كۇن ءتارتىبى بەلگىلەندى

ءماجىلىس سپيكەرى باقتىقوجا ىزمۇحامبەتوۆتىڭ توراعا­لىعىمەن ءماجىلىس بيۋروسى ءوتتى, دەپ حابارلادى وسى پا­لاتانىڭ ءباسپاسوز قىزمەتى. وندا الداعى جالپى وتىرىس­تىڭ كۇن ءتارتىبى قارالىپ, دەپۋتاتتار نازارىنا 1998 جىل­عى 6 شىلدەدەگى قازاقستان مەن رەسەي اراسىنداعى جەر قوي­ناۋىن پايدالانۋعا ارنال­عان ەگەمەندىك قۇقىقتاردى جۇزەگە اسىرۋ ماقساتىندا كاسپي تەڭىزى سولتۇستىك بولىگىنىڭ ءتۇبىن مەجەلەۋ تۋرالى كەلىسىمگە حاتتاماعا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسى ۇسىنىلماق. حاتتاما ەكى مەملەكەتتىڭ اتىنان ۋاكىلەتتى ۇيىمدار ار­قى­لى كاسپي تەڭىزىنىڭ ءسولتۇس­تىك بولىگىنىڭ تۇبىندەگى كەندى قا­زاقستاندا «قۇر­مانعازى» («قۇلالى»), رەسەي­دە «تسەنترال­نايا» جانە «حۆالىن­سكوە» كەن ورىندارى قۇرىلىم­دارىندا ءبىر­لەسىپ يگەرۋگە قۇقىقتىق نەگىز­دەردى بەلگىلەيدى. الداعى جالپى وتىرىستا ءما­جى­لىس وسىمدىكتەر مەن جانۋارلار دۇنيەسى ماسەلەلەرى بويىنشا, سون­­داي-اق, اۋە كەڭىستىگىن پايدالا­نۋ جانە اۆياتسيا قىزمەتىنە قاتىستى تۇزەتۋلەرگە ارنالعان زاڭ جوبالارىن جۇمىسقا قابىلدايدى دەپ كۇتىلۋدە. سونىمەن قاتار, وسى كۇنى حا­­لىقارالىق عىلىمي-تەح­ني­كالىق ورتالىقتىڭ قىزمە­تىن جالعاستىرۋ تۋرالى كەلى­سىمدى جانە 1994 جىلعى 15 ءساۋىر­دەگى ۇلى وتان سوعى­سىنىڭ قاتىسۋشىلارى مەن مۇگە­دەكتەرىنە, باسقا مەملە­كەتتەردىڭ اۋماعىندا­عى ۇرىس قيمىلدارىنا قاتىسۋشى­لار­عا, قازا تاپقان اسكەري قىزمەت­شى­لەردىڭ وتباسىلارىنا ارنالعان جەڭىلدىكتەر مەن كەپىلدىكتەردى ءوزارا تانۋ تۋرالى كەلىسىمگە ءوز­گەرىستەر مەن تولىقتىرۋلار ەنگى­زۋ تۋرالى حاتتامانى راتيفي­كا­تسيالاۋعا بايلانىستى بەيىندى كوميتەتتەرگە قورىتىندى ازىرلەۋ مەرزىمى تاعايىندالاتىن بولادى.