ساپار ماڭىزى اتالعان كەزدەسۋ

قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ قىتاي كوممۋنيستىك پارتياسى ورتالىق كوميتەتى سىرتقى بايلانىستار ءبولىمىنىڭ مەڭگەرۋشىسى سۋن تاومەن كەزدەستى, دەپ حابارلادى سەناتتىڭ ءباسپاسوز قىزمەتى. ەكى ەل قاتىناستارىن دامى­تۋعا ارنالعان قپك دەلەگاتسياسى ساپارىنىڭ زور ماڭىزىن اتاپ وتە كەلىپ, جوعارعى پالاتانىڭ باسشىسى جۇزدەسۋشىنى قازاقستاننىڭ الەۋمەتتىك-ەكونوميكالىق دامۋى جانە ەلىمىزدىڭ ساياسي جۇيەسىندەگى سەناتتىڭ ءرولى تۋرالى حاباردار ەتتى. تاراپتار ەكى مەملەكەت باسشى­لارى­نىڭ كۇش-جىگەرى ارقاسىندا قول جەتكەن ءوزارا سەنىم مەن ىنتىماقتاستىقتىڭ قالىپتاسقان جوعارى دەڭگەيىنە قاتىستى ورتاق پىكىر ءبىلدىردى. ءوزارا ساياسي قولداۋ كورسەتۋ, ىسكەرلىك ارىپتەستىكتى, ەكى جاقتىڭ ۇلتتىق مۇددەلەرىنە سايكەس جاستار اراسىنداعى جانە مادەني الماسۋلاردى ىلگەرىلەتۋ جونىندەگى كۇش-جىگەردى ورىستەتۋگە ازىرلىگى اتاپ ءوتىلدى. ق.توقاەۆ دەپۋتاتتاردىڭ دەلەگاتسيالارى ارقىلى پارلامەنت­ارا­لىق ىنتىماقتاستىقتى, سونداي-اق, پارلامەنتتەر كومي­تەتتەرىنىڭ توراعالارى دەڭگەيىن­دەگى بايلانىستاردى ورىستەتۋدىڭ ماڭىز­دىلىعىن اتاپ ءوتتى. اڭگىمە سوڭىندا سەنات ءتور­اعاسى اقتوبەدەگى تەررورلىق اك­تىنىڭ قۇرباندارىنا كوڭىل ايتۋ مەن تەرروريزممەن كۇرەستەگى قازاقستاننىڭ كۇش-جىگەرىن قول­داۋ سوزدەرىنە وراي قىتاي دەلە­گاتسياسىنىڭ باسشىسىنا العىس ءبىلدىردى.