كوڭىل ايتۋ جەدەلحاتتارى كەلدى

مەملەكەت باسشىسى نۇرسۇلتان نازارباەۆ­تىڭ اتىنا بەلارۋس رەسپۋب­ليكا­سىنىڭ پرە­زيدەنتى الەكساندر لۋكاشەنكودان كوڭىل ايتۋ جەدەلحاتى كەلىپ ءتۇستى, دەپ حابارلادى قازاق­ستان رەسپۋبليكاسى پرەزيدەنتىنىڭ ءباسپاسوز قىزمەتى. جەدەلحاتتا بەلارۋس ەلىنىڭ اقتوبەدەگى اسكەري قىزمەتشىلەر مەن بەيبىت تۇرعىنداردى قازاعا ۇشىراتقان تەرروريستىك اكت تۋرالى حاباردى زور كۇيزەلىسپەن قابىلداعانى اتالىپ وتكەن. «بەلارۋس تەرروريزمنىڭ كەز كەلگەن كورىنىسىنە ىمى­راسىز قارسى تۇرۋ ىسىندە دوستاس قازاقستانمەن اركەز ىن­تىماقتاستىقتا بولادى», – دەلىنگەن جەدەلحاتتا. ا.لۋكاشەنكو قازاقستان پرەزيدەنتىنە, قازا بولعانداردىڭ وتباسى مەن جاقىندارىنا شىن نيەتپەن كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىنە تىلەكتەستىگىن ءبىلدىردى. *** ەلباسى نۇرسۇلتان نازارباەۆتىڭ اتىنا تاتارستان رەسپۋبليكاسىنىڭ پرەزيدەنتى رۋس­تام ميننيحانوۆتان كوڭىل ايتۋ جەدەلحاتى كەلىپ ءتۇستى, دەپ حابارلادى قازاقستان رەس­پۋب­ليكاسى پرەزيدەنتىنىڭ ءباسپاسوز قىزمەتى. ر.ميننيحانوۆ نۇرسۇلتان نازارباەۆقا اقتوبەدە بولعان قايعىلى وقيعالارعا بايلانىستى شىن نيەتپەن كوڭىل ايتتى. «ادامداردى قازاعا ۇشىراتقان قاتىگەز ەكسترە­ميستىك شابۋىل ءبىزدىڭ زىعىردانىمىزدى قاي­ناتتى. قىلمىسكەرلەر تابىلىپ, زاڭدى جازاسىن الادى دەپ سەنەمىز. قازا بولعانداردىڭ جاقىن­دارىنا قايعىسىنا ورتاقتاسىپ, شىن نيەتپەن قولداي­تى­نىمىزدى, اياۋسىز قىلمىس كەزىندە زارداپ شەككەن­دەردىڭ ءبارىنىڭ تەزىرەك ساۋىعىپ كەتۋىنە تىلەكتەس­تىگىمىزدى  جەتكىزۋدى وتىنەمىز», – دەلىنگەن جەدەلحاتتا.