ەلشىمەن ساليقالى اڭگىمە

ەلىمىز پارلامەنتى ءماجىلىسىنىڭ توراعاسى باقتىقوجا ىزمۇحامبەتوۆ رەسەي فەدەراتسياسىنىڭ قازاقستانداعى توتەنشە جانە وكىلەتتى ەلشىسى ميحايل بوچارنيكوۆتى قابىلدادى, دەپ حابارلادى ءماجىلىستىڭ ءباسپاسوز قىزمەتى. تاراپتار ەكى مەملەكەت پرەزي­دەنتتەرىنىڭ ساليقالى ساياساتىنىڭ ارقاسىندا قارقىندى دامىپ كەلە جاتقان قازاقستان مەن رەسەي ارا­سىنداعى ستراتەگيالىق ارىپتەس­تىك جايىنا ايرىقشا نازار اۋداردى. ءماجىلىس توراعاسى مەيمان­دى جىل سايىن 12 ماۋ­سىمدا اتالىپ وتەتىن رەسەي كۇنى مە­رەكەسىمەن قۇتتىقتاي كەلىپ, رە­سەي فەدەراتسياسى ءار كەزدە قازاق­ستاننىڭ ماڭىزدى ارىپتەسى ءارى وداق­تاسى جانە سەنىمدى دوسى بولىپ قالا بەرەتىنىن جەتكىزدى. ءوز كەزەگىندە ەلشى كەشەگى ۇلت­تىق ازا تۇتۋ كۇنىنە بايلانىستى كوڭىل ايتۋ ءبىلدىردى. وسى رەتتە ءماجىلىس توراعاسى اق­توبەدە ورىن العان اياۋسىز, قاس­كوي لاڭكەستىك ارەكەتتى ايىپتاي كەلىپ: «بۇل ءبىزدىڭ جاس مەملەكەتىمىز ءۇشىن اششى ساباق بولدى. قوعامدىق كەلىسىم, ساياسي تۇراقتىلىق ءبىزدىڭ كوپ ۇلتتى قازاقستانىمىزدىڭ باس­تى قۇندىلىقتارى بولىپ تابىلادى. ەلباسىمىز, ۇكىمەت, پار­لامەنت, باسقا دا قۇزىرلى ورگاندار الداعى ۋاقىتتا مۇنداي جاعدايدىڭ الدىن الۋ ءۇشىن ءتيىستى شارالاردى قولعا الاتىنى ءسوزسىز», – دەدى. ودان ءارى تاراپتار ەكى مەملەكەت اراسىنداعى حالىقارالىق قاۋىپسىزدىك, مادەني-گۋمانيتارلىق بايلانىس ماسەلەلەرىن تالقىلادى. كەزدەسۋ يەلەرى الەمدىك ەكونو­ميكا­لىق داعدارىس ەكى ەل اراسىنداعى ساۋدا-ەكونوميكالىق قارىم-قاتى­ناستىڭ دامۋىنا ءوز سالقىنىن تيگىز­گەنىن, الايدا, وتكەن جىلدىڭ قاڭ­تار ايىنان ىسكە كىرىسكەن ەاەو ءبىز­دىڭ ەلدەرىمىزدىڭ ۇلتتىق ەكونومي­كا­سىن تۇراقتاندىرۋدا ايرىقشا ءرول ات­قارىپ كەلە جاتقانىن اتاپ ءوتتى. قازاقستان-رەسەي ارىپتەستىگىنىڭ بارلىق سالادا جان-جاقتى, تابىس­تى دامىپ كەلە جاتقانىن العا تارتقان م. بوچارنيكوۆ 2017 جىلى ەكى ەل اراسىندا ديپلوماتيالىق قارىم-قاتىناستىڭ ورناعانىنا 25 جىل تولاتىنىن ەسكە سالدى. ب.ىزمۇحامبەتوۆ پەن م.بوچار- ­نيكوۆ پارلامەنتارالىق ىن­تىماقتاستىقتى نىعايتۋدىڭ ماڭىز­دىلىعىنا دا نازار اۋداردى. قا­زىرگى ۋاقىتتا پارلامەنت ءماجى­لىسى مەن مەملەكەتتىك دۋما ارا­سىندا ءوزارا ءىس-قيمىل ورناتىل­عان. پالاتالار اراسىندا ىنتى­ماقتاستىق تۋرالى كەلىسىم بار. دە­پۋتاتتار تمد پارلامەنتارالىق اس­سام­بلەياسى, ۇقشۇ, ەقىۇ پار­لا­مەنت­تىك اسسامبلەياسى اياسىندا جەمىستى ەڭبەك ەتۋدە. ءماجىلىس سپيكەرى اتاپ وتكەن­دەي, رەسەي فەدەراتسياسى فەدە­رال­دىق جينالىسى فەدەراتسيا كەڭەسى­نىڭ ءتورايىمى ۆالەنتينا مات­ۆيەنكونىڭ جۋىرداعى قازاقستانعا ساپارى پارلامەنتارالىق ىنتى­ماق­تاستىقتى دامىتۋعا وزىندىك سەرپىن بەرگەن.