جانە وزبەكستان ەلدەرىنىڭ وكىلدەرىمەن كەلىسسوزدەر جۇرگىزىپ جاتىر. تۇتاستاي العاندا, جىل سوڭىنا دەيىن مۇندا ەكسپورتقا 1,5 مىڭ توننا ەت شىعارۋ جوسپارلانعان. كاسىپورىن ەكسپورتتىق الەۋەتىن ارتتىرا ءتۇسۋ ءۇشىن قۇنى 500 ملن. تەڭگە تۇراتىن ەت كومبيناتىنىڭ قۇرىلىسىن زاەمدىق قارجىنىڭ ەسەبىنەن سالىپ جاتىر. ونىڭ قۇرىلىسى اياقتالۋعا جاقىن. ول ىسكە قوسىلعاننان كەيىن كۇن سايىن 300 باس ءىرى قاراعا دەيىن سويىلىپ تۇراتىن بولادى. «كاسىپورىن ەۋروستاندارتتىڭ بارلىق تالاپتارىنا جاۋاپ بەرەتىن بولادى, ول الەمنىڭ كەز كەلگەن ەلىنە ەت ونىمدەرىن شىعارىپ تۇرا الادى», - دەپ سەندىردى جشس باستىعى. بۇدان باسقا, «قايىپ اتا» جشس مەن مالايزيانىڭ «Marditech» كورپوراتسياسى اراسىندا جاسالعان مەموراندۋمدا وڭتۇستىك قازاقستان جەرىندە حالال حاب اشۋ يدەياسى كوتەرىلگەن. تنۆەستيتسيانىڭ جوباسى 10 ملن. دوللار تۇرادى, ال قۋاتتىلىعى 10 مىڭ ءىرى قارا سويۋ بولماق. باقتيار تايجان. دەرەك, فوتو: Atameken Business Channel.