ءۇندىستان اۋرۋحاناسىندا ادام ورگاندارىن ساتقان

ءۇندى پوليتسياسى دەليدەگى جەكە كلينيكالاردىڭ بىرىندە ادامنىڭ بۇيرەگى زاڭسىز ساتىلىپ جاتقانىن انىقتادى. قۇقىق قورعاۋ ورگاندارى وسى دەرەك بويىنشا دەرەۋ بەس ادامدى تۇتقىنعا الدى. ولاردىڭ ىشىندەگى ەكەۋى Apollo Hospital پوليكلينيكاسىنىڭ قىزمەتكەرلەرى بولعان. ءتارتىپ ساقشىلارىنىڭ پىكىرىنشە, كۇدىكتىلەر جۇرتتى ازىن-اۋلاق اقشاعا – 7,5 مىڭ دوللارعا ءبىر بۇيرەگىن ساتۋعا كوندىرەدى ەكەن. قاسكويلەر سوسىن وسى ورگانداردى قارا بازاردا ساتىپ, ايتارلىقتاي كوپ اقشا تاباتىن كورىنەدى. پوليكلينيكا قىزمەتكەرلەرى وزدەرىنە بۇل بۇيرەكتەردىڭ قانداي جولمەن كەلەتىنىن جاقسى بىلسە كەرەك. قىلمىستىق توپ مۇشەلەرى بۇلاردى ناۋقاسقا وپەراتسيا جاسالار كەزدە تۋىستارى ءوز بۇيرەكتەرىن بەرگەندەي ەتىپ تولتىرىپ, جالعان قۇجاتتار دايىنداپ الاتىن بولىپ شىقتى. ال اۋرۋحانا باسشىلىعىنىڭ ءوزى بولسا, قىلمىسكەرلەردىڭ الداۋلارىنا ءتۇسىپ قالعاندارىن ايتىپ وتىر. سوندىقتان پوليتسيامەن بىرگە جۇمىس جاساسۋعا دايىن ەكەندەرىن ءبىلدىردى. تالعات رايىمبەك. Hronika.info