11,4 ملرد. تەڭگە

دەرەك پەن دايەك اتىراۋدا زاڭداستىرىلعان م ۇلىك باعاسى وسىنشا سومانى قۇرادى ۇيقىنىڭ تىنىش, كوڭىلدىڭ جايلى بولۋىن قالايسىز با؟ بۇعان مەملەكەت مۇمكىندىك بەرىپ وتىر. تاپقان تابىسىڭدى, كەڭ سارايداي باسپاناڭنىڭ بارىن جاسىرماي, جاپپاي زاڭداستىرۋ شاراسىنىڭ تۇپكى ماقساتى – وسى. مۇنى مۇنايلى ءوڭىردى مەكەن ەتكەن تۇرعىندار جەتە تۇسىنە باستاعانىنا تومەندەگى دەرەكتەر كۋا بولا الادى. م ۇلىكتى جاريا ەتۋ شاراسى باستالعالى بەرى تۇرعىنداردان قولداعىسىن زاڭداستىرۋ ماقساتىنداعى 1343 ءوتىنىش ءتۇسىپتى. ءدال كەشەگى كۇنگە دەيىن وسى وتىنىشتەردى ەگجەي-تەگجەيلى پىسىقتاعان ارنايى كوميسسيانىڭ شەشىمىمەن 11,4 ميلليارد تەڭگەنىڭ م ۇلىگى جاريا ەتىلىپ وتىر. تۇرعىندار تاراپىنان قولداعى دۇنيەسىنەن بولەك, ماڭداي تەرىمەن تاپقان قار­جى­سىن دا زاڭداستىرۋعا تالپىنىس بايقالادى. اتىراۋ وبلىس­تىق مەملەكەتتىك كىرىستەر دەپار­تامەنتىنىڭ ءباسپاسوز قىزمەتى ۇسىنعان مالىمەتكە سۇيەنسەك, مۇنايلى ءوڭىر جۇرتشىلىعى 7,9 ميلليارد تەڭگە قارجىسىن زاڭداستىرىپ الىپتى. ارينە, قازىر كاسىبىنەن ءناسىپ تاپ­قان­داردىڭ شەتەلدەردىڭ كەز كەلگەنىنەن باسپانا الۋىنا ەش توسقاۋىل جوق. وسى تۇرعىدان العان­دا, اتىراۋلىقتار شەتەل­دەگى م ۇلىككە قاتىستى 18 ءوتىنىش بەرگەن ەكەن. بۇلار دا كوميسسيا مۇشەلەرىنىڭ وتىرىسىندا قارالىپ, ناتيجەسىندە جالپى قۇنى 207,4 ميلليون تەڭگەگە باعالانعان شەتەلدەردەگى م ۇلىكتەردى جاريا ەتۋگە شەشىم قابىلدانىپتى. دەمەك, الداعى ۋاقىتتا ءمۇ­لىكتى جاريا ەتۋگە قۇلشىنىس تا, ونى زاڭداستىرۋعا بايلانىس­تى وڭ شەشىم دە مولايا تۇسەتىن سەكىلدى. جولداسبەك شوپەعۇل, «ەگەمەن قازاقستان» اتىراۋ