باستامالارىمىزدىڭ باياندى جالعاسى

وسى جىلدىڭ 31 مامىرىندا ەلوردادا «ءدىن تەرروريزمگە قارسى» دەگەن تاقىرىپتا كونفەرەنتسيا وتكەن ەدى. وندا تالقىلانعان ماسەلەلەر ءوزىنىڭ وزەكتىلىگىمەن ەرەكشەلەندى. وسىعان وراي, ءبىز پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆكە جولىعىپ, جيىندا تالقىلانعان ماسەلەلەرگە جاڭا قىرىنان كەلۋدى وتىنگەن ەدىك. – بەيبىتشىلىك جانە كەلىسىم سارايىن­دا ۇيىمداستىرىل­عان «ءدىن تەرروريزم­گە قارسى» تاقىرىبىن­داعى جيىن وندا تال­قى­لانعان وزەكتى ءارى وتكىر ماسەلەلەرىمەن بۇكىل ادامزات بالاسى ءۇشىن وتە ماڭىزدى, – دەپ باستادى ءسوزىن پارلامەنت سەناتىنىڭ دەپۋتاتى يكرام ادىربەكوۆ. – فورۋمنىڭ نەگىز­گى ماقساتى – قازاقستان پر­ە­زيدەنتىنىڭ وتكەن جىلعى قىر­كۇيەك ايىنىڭ سوڭىندا بىرىك­كەن ۇلتتار ۇيىمى باس اس­سامبلەياسىنىڭ 70-سەسسياسىندا بۇۇ اياسىندا تەرروريزمگە قارسى كۇرەستە الەمدىك بىرىڭعاي جەلى قۇرۋ جانە سول جەلىنى قۇرۋ ارقىلى بارلىق تەرروريستىك ۇيىمداردىڭ ءتىزىمىن جاساۋ, جانە دە وعان بۇكىل حالىقارا­لىق قوعامداستىقتى جۇمىلدىرۋ جونىندەگى ۇسىنىستارىن تالقى­لاۋ بولاتىن. وسىعان بايلانىس­تى قاتىسۋشىلار ءوز ويلارىن اشىق ايتتى, ۇسىنىس-پىكىرلەرىن ورتاعا سالدى. ەلباسىنىڭ ءىرى ءارى بەدەل­دى حالىقارالىق ۇيىم – بۇۇ ءمىن­بەرىنەن ايتىلعان سول ۇسى­نىستارى الەمدىك قوعام­داستىقتا ۇلكەن قولداۋ تاپتى, تانىمال ساياساتكەرلەر مەن ساراپشىلار جەدەل ءۇن قوستى. قازىرگى كەزدە دە پرەزيدەنتىمىزدىڭ سول ۇسىنىستارىنا قولداۋ بىلدىرگەن پىكىرلەر كوپتەپ ايتىلىپ جاتىر. مىسالى, جاقىندا عانا ەلباسىنىڭ وسى باستامالارىن ءارى قاراي دامىتۋ ماقساتىندا بۇۇ اياسىندا نيۋ-يورك قالا­سىندا «دىندەر بەيبىتشىلىك ءۇشىن» دەپ اتالاتىن ۇنقاتىسۋ الاڭى بولىپ ءوتتى. وعان 100-دەن استام ۇلتتىق دەلەگاتسيالار قاتى­سىپ, سولاردىڭ تەڭ جارتىسىنا جۋىعى وزدەرىنىڭ وي-پىكىرلەرىن ءبىلدىردى. «دىندەر تەرروريزمگە قارسى» حالىقارالىق دەڭگەيدەگى سونداي ءىس-شارانىڭ جالعاسى بولىپ تابىلادى. – جالپىعا ورتاق كۇردەلى ماسەلەلەر تالقىلانعان بۇل فورۋمنىڭ ەرەكشەلىگى قانداي؟ – بۇل حالىقارالىق كون­فەرەنتسيانىڭ ەڭ باستى ەرەك­شەلىگى, جيىنعا كوپتەگەن ەل­دەر­دىڭ پارلامەنتشىلەرى قاتىس­قاندىعىندا. ناقتى ايتقاندا, ءتۇرلى دىندەر وكىلدەرى مەن ساياساتكەرلەر ءبىر ۇستەلدىڭ باسىندا باس بىرىكتىرىپ, قاتەرلى دە ۇرەيلى كورىنەتىن تەرروريزمگە قارسى كۇرەسۋ, بۇگىندە ءجيى باي­قالىپ وتىرعان جانجالدار مەن قاقتىعىستاردىڭ ورىن الۋ سەبەپتەرىن ايقىنداۋ جانە ولاردى شەشۋ جولدارىن قاراس­تىرۋ. جيىن بارىسىندا وسى پروب­­­لە­مالارعا قاتىستى ۇسىنىستار مەن پىكىرلەر كوپ ايتىلۋدا. بۇل كونفەرەنتسيانىڭ كۇن ءتارتى­بىندەگى ماسەلەلەر وتكىر ءارى وزەكتى ەكەنىن بىلدىرەدى. – كونفەرەنتسيا بارىسىندا تەرروريزمنىڭ يسلام دىنىنە ەشقانداي قاتىسى جوقتىعىنا بايلانىستى پىكىر بىلدىرۋشىلەر قاتارى كوپ بولعانىن بايقاپ قالدىق... – يسلام – يماندىلىقتىڭ, ىنتىماقتاستىقتىڭ, بەيبىتشى­لىكتىڭ ءدىنى. سوندىقتان دا, جيىندا قاتىسۋشىلار تەرروريزمنىڭ يسلامعا ەشقانداي دا قاتىسى جوق ەكەندىگىن ناقتى مىسالدار كەلتىرۋ ارقىلى دالەلدەپ بەردى. كەيبىر ساياساتكەرلەر, كەي­بىر تۇلعالار وسى يسلام ءدىنىن جەكە ءوزىنىڭ نەمەسە جەكەلەگەن توپ­تىڭ مۇددەسى ءۇشىن, دالىرەك ايت­قاندا, ءوزىنىڭ ساياساتى ءۇشىن, ماتەريالدىق ماقساتى ءۇشىن پاي­دالانىپ وتىرعانى راس. وسى ماسەلەلەردى دە قاتىسۋشىلار ورتاعا سالدى, باسا نازار اۋدارۋ قاجەت ەكەنىن اتاپ ءوتتى. – جاستاردىڭ ءدىني ساۋات­تىلىعىن جەتىلدىرۋ ماسەلەلەرى دە اڭگىمە بولدى عوي. – جاستارعا ءبىلىم بەرىپ, ولار­دىڭ ساۋاتتىلىعىن دامىتۋ جايى دا ايتىلدى. اسىرەسە, جاستاردىڭ ءدىني ساۋاتتىلىعىن ورىستەتۋ, ولاردىڭ تەرىس پيعىل­دى اعىمدار جولىنا ءتۇسىپ كەتپەۋىن باقىلاۋ, تاعى باسقا دا ماسەلەلەر جونىندە ورىندى پىكىر-ۇسىنىستار ورتاعا سالىندى. جاس جەتكىنشەكتەردىڭ وقىپ-ءبىلىم الۋىنا, ولاردىڭ پايدالى ىسپەن اينالىسۋىنا جاقسى جاعدايلار جاسالاتىن بولسا, جاستار ەشقاشان تەرىس جولعا تۇسپەيدى. اڭگىمەلەسكەن ءاليسۇلتان قۇلانباي, «ەگەمەن قازاقستان»