قاراعاندىداعى سۋ ايدىندارى تالاپقا ساي

قاراعاندى وبلىسىندا ەلدى مەكەندەرگە جاقىن ورنالاسقان, كوپشىلىكتىڭ بارىپ شومىلۋىنا رۇقسات ەتىلگەن 47 سۋ ايدىنى بار. شومىلۋ ماۋسىمى باستالماس بۇرىن, وسى وزەن-كولدەرگە تۇتىنۋشىلار قۇقىن قورعاۋ دەپارتامەنتىنىڭ ماماندارى سانيتارلىق-ەپيدەميولوگيالىق تەكسەرۋ جۇرگىزىپ جانە ولاردى  كۇن سۋىتقانشا باقىلاۋدا ۇستايدى. قازىردىڭ وزىندە وڭىردەگى سۋلاردىڭ سانيتارلىق-حيميالىق, ميكروبيولوگيالىق كورسەتكىشتەرىنە 118, پارازيتولوگيالىق كورسەتكىشتەرىنە 94 رەت تەكسەرۋ جۇرگىزىلدى. بۇل ورايدا سۋ ساپاسى بارلىق تالاپتارعا ساي. تەكسەرۋلەر سۋعا عانا ەمەس, وسى ماڭايداعى توپىراققا دا جۇرگىزىلدى. حيميالىق جانە ميكروبيولوگيالىق كورسەتكىشتەرگە جاسالعان 92, پارازيتولوگيالىق 126 تەكسەرۋدىڭ ءبارى دە توپىراق قاباتتارىنىڭ جارامدىلىعىن كورسەتتى. تۇتىنۋشىلار قۇقىن قورعاۋ دەپارتامەنتى, سول سياقتى, يەسىز سۋ ايدىندارىن قانداي دا ءبىر جاۋاپتى ورىنعا بەكىتىپ بەرۋ بويىنشا دا جۇمىستار جۇرگىزەدى. بۇل ولاردىڭ سانيتارلىق جاعدايىن ۇنەمى قاداعالاپ وتىرۋ ءۇشىن قاجەت. وسى ماسەلە بويىنشا دەپارتامەنت جەرگىلىكتى اتقارۋشى ورگاندارعا سۇراۋ سالعان اقپاراتتىق حابارلامالار جولدادى. قايرات ءابىلدينوۆ. دەرەك: egemen.kz. فوتو: wikimapia.org.